ຊຳຊຸງເປີດໂຕ Galaxy S23 Series ພ້ອມກັນທົ່ວໂລກ ນໍາສະເໜີເຕັກໂນໂລຊີກ້ອງລ່າສຸດດ້ວຍເຊັນເຊີຂະໜາດ 200 ລ້ານພິກເຊວ ແລະ ໜ່ວຍປະມວນຜົນ Snapdragon® 8 Gen 2 ທີ່ເຮັດວຽກຮ່ວມກັບເຕັກໂນໂລຊີ AI ລຳ້ສະໄໝຈາກຊຳຊຸງ ເພື່ອຍົກລະດັບປະສົບການໃຊ້ງານທຸກດ້ານ ບໍ່ວ່າຈະເປັນການຖ່າຍວິດີໂອ, ຖ່າຍຮູບບຸກຄົນ, ເຊວຟີ້ຕອນການຄືນທີ່ໃຫ້ພາບອອກມາສະຫວ່າງສົດໃສ ການຫຼິ້ນເກມດ້ວຍກຣາບຟິກແບບບໍ່ມີສະດຸດ ແລະ ການໃຊ້ງານຮ່ວມກັບ S Pen ໃນລຸ້ນ Ultra ເຊິ່ງໄດ້ຮັບການຍອມຮັບຈາກຜູ້ໃຊ້ງານມາແລ້ວທົ່ວໂລກ ພ້ອມຄວາມໃສ່ໃຈໃນດ້ານສິ່ງແວດລ້ອມ ດ້ວຍການໃຊ້ວັດສະດຸ recycle ເພີ່ມຂຶ້ນ ເພື່ອຄວາມຍືນຍົງຂອງສິ່ງແວດລ້ອມໂລກ
“ເຕັກໂນໂລຊີທີ່ສ້າງຜົນກະທົບໄດ້ສູງສຸດ ບໍ່ໄດ້ວັດຈາກສິ່ງທີ່ເຮັດໃຫ້ເຮົາໄດ້ໃນມື້ນີ້ເທົ່ານັ້ນ ແຕ່ຍັງຕ້ອງເບິ່ງວ່າຈະສ້າງອະນາຄົດທີ່ດີກວ່າໃນອະນາຄົດໄດ້ແນວໃດ, Galaxy S23 Ultra ແລະ ທຸກລຸ້ນໃນຕະກຸນ S ຊີຣີທັງໝົດຂອງຊຳຊຸງ ຄືການຍົກລະດັບມາດຕະຖານໃໝ່ຂອງສະມາດໂຟນລະດັບພີມ້ຽມທີ່ເຊື່ອຖືໄດ້ ໂດຍເຮົາໄດ້ພັດທະນາອຸປະກອນໃຫ້ມີປະສິດທິພາບສູງສຸດດ້ວຍການປະສານພະລັງ ແລະ ນະວັດຕະກຳທີ່ຍືນຍົງໃນອຸປະກອນເອເລັກໂຕນິກ ທີ່ສົ່ງຜົນກະທົບຕໍ່ສິ່ງແວດລ້ອມໜ້ອຍລົງ” ທ່ານ TM Roh ປະທານທຸລະກິດຝ່າຍມືຖືຂອງ ຊຳຊຸງ ເອເລັກໂຕນິກ ກ່າວ.
ກ້ອງຄວາມລະອຽດສູງ ທີ່ຕອບສະໜອງຄວາມຄິດສ້າງສັນໄດ້ທັງກາງເວັນ ແລະ ກາງຄືນ
ນັບເປັນຄັ້ງທຳອິດ ທີ່ຊຳຊຸງນຳເຊັນເຊີກ້ອງຂະໜາດ 200 ລ້ານພິເຊວມາໃສ່ໃນ Galaxy S23 Ultra ເພື່ອຍົກລະດັບການຖ່າຍພາບ ລະດັບມືອາຊີບໃຫ້ສູງຂຶ້ນໄປອີກຂັ້ນ ດ້ວຍການເກັບລາຍລະອຽດພາບນິ່ງ ແລະ ພາບເຄື່ອນໄຫວໃຫ້ຊັດເຈນ ແລະ ສົດໃສທັງກາງເວັນ ແລະ ກາງຄືນ ຮ່ວມກັບ AI ລຳ້ສະໄໝ ແລະ ພະລັງຂອງໜ່ວຍປະມວນຜົນກຣາບຟິກ ເຊິ່ງຈະເຮັດໃຫ້ຜູ້ໃຊ້ງານ Galaxy S23 ທຸກລຸ້ນ ໄດ້ຮັບປະສົບການຖ່າຍຮູບກາງຄືນ (Nightography) ທີ່ດີເລີດກວ່າເກົ່າ ບໍ່ວ່າຈະເປັນການຖ່າຍວິດີໂອສຸດປະທັບໃຈໃນງານຄອນເສີດ ຫຼື ການຖ່າຍພາບກຸ່ມກັບໝູ່ໃນງານລ້ຽງຍາມແລງ ເຊິ່ງຄົນທີ່ໄດ້ເຫັນຮຸບ ຫຼື ວິດີໂອທີ່ຖ່າຍຈາກ Galaxy S23 Series ຈະຕ້ອງຮ້ອງຂໍໃຫ້ສົ່ງຕໍ່ຮູບ ແລະ ວິດີໂອດັ່ງກ່າວໃຫ້ ແລະ ຍິ່ງໄປກວ່ານັ້ນ ກ້ອງໜ້າຂອງ Galaxy S23 ຍັງໄດ້ຮັບການພັດທະນາສູງຂຶ້ນອີກຂັ້ນເປັນ Super HDR ທີ່ເຮັດໃຫ້ຜູ້ໃຊ້ສາມາດຖ່າຍເຊວຟີ້ພາບນິ່ງໄດ້ວ່ອງໄວຍິ່ງກວ່າ ແລະ ຖ່າຍພາບເຄື່ອນໄຫວໄດ້ນຸ່ມນວນຫຼາຍຍິ່ງຂຶ້ນຈາກ 30 ເຟມຕໍ່ວິນາທີ ເປັນ 60 ເຟມຕໍ່ວິນາທີ ແລະ ເຊັ່ນດຽວກັບ Galaxy S Series ທຸກລຸ້ນ ທີ່ມາພ້ອມເຄື່ອງມືລະດັບມືອາຊີບ ສຳລັບຜູ້ທີ່ຕ້ອງການປັບແຕ່ງງານສ້າງສັນໃຫ້ໄປເຖິງລະດັບສູງສຸດສາມາດໃຊ້ແອັບ Expert RAW ເຊິ່ງມີສະເພາະໃນ Samsung Galaxy ຊ່ວຍໃຫ້ຖ່າຍພາບໃນແບບ DSLR ແລະ ແກ້ໄຂພາບໄດ້ RAW ແລະ JPEG ໂດຍບໍ່ຈໍາເປັນຕ້ອງໃຊ້ກ້ອງຂະໜາດໃຫຍ່ ໂດຍຜູ້ໃຊ້ສາມາດທົດລອງການຖ່າຍພາບແບບເປີດຮູຮັບແສງທີ່ແຕກຕ່າງກັນ ຫຼື ການຈັບພາບທາງຊ້າງເຜືອກທີ່ຊັດເຈນດ້ວຍການຕັ້ງຄ່າ Astrophoto ໄດ້ຈາກແອັບ Samsung Camera ແລະ ແອັບ Expert RAW
ກ້ອງຂອງ Galaxy S23 ຍັງໄດ້ຮັບການພັດທະນາເພີ່ມຂຶ້ນອີກຫຼາຍດ້ານ ບໍ່ວ່າຈະເປັນລະບົບກັນສັ່ນ (OIS) ທີ່ສາມາດເຄື່ອນໄຫວໄປໄດ້ຫຼາຍທິດທາງ ເຊິ່ງຊ່ວຍຫຼຸດບັນຫາພາບບໍ່ແຈ້ງໄດ້ດີຫຼາຍກວ່າ ພ້ອມທັງເພິ່ມຈໍານວນເຟຣມເຣດ ໃນການຖ່າຍວິດີໂອລະດັບ 8K ໃຫ້ສູງຂຶ້ນເປັນ 30 ເຟມຕໍ່ວິນາທີ ດ້ວຍເລນມຸມກວ້າງ ເຊິ່ງເມື່ອຮ່ວມກັບເຕັກໂນໂລຊີ AI ທີ່ສາມາດວິເຄາະອົງປະກອບໃບໜ້າ, ຕາ ແລະ ຜົມ ຈະເຮັດໃຫ້ສາມາດສະແດງຕົວຕົນຂອງບຸກຄົນໃນພາບໄດ້ຢ່າງຊັດເຈນ
ໜ່ວຍປະມວນຜົນຊັ້ນເລີດ ເພື່ອຮອງຮັບເກມໃໝ່ໃນອະນາຄົດ
ສຳລັບຜູ້ຜະລິດຄອນເທັນ ແລະ ນັກຫຼິ້ນເກມ ການໃຊ້ພະລັງຈາກໜ່ວຍປະມວນຜົນຄຸນະພາບສູງ Snapdragon® 8 Gen 2 ໃນ Galaxy S23 Ultra ຮ່ວມກັບແບັດເຕີລີ້ 5,000 ມິນລີແອັມ ຈະເຮັດວຽກໄດ້ຢ່າງເຕັມປະສິດທິພາບໄດ້ດົນກວ່າອີກ 20 ເປີເຊັນ ນອກຈາກນີ້ ໜ່ວຍປະມວນຜົນດ້ານກຣາບຟິກໄດ້ເຮັດວຽກໄວຂຶ້ນກວ່າເກົ່າ 40 ເປີເຊັນ ຄືກັນ ເຊິ່ງຊ່ວຍໃຫ້ໃຊ້ພະລັງງານເພື່ອເຮັດວຽກດ້ານອື່ນໆ ບໍ່ວ່າຈະເປັນການຖ່າຍຮູບ, ຖ່າຍວິດີໂອ ແລະ ການຫຼິ້ນເກມໄດ້ຢ່າງມີປະສິດທິພາບສູງສຸດ
Galaxy S23 Ultra ຍັງຮອງຮັບການສະແດງຜົນຂອງແສງໃນເກມທີ່ໃຫ້ມິຕິ ແລະ ຄວາມລະອຽດຂອງແສງສົມຈິງ ຢ່າງເຫັນໄດ້ຊັດ ອີກທັງຍັງເພິ່ມຂະໜາດຊິ້ນສ່ວນ ລະບາຍຄວາມຮ້ອນໃຫ້ໃຫຍ່ຂຶ້ນໃນ Galaxy S23 ທຸກລຸ້ນ ເພື່ອໃຫ້ແນ່ໃຈໄດ້ວ່າ ຈະບໍ່ສະສົມອຸນຫະພູມຈົນເຮັດໃຫ້ເຄື່ອງຮ້ອນຈົນເກີນໄປ ໃນຂະນະຫຼິ້ນເກມແບບຕໍ່ເນື່ອງ ບໍ່ພຽງແຕ່ເທົ່ານັ້ນ ໜ້າຈໍຂະໜາດ 6,8 ນິ້ວ ຂອງ Galaxy S23 Ultra ຍັງໄດ້ຮັບການອອກແບບໃໝ່ໃຫ້ຂອບໂຄ້ງນ້ອຍລົງ ເພື່ອເພີ່ມພື້ນທີ່ໜ້າຈໍໃຫ້ຫຼາຍຂຶ້ນ ເຊິ່ງຊ່ວຍໃຫ້ເຫັນພາບບໍລິເວນຂອບໄດ້ຊັດເຈນກວ່າເກົ່າ ລວມເຖິງການໃຊ້ປາກກາບໍລິເວນຂອບໄດ້ງ່າຍຂຶ້ນອີກດ້ວຍ ອີກທັງຍັງເພີ່ມລະດັບຂອງການປັບສີສັນ ແລະ ຄວາມຄົມຊັດເພື່ອສູ້ກັບແສງພາຍນອກໃຫ້ຄວາມລະອຽດຂຶ້ນຈາກ 2 ເປັນ 4 ລະດັບ ເພື່ອຊ່ວຍຫຼຸດຜ່ອນຄວາມເມື່ອຍລ້າຂອງສາຍຕາໃນຂະນະໃຊ້ງານ
ຢືນຢັດເພື່ອຄວາມໝັ້ນຄົງຂອງໂລກ
ສືບເນື່ອງຈາກທີ່ ຊໍາຊຸງ ເປັນພັນທະມິດຢ່າງເປັນທາງການຂອງງານ World Expo 2030 ທີ່ ປູຊານ ສ. ເກົາຫຼີ ຄຽງຄູ່ກັບເຈດຕະນາໃນການໃຊ້ຊັບພະຍາກອນໝູນວຽນ ເພື່ອໂລກທີ່ໝັ້ນຄົງ ເຮັດໃຫ້ຊໍາຊຸງໃສ່ໃຈໃນການນໍາວັດຖຸດິບ recycle ມາໃຊ້ໃນທຸກອົງປະກອບຂອງອຸປະກອນເອເລັກໂຕນິກຫຼາຍຂຶ້ນທຸກປີ ໂດຍໃນ Galaxy S23 Series ກໍໄດ້ເພີ່ມຊິ້ນສ່ວນທີ່ມາຈາກວັດສະດຸ recycle ໃຫ້ຫຼາຍກວ່າ Galaxy S22 Series ຂຶ້ນໄປອີກ ເປັນການສະແດງໃຫ້ເຫັນເຖິງຄວາມມຸ່ງໝັ້ນທີ່ຈະຫຼຸດຜົນກະທົບຕໍ່ສິ່ງແວດລ້ອມ
ຍິ່ງໄປກວ່ານັ້ນ ຊຳຊຸງຍັງໝັ້ນໃຈວ່າ Galaxy S23 ທຸກລຸ້ນ ຈະໄດ້ຮັບການອັບເກຣດ ລະບົບປະຕິບັດການຢ່າງຕໍ່ເນື່ອງໃນອີກ 4 ລຸ້ນ ແລະ ຈະອັບເກຣດດ້ານຄວາມປອດໄພໃນການໃຊ້ງານຢ່າງຕໍ່ເນື່ອງໄປອີກ 5 ປີ ເພື່ອໃຫ້ໝັ້ນໃຈໄດ້ວ່າຈະສາມາດໃຊ້ງານເຄື່ອງໄດ້ໄປອີກດົນ.
ສຳຜັດປະສົບການໃຊ້ງານ Galaxy S23 Series ໄດ້ແລ້ວທົ່ວປະເທດ ພ້ອມຂອງແຖມພິເສດ
ຊຳຊຸງລາວ ເປີດໃຫ້ຈອງ Galaxy S23 Series ແລ້ວ ທີ່ຕົວແທນຈຳໜ່າຍທົ່ວປະເທດຕັ້ງແຕ່ມື້ນີ້ເປັນຕົ້ນໄປ ຈົນເຖິງວັນທີ 23 ກຸມພາ ແລະ ຕິດຕໍ່ຂໍຮັບເຄື່ອງຕັ້ງແຕ່ວັນທີ 17 ກຸມພາ ເປັນຕົ້ນໄປ ໂດຍທຸກເຄື່ອງທີ່ສັ່ງຈອງຈະໄດ້ຮັບການເພີ່ມໜ່ວຍຄວາມຈຳເພີ່ມເປັນ 2 ເທົ່າ ພ້ອມຫູຟັງ Galaxy Buds 2 ເຄສໃສ ແລະ ຟີມກັນແຕກ ເຊິ່ງສີທີ່ສາມາດສັ່ງຈອງໄດ້ແມ່ນມີ 4 ສີສຳລັບ Galaxy S23 Ultra ແລະ S23+ ຄື: ດໍາ, ຄຣີມ, ມ້ວງລາເວນເດີ ແລະ ຂຽວ ແລະ Galaxy S23 ມີ 3 ສີຄື: ດຳ, ຄຣີມ, ມ້ວງລາເວນເດີ ເຊິ່ງສີມ່ວງລາເວນເດີແມ່ນເປັນສີພິເສດທີ່ສາມາດສັ່ງໄດ້ທີ່ຮ້ານ Samsung Multi Experience Store ເທົ່ານັ້ນ. ດັ່ງນີ້
- Galaxy S23 Ultra ລາຄາສັ່ງຈອງ 24,999,000ກີບ ໄດ້ຮັບການເພີ່ມໜ່ວຍຄວາມຈໍາຈາກ 512GB ເປັນ 1TB
- Galaxy S23+ ລາຄາສັ່ງຈອງ 18,599,000 ກີບ ໄດ້ຮັບການເພີ່ມໜ່ວຍຄວາມຈໍາຈາກ 256GB ເປັນ 512GB
- Galaxy S23 ລາຄາສັ່ງຈອງ 14,999,000 ກີບ ມີ ໄດ້ຮັບການເພີ່ມໜ່ວຍຄວາມຈໍາຈາກ 128GB ເປັນ 256GB
ຂໍ້ມູນເພີ່ມເຕີມ ສອບຖາມໄດ້ທີ່:
Samsung Call Center: 021 417 333
Facebook Page: SamsungLaos
Instagram: Samsunglaos
Tiktok: @Samsungmobilelaos
