Thursday, July 18, 2024
Lenovo

ລາວ ໄດ້ຮັບທຶນຈາກ ໄທ 6 ຫຼັກສູດ ພັດທະນາຊັບພະຍາກອນມະນຸດ.

ກົມການຮ່ວມມືລະຫວ່າງປະເທດ (TICA) ກະຊວງການຕ່າງປະເທດໄທ ຮ່ວມກັບ ມະຫະວິທະຍາໄລບູຣະພາ, ສະຖາບັນລະຫວ່າງປະເທດ ເພື່ອການຄ້າ ແລະ ການພັດທະນາ, ສະຖາບັນການຕ່າງປະເທດ ເທວະວົງວະໂຣປະການ ແລະ ມະຫາວິທະຍາໄລແມ່ໂຈ້ ຈັດຫຼັກສູດຝຶກອົບຮົມໄລຍະສັ້ນດ້ານຊັບພະຍາກອນມະນຸດ ປະຈຳປີ 2022 ພາຍໃຕ້ແຜນງານຮ່ວມມືເພື່ອພັດທະນາລະຫວ່າງ ລາວ-ໄທ ໄລຍະ 3 ປີ ສະບັບທີ 1(ປີ 2020-2022) ຈຳນວນ 6 ຫຼັກສູດ ໂດຍມີຜູ້ໄດ້ຮັບທຶນທັງໝົດ 76 ຄົນ.

ສຳລັບໃນການຈັດຫຼັກສູດເບື້ອງຕົ້ນ ແມ່ນປະສົບຜົນສຳເລັດໄປດ້ວຍດີ ນອກຈາກຜູ້ເຂົ້າຮ່ວມຝຶກອົບຮົມຈາກໜ່ວຍງານທີ່ກ່ຽວຂ້ອງຈະໄດ້ຮັບອົງຄວາມຮູ້ ແລະ ແນວທາງປະຕິບັດ ຈາກໄທ ເປັນຕົ້ນແມ່ນ ການພັດທະນາການທ່ອງທ່ຽວຊຸມຊົນແບບນິເວດ ແລະ ອະນຸລັກ ພາຍໃຕ້ຮູບແບບ 4 Ps model (Public – Private – People – Partnership) ໂມເດວເສດຖະກິດຊີວະພາບ, ເສດຖະກິດໝຸນວຽນ ແລະ ເສດຖະກິດສີຂຽວ (BCG Economy Model) ການກະເສດໃນບ່ອນສູງ, ການກະເສດສີຂຽວ (ການກະເສດປອດໄພ) ແລະ ການກະເສດສະອາດ (ກະເສດອິນຊີ) ເພື່ອສົ່ງເສີມຄວາມໝັ້ນຄົງທາງອາຫານ ແລະ ກະສິກຳທີ່ຍືຍຍົງ ໂດຍການນຳແນວທາງປະຕິບັດຫຼັດປັດຊະຍາເສດຖະກິດພໍພຽງ ແລະ ການສົ່ງເສີມຮູບແບບເສດຖະກິດຊີວະພາບ, ເສດຖະກິດໝຸນວຽນ ແລະ ເສດຖະກິດສີຂຽວ (BCG Economy Model) ໄປປະຍຸກໃຊ້ ເພື່ອພັດທະນາ ສະໜັບສະໜຸນນະໂຍບາຍການພັດທະນາເສດຖະກິດ ແລະ ສັງຄົມຂອງ ສປປ ລາວຢ່າງຍືນຍົງ.

ນອກຈາກນີ້, ເພື່ອເປັນການສະຫຼອງຄວາມສຳພັນຄົບຮອບ 70 ປີ ທາງການທູດ ລາວ-ໄທ ກົມຄວາມຮ່ວມມືລະຫວ່າງປະເທດ ຍັງເປີດໂອກາດໃຫ້ເຈົ້າໜ້າທີ່ກະຊວງການຕ່າງປະເທດ ສປປ ລາວ ໄດ້ຮ່ວມແລກປ່ຽນປະສົບການດ້ານການທູດ ແລະ ການຕ່າງປະເທດ ສ້າງເຄື່ອຂ່າຍລະດັບເຈົ້າໜ້າທີ່ລະຫວ່າງກະຊວງການຕ່າງບປະເທດທັງສອງຝ່າຍ ເພື່ອສາມາດນຳໄປຂະຫຍາຍຜົນ ແລະ ຕໍ່ຍອດຄວາມຮ່ວມມືພາບໃຕ້ແຜນງານຮ່ວມມືເພື່ອການພັດທະນາ ລາວ-ໄທ ສະບັບທີ 2 (ປີ 2023-2025) ໃຫ້ເກີດຜົນເປັນຮູບປະທຳຕໍ່ໄປ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.