Thursday, July 18, 2024
Lenovo

ຍ້ອງຍໍຊົມເຊີຍ! ຄະນະນັກກີລາເຕະບານເຍົາວະຊົນລາວ ສະໂມສອນ W.I.G NAGA.

ທີ່ຫ້ອງວ່າການ ນະຄອນຫຼວງວຽງຈັນ, ຄະນະນັກກິລາ W.I.G NAGA ຮຸ່ນອາຍຸບໍ່ເກີນ 11 ປີ ໄດ້ນໍາຂັນແຊ້ມລາຍການ Qionghai Guantang College Town-Flyin Cup 2024 ແລະ ຂັນແຊັມລາຍການ TAR ຮອບຄັດເລືອກ ເຂົ້າຢ້ຽມຂໍ່ານັບ ທ່ານ ພູວົງ ວົງຄໍາຊາວ ຮອງເຈົ້າຄອງນະຄອນຫຼວງວຽງຈັນ, ໂອກາດດັ່ງກ່າວ ຮອງເຈົ້າຄອງນະຄອນຫລວງ ໄດ້ຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ຂອງ W.I.G NAGA ເຊິ່ງເປັນປະຫວັດສາດ ແລະ ຜົນງານອັນໃໝ່ໃຫ້ວົງການບານເຕະລາວ ໂດຍສະເພາະນະຄອນຫລວງວຽງຈັນ ພ້ອມໂອ້ລົມໃຫ້ທິດຊີ້ນໍາ ໃຫ້ສືບຕໍ່ຝຶກຝົນຫຼໍ່ຫຼອມ ແລະ ພັດທະນາຕົນເອງຢ່າງບໍ່ຢຸດຢັ້ງ ເພື່ອຮັກສາມູນເຊື້ອ ແລະ ຍາດແຍ່ງເອົາຜົນງານອັນໃໝ່.

ສໍາລັບ W.I.G NAGA ສ້າງຜົນງານຢ່າງໂດດເດັ່ນໃນການຄວ້າແຊ້ມ ລາຍການ Qionghai Guantang College Town-Flyin Cup 2024 ລົງສະໜາມ 9 ນັດ ຊະນະ 8 ແລະ ສະເໝີ 1 ຍິງໄດ້ 91 ປະຕູ ແລະ ເສຍພຽງ 3 ປະຕູ, ໂດຍ ອານຸສັກ ວິໄລກຸນ ຍິງໄດ້ 41 ປະຕູ ຄວ້າລາງວັນດາວຍິງສູງສຸດ. ຂະນະທີ່ ສຸກສະຫວັນ ແກ້ວພິລາ ໄດ້ລາງວັນຜູ້ຮັກສາປະຕູດີເດັ່ນ ແລະ ສອນວິໄລ ສີຫາວົງ ໄດ້ລາງວັນຄູຝຶກດີເດັ່ນ.

ກ່ອນໜ້ານີ້ ເຍົາວະຊົນ W.I.G NAGA ສາມາດຄວ້າແຊັມ ລາຍການ TAR ຮອບຄັດເລືອກ ທີ່ປະເທດໄທ ໄດ້ສິດເປັນຕົວແທນຂອງທະວີບອາຊີ ໄປແຂ່ງຂັນຮອບສຸດທ້າຍ ທີ່ບາຣເຊໂລນ້າ ປະເທດແອັສປາຍ ໃນເດືອນເມສາທີ່ຈະມາເຖິງນີ້.

ທີ່ມາ: ຂ່າວກິລາ Lao National TV

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.