ນີ້ອາດເປັນຄຳຖາມຈາກພໍ່ແມ່ຫຼາຍທ່ານ ທີ່ກັງວົນກ່ຽວກັບບັນຫາ “ລູກນານເວົ້າ ຫຼື ເວົ້າຊ້າ”
ແຕ່ບໍ່ຮູ້ວ່າຊ້າສ່ຳໃດຈຶ່ງເອີ້ນວ່າຜິດປົກກະຕິ ເຊິ່ງຕໍ່ໄປນີ້ ແມ່ນການປະເມີນງ່າຍໆ ເພື່ອໃຫ້ທ່ານໄດ້ລອງກວດເບິ່ງວ່າ ຖ້າລູກຂອງທ່ານອາຍຸ 4 ປີ ແລ້ວ ແຕ່ຍັງ:
1️⃣ ເວົ້າເປັນປະໂຫຍກບໍ່ໄດ້: ລູກຍັງເວົ້າໄດ້ແຕ່ຄຳສັ້ນໆ (1-2 ຄໍາ), ບໍ່ສາມາດຕໍ່ເປັນປະໂຫຍກທີ່ມີ 3-4 ຄໍາໄດ້.
2️⃣ ຄົນອື່ນຟັງບໍ່ຮູ້ເລື່ອງ: ຄົນນອກຄອບຄົວຫຼື ຄູຢູ່ໂຮງຮຽນ ຟັງລູກເວົ້າແລ້ວບໍ່ເຂົ້າໃຈ (ເກີນ 50%).
3️⃣ ເລົ່າເລື່ອງບໍ່ເປັນ: ບໍ່ສາມາດເລົ່າເຫດການງ່າຍໆ ທີ່ຫາກໍ່ເກີດຂຶ້ນໄດ້ (ເຊັ່ນ: ມື້ນີ້ກິນເຂົ້າກັບຫຍັງ? ຫຼິ້ນກັບໃຜແດ່?).
4️⃣ ບໍ່ເຂົ້າໃຈຄໍາສັ່ງ: ລູກເຮັດຕາມຄໍາສັ່ງທີ່ຊັບຊ້ອນບໍ່ໄດ້ ເຊັ່ນ: “ໄປເອົາເກີບແລ້ວມາຫາແມ່”.
5️⃣ ຕອບຄໍາຖາມບໍ່ຕົງປະເດັນ: ມັກຈະເວົ້າທວນຄຳຖາມຄືນ ຫຼື ຕອບບໍ່ກົງກັບສິ່ງທີ່ຖາມ.
📊 ສະຫຼຸບຜົນ:
ຫາກທ່ານຕອບວ່າ “ແມ່ນ” ເກີນ 2 ຂໍ້ ນັ້ນຄືສັນຍານທີ່ລູກຕ້ອງການການກະຕຸ້ນພັດທະນາການຢ່າງໃກ້ຊິດ
ຢ່າປ່ອຍໃຫ້ຄຳວ່າ “ຖ້າກ່ອນ” ມາເຮັດໃຫ້ລູກເສຍໂອກາດໃນການຮຽນຮູ້ ການຊ່ວຍເຫຼືອທີ່ໄວ ຄືຂອງຂວັນທີ່ດີທີ່ສຸດສຳລັບອະນາຄົດຂອງລູກ.
ຂໍຂອບໃຈຂໍ້ມູນດີໆຈາກ: Better Me ທີ່ປຶກສາຄອບຄົວແລະໄວໜຸ່ມ
#ອິນໄຊລາວ #InsideLaos ສາລະດີໆ ມີຢູ່ບ່ອນນີ້.