ວັດມະໂນຣົມ ເປັນວັດທີ່ມີພະພຸດທະຮູບທີ່ເກົ່າແກ່ທີ່ສຸດໃນປະເທດລາວ ຖືກສ້າງຂື້ນ ໃນສະໄໝພຣະເຈົ້າສາມແສນໄທ ພຣະລາຊະໂອລົດຂອງເຈົ້າຟ້າງຸ່ມ ໃນຊ່ວງທ້າຍພຸດສັດຕະວັດທີ 19 ແຕ່ກ່ອນພຣະພຸດທະຮູບອົງນີ້ມີນໍ້າໜັກ 12 ໂຕນ, ບາງສ່ວນຂອງພະພຸດທະຮູບຖືກທຳລາຍຈາກການໂຈມຕີ ຂອງກຸ່ມຫຍໍ້ທຸງດຳ ໃນປີ 1887 ແລະ ຖືກນຳມາປະດິດສະຖານບູລະນະຄືນໃໝ່ໃນປີ 1917, ໂດຍສ້າງພຣະອຸໂບສົດຫຼັງໃໝ່.
ດ້ານພຸດທະສິມມາຂອງວັດ ເປັນຮູບແບບພະນົມມື ຫຼັງຄາປະດັບດ້ວຍໂງ່ຫົວນາກ ແລະ ຍອດຊໍ່ຟ້າ ທາງດ້ານໜ້າ ມີລາຍຮວງເຜິ້ງ, ຝາຜະໜັງດ້ານໃນ ແລະ ນອກ ປະຕິມະກຳດອກດວງພອກຄຳທີ່ສວຍງາມ ລວມທັງຫໍພະ ແລະ ພຣະພຸດທະຮູບສຳລິດ ໄດ້ໂບກປູນປິດທອງໃໝ່ ດ້ານຫຼັງພຣະອຸໂບສົດ ມີຮ່ອງຮອຍຂອງແທ່ນພະພຸດທະຮູບ, ໃນອະດີດເຄີຍເປັນທີ່ຕັ້ງຂອງ ວັດຊຽງກາງ ຊຶ່ງຄະນະສັງຄະທູດຈາກກຳປູເຈຍ ເປັນຜູ້ສ້າງໄວ້ແຕ່ຕອນທີ່ເດີນທາງເຂົ້າມາເຜີຍແຜ່ພຣະພຸດທະສາດສະໜາເທິງແຜ່ນດິນລ້ານຊ້າງ ໃນສະໄໝເຈົ້າຟ້າງຸ່ມ ຖືເປັນວັດທີ່ເກົ່າແກ່ທີ່ສຸດໃນຫຼວງພະບາງ ແລະ ເຄີຍເປັນທີ່ປະດິດສະຖານອົງພຣະບາງ ໃນລະຫວ່າງ ປີ ຄ.ສ.1502–1513.
ວັດມະໂນ ຕັ້ງຢູ່ບ້ານມະໂນ, ນະຄອນຫຼວງພະບາງ ຖັດຈາກໂຮມແຮມບ້ານລາວ ເຊິ່ງເປີດໃຫ້ເຂົ້າຊົມຟີຼທຸກໆວັນ.