ໃນວັນທີ 25 ສິງຫາ 2025 ທ່ານ ບຸນມີ ພິມມະສອນ, ປະທານສະພາປະຊາຊົນແຂວງຄຳມ່ວນ ໄດ້ຖືເປັນກຽດເຂົ້າຮ່ວມເປັນປະທານໃນພິທີເປີດ ຮ້ານ 7-Eleven ສາຂາບ້ານນາໂບ ຕັ້ງຢູ່ທີ່ເມືອງທ່າແຂກ ແຂວງຄໍາມ່ວນ ຢ່າງເປັນທາງການ. ເຊິ່ງຖືວ່າເປັນຮ້ານ 7-Eleven ສາຂາທຳອິດຂອງແຂວງຄໍາມ່ວນ ໂດຍມີບັນດາແຂກຜູ້ມີກຽດທີ່ມາຮ່ວມສະແດງຄວາມຍິນດີຢ່າງຄຶກຄື້ນ.
ຮ້ານ 7-Eleven ສາຂານີ້ຕັ້ງຢູ່ທໍາເລຍຸດທະສາດຂອງເມືອງທ່າແຂກ, ລຽບແຄມແມ່ນ້ຳຂອງ ໃນພື້ນທີ່ໃຈກາງເມືອງທີ່ມີຄວາມຄຶກຄື້ນ, ເປັນສູນລວມໃນດ້ານທີ່ພັກ ແລະ ສູນລວມກິດຈະກໍາຍາມແລງຂອງບັນດາຜູ່ຄົນທ້ອງຖິ່ນ ແລະ ນັກທ່ອງທ່ຽວ. ໂດຍເປັນຮ້ານທີ່ບໍລິຫານໂດຍ ທ່ານ ນາງ ເພັດດາວວີ ບຸດທະວົງ ຜູ້ຮ່ວມທຸລະກິດຊາວລາວ ອາຍຸ 46 ປີ ຜູ້ທີ່ມີປະສົບການໃນດ້ານທຸລະກິດອະສັງຫາລິມະຊັບ, ການບໍລິການ ແລະ ການທ່ອງທ່ຽວ ເປັນຢ່າງສູງ. ລວມທັງມີຄວາມຕັ້ງໃຈຈິງທີ່ຈະຍົກລະດັບຂະແໜງການບໍລິການ ເພື່ອສະໜັບສະໜູນອຸດສະຫະກໍາການທ່ອງທ່ຽວໃນທ້ອງຖິ່ນ, ເພື່ອສ້າງວຽກງານ, ອາຊີບທັງທາງກົງ ແລະ ທາງອ້ອມໃຫ້ແກ່ຊາວລາວ.
ທ່ານ ນາງ ເພັດດາວວີ ບຸດທະວົງ, ຜູ້ຮ່ວມທຸລະກິດຮ້ານ 7-Eleven ສາຂາບ້ານນາໂບ ກ່າວວ່າ: ຮ້ານຄ້າຂາຍຍ່ອຍທັນສະໄໝເຊັ່ນ 7-Eleven ຈະເຂົ້າມາອຳນວຍຄວາມສະດວກ ແລະ ເປັນທາງເລືອກໃນການນໍາສະເໜີສິນຄ້າຄຸນນະພາບໄດ້ມາດຕະຖານໃນກັບຄົນໃນທ້ອງຖິ່ນ ແລະ ນັກທ່ອງທ່ຽວໄດ້ຕະຫຼອດ 24 ຊົ່ວໂມງ ເຮັດໃຫ້ເກີດການ ຂະຫຍາຍຕົວຂອງກິດຈະກໍາທີ່ກ່ຽວຂ້ອງກັບການທ່ອງທ່ຽວ, ທີ່ຈະສ້າງລາຍຮັບໃຫ້ຜູ້ຄົນໄດ້ຫຼາຍຂື້ນ ນອກເໜືອຈາກການຈ້າງງານໂດຍກົງ. ທັງນີ້ຍັງຖືເປັນການຝຶກອົບຮົມໃຫ້ຄົນລຸ້ນໃໝ່, ໃຫ້ມີຄວາມຮູ້ທີ່ຈະເປັນປະໂຫຍດຕໍ່ການພັດທະນາທ້ອງຖິ່ນໃນໄລຍະຍາວ.
“7-Eleven ເປັນແບຣນທີ່ໄດ້ຮັບການຍອມຮັບ ດ້ວຍຜະລິດຕະພັນທີ່ຫຼາກຫຼາຍມີຄຸນນະພາບ ມີລະບົບບໍລິຫານຈັດການທີ່ດີ ມີໂອກາດໄດ້ຮັບການສະໜັບສະໜູນຈາກທີມງານ CP All Lao ຕັ້ງແຕ່ການວາງແຜນ, ການລົງທຶນ, ແລະ ການຝຶກອົບຮົມພະນັກງານ, ເຮັດໃຫ້ມີຄວາມເຊື່ອໝັ້ນວ່າຈະສາມາດປະສົບຄວາມສຳເລັດ, ຮ່ວມສ້າງວຽກເຮັດງານທຳ, ສ້າງອາຊີບ ແລະ ສ້າງຄວາມພາກພູມໃຈໃຫ້ກັບສັງຄົມລາວໄປພ້ອມໆກັນຢ່າງຢືນຍົງໄດ້,” ນາງ ເພັດດາວວີ ກ່າວ.
