Thursday, July 18, 2024
Lenovo

ກິນໝາກສີດາ ແບບບໍ່ໃຫ້ທ້ອງອືດ

ການກິນໝາກໄມ້ບໍ່ຖືກວິທີ ອາດເກີດບັນຫາທ້ອງອືດຕາມມາໄດ້ ຊຶ່ງໝາກໄມ້ແຕ່ລະຊະນິດຈະຍ່ອຍແຕກຕ່າງກັນ. ການທີ່ເຮົາກິນທຸກຢ່າງພ້ອມກັນ ຫຼື ກິນໝາກໄມ້ທີ່ຍ່ອຍຊ້າ ກໍຈະເຮັດໃຫ້ເກີດແກ໊ດ ແລະອາການທ້ອງອືດໄດ້. ຫຼາຍຄົນມີບັນຫາທ້ອງອືດເວລາກິນໝາກສີດາ ເຖິງວ່າມັນບໍ່ໄດ້ເປັນໂຕການເຮັດໃຫ້ທ້ອງອືດໂດຍກົງກໍຕາມ ແຕ່ບາງຄັ້ງການກິນຜິດເວລາ ຫຼື ກິນລວມກັບອາຫານທີ່ຍ່ອຍບໍ່ຄືກັນ ກໍຈະເຮັດໃຫ້ສີດາຍ່ອຍບໍ່ໄດ້ດີ ແລະເກີດແກ໊ດຂຶ້ຶນ. ວິທີກິນສີດາທີ່ຈະເຮັດໃຫ້ອາການທ້ອງອືດຫາຍໄປ ມີດັ່ງນີ້:

1. ກິນຕອນທ້ອງວ່າງ ທີ່ບໍ່ລວມກັບອາຫານ ແລະກິນກ່ອນອາຫານ 40 ນາທີ ເປັນຢ່າງໜ້ອຍ.

2. ຫຍຳ້ໃຫ້ລະອຽດ ເພື່ອງ່າຍຕໍ່ຂະບວນການຍ່ອຍ.

3. ຕັດແກ່ນອອກ ຫຼື ຖ້າກິນແບບບໍ່ປອກເປືອກ ແລ້ວຮູ້ສຶກທ້ອງອືດ ຄັ້ງຕໍ່ມາໃຫ້ປອກເປືອກ.

4. ການນຳໄປປັ່ນ ສາມາດຊ່ວຍໃຫ້ສີດາຍ່ອຍງ່າຍຂຶ້ນໄດ້ ໂດຍສະເພາະປັ່ນລວມກັບນຳ້ຂີງ ຊຶ່ງມີສັບພະຄຸນຊ່ວຍຂັບລົມ ຍິ່ງຊ່ວຍຫຼຸດອາການທ້ອງອືດໄດ້ດີ. ທ່ານອາດຈະດປັ່ນກິນທຸກໆເຊົ້າລວມກັບ ໝາກກ້ວຍ, ຜັກ ແລະຂີງກໍໄດ້.

#ອິນໄຊລາວ #InsideLaos ສາລະດີໆ ມີຢູ່ບ່ອນນີ້.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.