Monday, July 15, 2024
Lenovo

ຫວຽດເຈັດ ເປີດ​​ຖ້ຽວ​ບິນ​ກົງພຽງໜຶ່ງດຽວທີ່ບິນລະຫວ່າງ ວຽງຈັນ-​ໂຮ​ຈິ​ມິນ ຕັ້ງ​ແຕ່​ວັນ​ທີ 25 ກຸມພາ​ນີ້,ກັບໂປຣໂມຊັນສຸດພິເສດຖ້ຽວບິນລາຄາຖືກ 0 ໂດລາ

ນະຄອນຫຼວງ ວຽງຈັນ, ວັນທີ 18 ທັນວາ 2023) ຫວຽດເຈັດ (VietJet), ສາຍການບິນເອກະຊົນທີ່ໃຫຍ່ທີ່ສຸດຂອງຫວຽດນາມ, ຈະເລີ່ມໃຫ້ບໍລິການໃນເສັ້ນທາງໃໝ່ ເຊື່ອມຕໍ່ວຽງຈັນກັບນະຄອນໂຮຈີມິນເມືອງທີ່ໃຫຍ່ທີ່ສຸດຂອງຫວຽດນາມ ເລີ່ມແຕ່ວັນທີ 25 ກຸມພາ 2024. ນີ້​ແມ່ນ​ສາຍການບິນໂດຍກົງ​ຖ້ຽວທຳ​ອິດ​​ພຽງໜຶ່ງດຽວໃນທ້ອງຖິ່ນທີ່ເຊື່ອມ​ຕໍ່​ລະຫວ່າງສອງ​ເມືອງດ້ວຍກັນ. ສາຍການບິນໄດ້ມອບໂປຣໂມຊັນຖ້ຽວບິນລາຄາຖືກ ຫຼື Real deal ບິນໄປຫວຽດນາມ ແລະ ຕ່າງປະເທດ. ເພື່ອແນໃສ່ເຮັດໃຫ້ການເດີນທາງສະດວກຂຶ້ນ ແລະ ເໝາະສົມກັບທຸກຄົນ.

ການໃຫ້ບໍລິການສາຍການບິນສີ່ຄັ້ງຕໍ່ອາທິດ ຈະດໍາເນີນການໃນວັນຈັນ, ວັນພຸດ, ວັນສຸກ, ແລະວັນອາທິດ. ໂດຍໃຊ້ເວລາບິນພຽງແຕ່ 2 ຊົ່ວໂມງເທົ່ານັ້ນ. ຖ້ຽວ​ບິນ​ຈະອອກ​ຈາກ​ສະ​ໜາມ​ບິນ​ສາ​ກົນ​ວັດ​ໄຕ​ໃນ​ເວ​ລາ 18:45 ໂມງ ແລະ​ໄປ​ຮອດ​ສະ​ໜາມ​ບິນ​ສາ​ກົນ Tan Son Nhat ນະ​ຄອນ​ໂຮ່​ຈິ​ມິນ​ໃນ​ເວ​ລາ 20:45 ໂມງ. ອີກດ້ານໜຶ່ງ, ຖ້ຽວບິນຈາກນະຄອນໂຮ່ຈີມິນ ຫາ ນະຄອນຫຼວງວຽງຈັນ ອອກເວລາ 16:00 ໂມງ ແລະ ລົງຈອດໃນເວລາ 17:45 ໂມງ (ຕາມເວລາທ້ອງຖິ່ນ).

ເພື່ອສະເຫຼີມສະຫຼອງເສັ້ນທາງການບິນໃໝ່, ແຕ່ວັນທີ 20 ຫາວັນທີ 22 ທັນວາ, ຫວຽດເຈັດVietJet ໄດ້ມອບໂປຣໂມຊັນຫຼາຍພັນລາຍການ ຖ້ຽວບິນລາຄາ ຖືກ 0 ໂດລາ ສໍາລັບເສັ້ນທາງ ວຽງຈັນ-ນະຄອນໂຮ່ຈີມິນ ແລະ ໄປເຖິງຈຸດໝາຍປາຍທາງໃນອົດສະຕາລີ, ສ.ເກົາຫຼີ, ຍີ່ປຸ່ນ, ຮົງກົງ, ໄຕ້ຫວັນ, ອິນເດຍ, ສິງກະໂປແລະອື່ນໆ. ທ່ານທີ່ສົນໃຈໂປຣໂມຊັນ ສາມາດເຂົ້າໄປທີ່ www.vietjetair.com ຫຼື ແອັບ VietJet Air ແລະ ວາງແຜນຖ້ຽວບິນຂອງທ່ານໄດ້ຕັ້ງແຕ່ວັນທີ 25 ກຸມພາ 2024 ຫາ 29 ມີນາ 2024.

ນອກຈາກນັ້ນ, ໃນການສະເຫຼີມສະຫຼອງວັນຄົບຮອບກໍ່ຕັ້ງຂອງ VietJet, ແຕ່ວັນທີ 18 ຫາວັນທີ 24 ທັນວາ, ສາຍການບິນໄດ້ມອບໂປຣໂມຊັນໃຫ້ລູກຄ້າ ດ້ວຍ e-voucher ມູນຄ່າເຖິງ 41 ໂດລາ, ເຊິ່ງສາມາດໃຊ້ເພື່ອຮັບສ່ວນຫຼຸດສຳລັບການຈອງຄັ້ງຕໍ່ໄປທີ່ evoucher.vietjetair.com. ຜູ້ໂດຍສານສາມາດເລືອກການຈອງລ່ວງໜ້າເພື່ອເພີດເພີນກັບສ່ວນຫຼຸດ 30% ສໍາລັບອາຫານໃນຖ້ຽວບິນ ແລະເຄື່ອງດື່ມທັນທີຫຼັງຈາກຈອງປີ້ຂອງທ່ານ. ຜູ້ໂດຍສານທັງໝົດທີ່ບິນກັບ VietJet ຈະໄດ້ຮັບປະກັນໄພ Sky Care ຟຣີ ແລະ ສາມາດເຂົ້າຮ່ວມໂຄງການ Sky Joy loyalty ເພື່ອສະສົມຄະແນນ ແລະ ແລກຂອງລາງວັນ.

ຮອງປະທານຝ່າຍການຄ້າສາຍການບິນ Vietjet ທ່ານ Jay L Lingeswaraກ່າວວ່າ: “ພວກເຮົາໄດ້ປະກາດເສັ້ນທາງການບິນໃໝ່ເມື່ອອາທິດແລ້ວນີ້ ແລະ ຮູ້ສຶກດີໃຈທີ່ໄດ້ມອບໂປຣໂມຊັນຄັ້ງໃຫຍ່ໃຫ້ນັກທ່ອງທ່ຽວຈາກລາວເພື່ອບິນໄປຫວຽດນາມ ແລະເຊື່ອມຕໍ່ໄດ້ໄກກວ່າໃນທົ່ວອາຊີ ແລະ ອົດສະຕາລີ. ຄຽງ​ຄູ່​ກັບ​ບັນດາ​ເສັ້ນທາງ​ການບິນ​ໃໝ່​ຂອງ Vietjet ທີ່​ໄດ້​ເປີດ​ນຳ​ໃຊ້​ເມື່ອ​ບໍ່​ດົນ​ມາ​ນີ້, ພວກ​ຂ້າພະ​ເຈົ້າ​ຫວັງ​ວ່າ​ຈະ​ຊຸກຍູ້​ການ​ທ່ອງ​ທ່ຽວ, ການ​ຄ້າ ​ແລະ ​ເສດຖະກິດ​ບໍ່​ພຽງ​ແຕ່​ໃນ​ແຕ່ລະ​ປະ​ເທດ​ເທົ່າ​ນັ້ນ ຫາກ​ຍັງ​ຢູ່​ໃນ​ພາກ​ພື້ນ​ອີກ​ດ້ວຍ. ພວກ​ເຮົາ​ຈະ​ສືບ​ຕໍ່​ເສີມ​ຂະ​ຫຍາຍ​ເຄືອ​ຂ່າຍ​ຂອງ​ພວກ​ເຮົາ​ຢ່າງ​ແຂງ​ແຮງ ດ້ວຍ​ການ​ເຊື່ອມ​ຕໍ່​ໃໝ່ ແລະ ມອບ​ປະສົບການທີ່ດີໃນລາຄາທີ່​ເໝາະ​ສົມ​ກວ່າ ​ດ້ວຍ​ເຮືອ​ບິນ​ໃໝ່, ທັນ​ສະ​ໄໝ ແລະ ການ​ບໍ​ລິ​ການ​ທີ່​ດີ​ເລີດ.”

ສາຍການບິນມີຄວາມພາກພູມໃຈໃນການໃຫ້ບໍລິການຜູ້ໂດຍສານທີ່ທັນສະໄໝ ແລະເປັນມິດກັບສິ່ງແວດລ້ອມ ດ້ວຍລູກເຮືອທີ່ເປັນມືອາຊີບ ຄອຍໃຫ້ບໍລິການອາຫານແຊບໆ ທ່ານສາມາດເພີດເພີນກັບອາຫານພື້ນເມືອງຂອງຫວຽດນາມ ເຊັ່ນ: ແຊນວິດຫວຽດນາມ, ກາເຟ, ເຝີ, ແລະ ອາຫານນາໆຊາດ.

Vietjet ຍິນດີຕ້ອນຮັບທຸກທ່ານ ເລີ່ມຕົ້ນການເດີນທາງເພື່ອຄົ້ນພົບຈຸດໝາຍປາຍທາງໃໝ່ທີ່ເຕັມໄປດ້ວຍຮອຍຍິ້ມ!

ຂໍ້ມູນເພີ່່ມຕື່່ມ www.vietjetair.com

ສຳລັບຜູ້ປະສານງານດ້ານສື່ຕິດຕໍ່:

Bigblue Agency Laos ໂທ: +85620 7891 1848 (ລັດ)

Ms. Kieu Duong (Amy)Email: kieuduong@vietjetair.com

ໂທ: +84 932 775 066

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.

ສາຍການບິນ Vietjet ບັນລຸ​ຂໍ້​ຕົກລົງ ​ຍົກລະດັບ​ການ​ເຊື່ອມ​ຕໍ່​ການ​ຂົນ​ສົ່ງ​ທາງ​ອາກາດ ລະຫວ່າງ ສປປ ລາວ ແລະ ສສ ຫວຽດນາມ

(ນະຄອນຫຼວງວຽງຈັນ, ວັນທີ 11 ກໍລະກົດ 2024) - ກະຊວງໂຍທາທິການ ແລະ ຂົນສົ່ງປະຈຳ ສປປ ລາວ ແລະ ສາຍການບິນ Vietjet ປະກາດຂໍ້ຕົກລົງເພີ່ມທະວີການເຊື່ອມຕໍ່ການຂົນສົ່ງທາງອາກາດລະຫວ່າງ ປະເທດລາວ-ຫວຽດນາມ.

Sky Connections ໄດ້ຂະຫຍາຍ: ເສັ້ນທາງໃໝ່ຂອງສາຍການບິນ Vietjet ໃນທົ່ວປະເທດຈີນ ແລະ ເກົາຫຼີໃຕ້

(ນະຄອນຫຼວງວຽງຈັນ, ວັນທີ 08 ກໍລະກົດ 2024) –  ສາຍການບິນ Vietjet ໄດ້ສ້າງບາດກ້າວຄັ້ງໃໝ່ໃນການເຊື່ອມຕໍ່ສາຍການບິນຜ່ານ ພາກພື້ນອາຊີປາຊີຟິກ ດ້ວຍ​ການ​ເປີດ​ບໍລິການ​ໂດຍ​ກົງ​ແຫ່ງ​ທຳ​ອິດ ​ທີ່​ເຊື່ອມ​ຕໍ່​ ນະຄອນໂຮຈີ​ມິນ ​- Xi'an (ຈີນ) ​ແລະ ການ​ປະກາດ​ເສັ້ນທາງ Nha Trang - Daegu (ສ.​ເກົາຫຼີ),