ທ່ານ ສະຫວັນຄອນ ຣາຊະມຸນຕຣີ, ປະທານສະມາຄົມນັກຂ່າວ ແຫ່ງ ສປປ ລາວ ແລະ ຄະນະຈາກ ກົມສື່ມວນຊົນ, ໃນຖານະເປັນຕົວແທນສື່ມວນຊົນລາວ ພ້ອມດ້ວຍ ທ່ານ ເທບພະໄຊ ຫຍ່ອງ, ປະທານສະມາຄົມ ນັກໜັງສືພິມ ແຫ່ງອາຊຽນ, ທ່ານ ມົງຄົນ ບາງປຣະພາ, ປະທານສະຫະພັນນັກໜັງສືພິມ ແຫ່ງປະເທດໄທ, ແລະ ທ່ານ ອານັນ ນິລະມານົນ, ຮອງປະທານສະຫະພັນ ນັກໜັງສືພິມແຫ່ງປະເທດໄທ ແລະ ປະທານສະມາຄົມໜັງສືພິມ ພາກພື້ນ ແຫ່ງປະເທດໄທ ຮ່ວມເດີນທາງເພື່ອໄປປະຊຸມ “ສະຫະພັນ ໜັງສືພິມແຫ່ງອາຊຽນ” ທີ່ ບາຫຼີ, ປະເທດ ອິນໂດເນເຊຍ.
ໃນການຈັດກອງປະຊຸມ ສະຫະພັນ ໜັງສືພິມ ແຫ່ງອາຊຽນ ຄັ້ງນີ້ ເປັນການຈັດປະຊຸມໃຫຍ່ ເຊິ່ງເລື່ອນມາຈາກປີ 2021 ເນື່ອງຈາກການແຜ່ລະບາດຂອງພະຍາດ ໂຄວິດ-19 ໂດຍ ສະມາຄົມສື່ມວນຊົນ ອິນໂດເນເຊຍ ເປັນເຈົ້າພາບຈັດການປະຊຸມ ທີ່ ບາຫຼີ ໃນລະຫວ່າງວັນທີ 11-19 ຕຸລາ 2022, ນອກຈາກນີ້ ຍັງເປັນວາລະທີ່ ສະມາຄົມສື່ມວນຊົນ ອິນໂດເນເຊຍ ຈະໄດ້ຮັບໜ້າທີ່ຕໍ່ໃນການເປັນປະທານ ສະຫະພັນ ນັກໜັງສືພິມ ແຫ່ງ ອາຊຽນ ລຳດັບຕໍ່ໄປ.
ສຳລັບການເດີນທາງໄປຮ່ວມປະຊຸມໃນຄັ້ງນີ້, ໄດ້ຮັບການສะໜັບສະໜຸນການເດີນທາງໂດຍ ສາຍການບິນ ໄທແອຣ໌ເອເຊຍ ໂດຍມີ ທ່ານ ນັດທະວຸດ ຈິດອາດຫານ, ຜດູ້ຈັດການຝ່າຍປະຊາສຳພັນ ຮ່ວມຕ້ອນຮັບ ແລະ ສົ່ງ, ໂດຍໄດ້ກ່າວວ່າ ສາຍການບິນ ໄທແອຣ໌ເອເຊຍ ເຫັນຄວາມສຳຄັນຂອງການປະຊຸມສື່ມວນຊົນໃນອາຊຽນ ທີ່ສ້າງຄວາມເຂົ້າໃຈທີ່ດີຕໍ່ກັນລະຫວ່າງ ສື່ມວນຊົນ ແລະ ພົນລະເມືອງໃນອາຊຽນ ລວມເຖິງ ການສົ່ງເສີມການທ່ອງທ່ຽວ ທີ່ຈະຊ່ວຍກະຕຸ້ນເສດຖະກິດ ໃນພາກພື້ນອາຊຽນອີກດ້ວຍ.