Monday, July 15, 2024
Lenovo

ນັກກິລາລອຍນໍ້າເຍົາວະຊົນລາວ ຄວ້າ 3 ຫຼຽນເງິນ 4 ຫຼຽນທອງ ໃນການແຂ່ງຂັນລອຍນໍ້າຊິງແຊ້ມລະດັບໂຮງຮຽນອາຊີ.

ໃນການແຂ່ງຂັນລອຍນໍ້າຊິງແຊ້ມລະດັບໂຮງຮຽນອາຊີ (Asian Open Schools Invitation Aquatics Championship) ທີ່ນະຄອນຫລວງບາງກອກ ປະເທດໄທ 2 ອ້າຍນ້ອງ ວິນເນີ້ ແລະ ວິນນີ້ ນັກກິລາລອຍນໍ້າເຍົາວະຊົນລາວ ສາມາດຄວ້າໄດ້ 3 ຫຼຽນເງິນ 4 ຫຼຽນທອງ ໂດຍມີນັກກິລາ 900 ກວ່າຄົນ ຈາກ 14 ປະເທດເຂົ້າຮ່ວມ.

ນ້ອງ ວິນເນີ້ ແລະ ວິນນີ້ ເປັນຕົວແທນຈາກ ໂຮງຮຽນນາໆຊາດ ຮິດຟິວ (HIS) ນະຄອນຫລວງວຽງຈັນ; ສະເພາະ ນາງ ວິພະດາ ພັນທະຈັກ (ນ້ອງ ວິນນີ້) ອາຍຸ 7 ປີ ໄດ້ມາທັງໝົດ 6 ຫຼຽນ 3 ຫຼຽນເງິນ 3 ຫຼຽນທອງ, 3 ຫລຽນເງິນ ໄດ້ຈາກລອຍທ່າ ຟຣີສະຕາຍ ຄິກ 50 ແມັດ, ຟຣີສະຕາຍທົ່ວໄປ 50 ແມັດ, ຟຣີສະຕາຍທົ່ວໄປ 100 ແມັດ, 3 ຫຼຽນທອງຈາກລອຍທ່າແມງກະເບື້ອ ຄິກ 50 ແມັດ, ທ່າແມງກະເບື້ອທົ່ວໄປ 50 ແມັດ ແລະ ທ່າລອຍຫງາຍ 50 ແມັດ. ຂະນະທີ່ ທ້າວ ສຸກພະໄຊ ພັນທະຈັກ (ນ້ອງ ວິນເນີ້) ອາຍຸ 9 ປີ ໄດ້ 1 ຫຼຽນທອງຈາກລອຍທ່າ ຟຣີສະຕາຍທົ່ວໄປ 50 ແມັດ.

ດຣ. ອາກຸສຕີນັສ ເຮີມີໂນ້ (ເຮັນຣີ້) ຄູຝຶກລອຍນໍ້າລະດັບສາກົນຊາວອິນໂດເນເຊຍ ເຊິ່ງເປັນນັກກິລາລອຍນໍ້າມາຣາທອນ (Open Water Swimming) ໃຫ້ຮູ້ວ່າ: ວິນເນີ້ ແລະ ວິນນີ້ ເປັນນັກກິລາທີ່ມີພອນສະຫວັນ ແລະ ພອນສະແຫວງ ເຫັນໄດ້ຈາກການຝຶກຊ້ອມ ມີສະຖິຕິທີ່ດີ ສາມາດຍາດຫຼຽນລາງວັນໄດ້ໃນລະດັບນາໆຊາດ ທາງໂຮງຮຽນ ກໍຄືຜູ້ປົກຄອງ ແລະ ຄູຝຶກ ຈຶ່ງຕັດສິນໃຈສົ່ງນ້ອງທັງສອງໄປທົດສອບຄວາມສາມາດ ຫາປະສົບການໃໝ່. ສຳລັບການແຂ່ງຂັນຕໍ່ໄປ ທາງຄູຝຶກຈະພາ ທັງສອງເຂົ້າຮ່ວມລາຍການ Vientiane International School, Jakarta Open, Malaysia Open ແລະ Indonesia Open ໃນປີ 2024 ນີ້.

ທີ່ມາ:​ ຂ່າວກິລາ Lao National TV

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.

ສາຍການບິນ Vietjet ບັນລຸ​ຂໍ້​ຕົກລົງ ​ຍົກລະດັບ​ການ​ເຊື່ອມ​ຕໍ່​ການ​ຂົນ​ສົ່ງ​ທາງ​ອາກາດ ລະຫວ່າງ ສປປ ລາວ ແລະ ສສ ຫວຽດນາມ

(ນະຄອນຫຼວງວຽງຈັນ, ວັນທີ 11 ກໍລະກົດ 2024) - ກະຊວງໂຍທາທິການ ແລະ ຂົນສົ່ງປະຈຳ ສປປ ລາວ ແລະ ສາຍການບິນ Vietjet ປະກາດຂໍ້ຕົກລົງເພີ່ມທະວີການເຊື່ອມຕໍ່ການຂົນສົ່ງທາງອາກາດລະຫວ່າງ ປະເທດລາວ-ຫວຽດນາມ.

Sky Connections ໄດ້ຂະຫຍາຍ: ເສັ້ນທາງໃໝ່ຂອງສາຍການບິນ Vietjet ໃນທົ່ວປະເທດຈີນ ແລະ ເກົາຫຼີໃຕ້

(ນະຄອນຫຼວງວຽງຈັນ, ວັນທີ 08 ກໍລະກົດ 2024) –  ສາຍການບິນ Vietjet ໄດ້ສ້າງບາດກ້າວຄັ້ງໃໝ່ໃນການເຊື່ອມຕໍ່ສາຍການບິນຜ່ານ ພາກພື້ນອາຊີປາຊີຟິກ ດ້ວຍ​ການ​ເປີດ​ບໍລິການ​ໂດຍ​ກົງ​ແຫ່ງ​ທຳ​ອິດ ​ທີ່​ເຊື່ອມ​ຕໍ່​ ນະຄອນໂຮຈີ​ມິນ ​- Xi'an (ຈີນ) ​ແລະ ການ​ປະກາດ​ເສັ້ນທາງ Nha Trang - Daegu (ສ.​ເກົາຫຼີ),