(ນະຄອນຫຼວງວຽງຈັນ, ວັນທີ 28 ສິງຫາ 2024) – Vietjet ໄດ້ຮັບກຽດອີກຄັ້ງໜຶ່ງໃນການເປັນໜຶ່ງໃນ 50 ບໍລິສັດຈົດທະບຽນອັນດັບຕົ້ນໆຂອງຫວຽດນາມ ໃນປີ 2024 ໂດຍວາລະສານ Forbes ຂອງຫວຽດນາມ, ເຊິ່ງລວມມີວິສາຫະກິດຊັ້ນນໍາໃນຂະແໜງການຕ່າງໆ ໃນບັນຊີລາຍຊື່ປະຈຳປີທີ່ສະແດງໃຫ້ເຫັນບັນດາວິສາຫະກິດຊັ້ນນຳໃນຕະຫຼາດຫຼັກຊັບຂອງປະເທດ.
Vietjet, ຖືກຈັດອັນດັບທີ 5 ໃນດ້ານລາຍຮັບຂອງບັນດາບໍລິສັດຈົດທະບຽນທີ່ດີທີ່ສຸດ, ເຊິ່ງໄດ້ລາຍງານລາຍຮັບທີ່ປະທັບໃຈໃນປີ 2023 ຢູ່ທີ່ 58.300 ຕື້ດົງ (ປະມານ 2,3 ຕື້ໂດລາສະຫະລັດ), ສະທ້ອນໃຫ້ເຫັນເຖິງ ການເຕີບໂຕທີ່ໂດດເດັ່ນປະຈຳປີ ຢູ່ທີ່ 45%. ການເຕີບໂຕທີ່ສຳຄັນນີ້ ໄດ້ຊີ້ໃຫ້ເຫັນເຖິງຍຸດທະສາດ ຂອງການຟື້ນຕົວທີ່ແຂງແຮງຂອງ Vietjet ແລະ ການເຕີບໂຕແບບຍືນຍົງ.
Vietjet ໄດ້ເປີດບໍລິການເສັ້ນທາງ ນະຄອນຫຼວງວຽງຈັນ-ໂຮ່ຈີມິນ ໂດຍມີຖ້ຽວບິນໄປກັບ 4 ຖ້ຽວຕໍ່ອາທິດ ໃນທຸກວັນຈັນ, ວັນພຸດ, ວັນສຸກ ແລະ ວັນອາທິດ ໂດຍໃຊ້ເວລາບິນແມ່ນມີພຽງ 1 ຊົ່ວໂມງ 45 ນາທີ. ນັກທ່ອງທ່ຽວລາວສາມາດໄປເຖິງສະຖານທີ່ທ່ອງທ່ຽວອື່ນໆໃນອາຊີຕາເວັນອອກສ່ຽງໃຕ້, ອົດສະຕາລີ, ອິນເດຍ, ໃນເຄືອຂ່າຍການບິນຂອງ Vietjet ໃນທົ່ວພາກພື້ນອາຊີ – ປາຊີຟິກ ໂດຍຜ່ານຈຸດເຊື່ອມຕໍ່ຢູ່ນະຄອນໂຮ່ຈີມິນ. ນອກຈາກນັ້ນ, ກະຊວງໂຍທາທິການ ແລະ ຂົນສົ່ງລາວ ແລະ ບໍລິສັດ Vietjet ໄດ້ລົງນາມໃນຂໍ້ຕົກລົງວ່າດ້ວຍການສ້າງຕັ້ງໂຮງງານສ້ອມແປງລະບົບບຳລຸງຮັກສາ (MRO) ຢູ່ປະເທດລາວ, ເຊິ່ງແນ່ໃສ່ຊຸກຍູ້ການເຊື່ອມຕໍ່ຂົນສົ່ງທາງອາກາດ ລະຫວ່າງ ລາວ-ຫວຽດນາມ ເພື່ອສ້າງວຽກເຮັດງານທຳໃໝ່ໃຫ້ໄດ້ເຖິງ 2.500 ຕໍາແໜ່ງງານໃນຂະແໜງການບິນ. ຂໍ້ລິເລີ່ມເຫຼົ່ານີ້ ແມ່ນໄດ້ວາງອອກເພື່ອຊຸກຍູ້ການພັດທະນາເສດຖະກິດ ແລະ ສັງຄົມ. ເພີ່ມທະວີການຄ້າ, ການເຊື່ອມຕໍ່ການທ່ອງທ່ຽວ, ການແລກປ່ຽນວັດທະນະທໍາລະຫວ່າງລາວ ແລະ ພາກພື້ນ.
ເຖິງແມ່ນວ່າເສດຖະກິດໂລກຈະປະສົບກັບສິ່ງທ້າທາຍຫຼາຍຢ່າງກໍຕາມ ແຕ່ໃນຊ່ວງ 6 ເດືອນຕົ້ນປີ 2024, Vietjet ຍັງມີຜົນງານໃນການດຳເນີນທຸລະກິດທີ່ໂດດເດັ່ນ. ໃນອະນາຄົດ, ຍຸດທະສາດຂອງ Vietjet ສຸມໃສ່ຂະຫຍາຍສາຍການບິນ ແລະ ເຄືອຂ່າຍການບິນ, ໂດຍມີແຜນການທີ່ຈະເພີ່ມເຮືອບິນໃໝ່ 10 ລໍາໃນປີ 2024. ສາຍການບິນຫວຽດເຈັດຍັງມຸ່ງໝັ້ນເຖິງການເຕີບໃຫຍ່ແບບຍືນຍົງ ດ້ວຍການເພີ່ມທະວີເສັ້ນທາງການບິນທັງໃນຫວຽດນາມ ແລະ ຕ່າງປະເທດ, ໃນນັ້ນມີຈຸດໝາຍປາຍທາງທີ່ອົດສະຕາລີ, ຍີ່ປຸ່ນ, ສ.ເກົາຫຼີໃຕ້, ສ.ປ ຈີນ, ອິນເດຍ ແລະ ອື່ນໆອີກຫຼາຍແຫ່ງ, ເພື່ອຕອບສະໜອງຄວາມຕ້ອງການໃນການເດີນທາງຂອງຄົນໃນທ້ອງຖິ່ນ ແລະ ນັກທ່ອງທ່ຽວ.
ນັບແຕ່ເຂົ້າ IPO ເປັນຕົ້ນມາ, ຫຸ້ນຂອງ Vietjet (HOSE: VJC) ຍັງຄົງໄດ້ຮັບການຕີລາຄາສູງຈາກນັກລົງທຶນທັງພາຍໃນ ແລະ ຕ່າງປະເທດ, ຍ້ອນມີກຳໄລຢ່າງຕໍ່ເນື່ອງ. ສາຍການບິນມັກຖືກຈັດອັນດັບເລື້ອຍໆຢູ່ໃນ Top 50 ຂອງວາລະສານ Forbes ຫວຽດນາມ, Vietjet ຍັງໄດ້ຮັບລາງວັນອີກຫຼາຍຢ່າງ, ລວມທັງ “ການບໍລິຫານການເງິນ – ການບິນທີ່ດີທີ່ສຸດ” ຈາກການເຜີຍແຜ່ຂອງ “International Finance Publication” ແລະ ຍັງເປັນທີ່ຮັບຮູ້ວ່າ ເປັນ 50 ສາຍການບິນອັນດັບຕົ້ນໆສໍາລັບການເງິນໝັ້ນຄົງທີ່ ຈັດໂດຍ Airfinance Journal ແລະ ລາງວັນ “ສາຍການບິນທີ່ມີລາຄາປະຢັດທີ່ສຸດ” ຈາກ AirlineRatings.
