ເມືື່ອໂທລະສັບກາຍເປັນປັດໄຈສຳຄັນທີ່ເຮົາຂາດບໍ່ໄດ້ ເພາະເປັນໃຫ້ເຮົາທຸກຢ່າງ ທັງເບິ່ງໜັງ, ຟັງເພງ, ຖ່າຍຮູບ, ເບິ່ງໂລກອອນລາຍ ຈົນເຮັດໃຫ້ຫຼາຍຄົນເກີດອາການຕິດໂທລະສັບ ເຊິ່ງບາງຄັ້ງກໍສົ່ງຜົນເສຍຕໍ່ສຸຂະພາບຂອງເຮົາແບບບໍ່ຮູ້ໂຕ ແລະ ນີ້ແມ່ນອາການທີ່ບົ່ງບອກໄດ້ວ່າ ສຸຂະພາບຂອງເຈົ້າກຳລັງຊຸູດໂຊມລົງຈາກການໃຊ້ໂທລະສັບ.
1.ນອນບໍ່ຫຼັບ
ແສງຈາກຈໍໂທລະສັບທີ່ສະຫວ່່າງ ສົ່ງຜົນຕໍ່ການປ່ອຍສານໂຮໂມນ ເມລາໂທນິນ ທີ່ຊ່ວຍຄວບຄຸມການນອນຫຼັບ ເນື່ອງຈາກການປ່ອຍໂຮໂມນດັ່ງກ່າວຂຶ້ນຢູ່ກັບແສງສະຫວ່າງ ການຫຼິ້ນໂທລະສັບກ່ອນນອນຈຶ່ງສົ່ງຜົນຕໍ່ການນອນຫຼັບໄປນໍາ.
2.ເກີດຄວາມຄຽດ
ການໃຊ້ໂທລະສັບຢູ່ຕະຫຼອດເວລາ ເທົ່າກັບວ່າເຮົາຕ້ອງພ້ອມທີ່ຈະຮັບໂທລະສັບຕ່າງໆ ຕອບກັບຂໍ້ຄວາມຕ່າງໆ ທີ່ແຈ້ງເຕືອນເຂົ້າມາຈາກຊ່ອງທາງຕ່າງໆ ດ້ວຍເຫດນັ້ນຈຶ່ງເຮັດໃຫ້ເກີດຄວາມຄຽດໂດຍບໍ່ຮູ້ໂຕ.
3.ຈໍປະສາດຕາເສື່ອມ
ແສງສີຟ້າຈາກຈໍໂທລະສັບສາມາດທຳລາຍຈໍປະສາດຕາ ຈົນນໍາໄປສູ່ການເປັນຈໍປະສາດຕາເຊື່ອມໄດ້ ເຊິ່ງວິທີແກ້ແມ່ນຄວນໃຊ້ສາຍຕາແນມໄປບ່ອນອື່ນ 20 ວິນາທີ ແລະ ແນມເບິ່ງສິ່ງທີ່ຢູ່ໄກໆຈາກຕົວເອງ ເພື່ອຄາຍຄວາມເມື່ອຍຈາກການໃຊ້ສາຍຕາ.
4.ປວດຄໍ
ສ່ວນໃຫຍ່ແລ້ວຄົນເຮົາມັກຈະກົ້ມເບິ່ງໂທລະສັບ ເຊິ່ງການກົ້ມແຕ່ລະຄັ້ງອາດເປັນທ່າທີ່ບໍ່ເໝາະສົມ ເພາະຈະສົ່ງຜົນໃຫ້ເກີດການປວດຄໍໄດ້ຫາກກົ້ມເປັນເວລາດົນໆ.
5.ມີພຶດຕິກຳຮຸນແຮງ
ຄົນທີ່ຕິດໂທລະສັບ ແລະ ບໍ່ສາມາດໃຊ້ໃນເວລາທີ່ຕ້ອງການ ມັກຈະເກີດອາການອາລົມຂຶ້ນໆລົງໆງ່າຍ ແບບບໍ່ໄດ້ຕັົ້ງໃຈ ເຊິ່ງສ່ວນຫຼາຍເຮົາຈະພົບເຫັນກັບກັບເດັນນ້ອຍທີ່ຕິດເກມໃນໂທລະສັບ.
6.ເສີຍສະມາທິ
ການໃຊ້ໂທລະສັບເຊື່ອມຕໍ່ກັບໂລກອອນລາຍ ສາມາດເຮັດໃຫ້ເສຍສະມາທິໄດ້ ເພາະແທນທີ່ເຮົາຈະໂຟກັດແຕ່ສິ່ງທີ່ເຮັດຢູ່ ກໍຕ້ອງມາລະແວງກັບສຽງແຈ້ງເຕືອນຕ່າງໆ ທີ່ເຂົ້າມາຈົນຂາດສະມາທິ.
7.ນິ້ວລ໋ອກ
ການໃຊ້ນິ້ວໃດນິ້ວໜຶ່ງພິມຂໍ້ຄວາມຫຼືຫຼິ້ນເກມໃນໂທລະສັບດົນເກີນໄປ ສົ່ງຜົນເຮັດໃຫ້ເກີດອາການນິ້ວລ໋ອກໄດ້ ເຊິ່ງເກີດຈາກການອັກເສບຂອງເສັ້ນເອັນແລະປອກຫຸ້ມເອັນທີ່ໃຊ້ໃນການງໍນິ້ວ ໂດຍສ່ວນໃຫຍ່ຈະເກີດຂຶ້ນກັບນິ້ວທີ່ໃຊ້ງານຫຼາຍກວ່ານິ້ວອື່ນໆ.
8.ມີຄວາມກັງວົນ
ຄົນທີ່ໃຊ້ໂທລະສັບຈົນຕິດ ຈະເຮັດໃຫ້ເກີດຄວາມກັງວົນໄດ້ ເນື່ອງຈາກການລໍຖ້າ ຫຼື ຄາດຫວັງສຽງໂທລະສັບ ການຕອບກັບຂໍ້ຄວາມຕ່າງໆ ແລະ ຫາກວ່າມື້ໃດລືມໂທລະສັບຍິ່ງກັງວົນຫຼາຍກວ່າເກົ່າ.
9.ປວດຫົວ
ການໃຊ້ໂທລະສັບເປັນເວລາດົນນານ ຈະສົ່ງຜົນໃຫ້ໄດ້ຮັບລັງສີຈາກໂທລະສັບທີ່ແຜ່ອອກມາ ເຊິ່ງລັງສີດັ່ງກ່າວຈະສົ່ງຜົນຕໍ່ລະບົບປະສາດເຮັດໃຫ້ອາການປວດຫົວຕາມມາ.
Hits: 9
