ກົມໃຫຍ່ເຕັກນິກກອງທັບ ໄດ້ ສຳເລັດການຫັດແອບຍິງເປົ້າ ໝາຍດ້ວຍລູກປືນແທ້ ປະຈຳປີ 2019 ຂຶ້ນ, ຢູ່ທີ່ສະໝາມຍິງ ປືນອາຊຽນ 199 ໂດຍການເຂົ້າ ຮ່ວມຂອງ ສະຫາຍ ພົນຕີ ກິລາກອນ ບຸນນະຜົນ ກຳມະການຄະ ນະພັກກະຊວງປ້ອງກັນປະເທດ, ຫົວໜ້າກົມໃຫຍ່ເຕັກນິກກອງທັບ ພ້ອມດ້ວຍຄະນະ, ມີຄະນະພັກ-ຄະນະບັນຊາຈາກ 6 ກົມ 3 ຫ້ອງ ຕະຫຼອດຮອດພະນັກ ງານ-ນັກຮົບ ທົ່ວກົມໃຫຍ່ເຕັກນິກກອງທັບເຂົ້າຮ່ວມ.
ການຈັດຕັ້ງອົບຮົມ-ຫັດແອບ ຍິງເປົ້າໝາຍດ້ວຍລູກປືນແທ້ ປະ ຈໍາປີ 2019 ໃນຄັ້ງນີ້ກໍເພື່ອເຮັດໃຫ້ພະນັກ ງານ-ນັກຮົບມີຄວາມຮູ້, ຄວາມສາມາດທາງດ້ານການເມືອງ-ການທະຫານດ້ານວິຊາສະເພາະ-ເຕັກນິກ, ດ້ານສິລະປະຍຸດ-ຍຸດທະວິທີ, ດ້ານການຈັດຕັ້ງປະຕິບັດບັນດາຂໍ້ກຳນົດກົດລະບຽບຂອງກອງທັບໃຫ້ເຂັ້ມງວດ,
ຍົກສູງຄວາມຮູ້, ຄວາມສາມາດໃນການຊີ້ນຳ- ນຳພາຈັດຕັ້ງປະຕິບັດໜ້າທີ່ການເມືອງຂອງຕົນຢ່າງຄ່ອງແຄ້ວ ໃນເວລາສູ້ຮົບຕົວຈິງ ແລະ ເພື່ອເປັນບ່ອນອີງໃຫ້ແກ່ຄະນະພັກ-ຄະນະບັນຊາ ໃນການຕິດຕາມກວດກາ ແລະ ຕີລາຄາຄຸນນະພາບຂອງພະນັກງານ-ນັກຮົບ ພາຍໃນກົມກອງ.
ພາຍຫຼັງສໍາເລັດບັ້ນເຝິກແອບຮໍ່າຮຽນແລ້ວ ຕ້ອງກຳແໜ້ນກ່ຽວກັບທິດສະດີ-ຫຼັກການ ເພື່ອໄປໝູນໃຊ້ເຂົ້າໃນ ໜ້າທີ່ວຽກງານຕົວຈິງຢູ່ກົມກອງ ໃຫ້ປະກົດຜົນເປັນຈິງ, ຜ່ານການຈັດຕັ້ງປະຕິບັດຍິງລູກປືນແທ້ປະ ຈຳປີ 2019 ຄັ້ງນີ້.
ສາມາດບັນລຸໄດ້ຕາມຄາດໝາຍທີ່ວາງໄວ້ ການຈັດຕັ້ງອົບຮົມຄັ້ງນີ້ກໍເພື່ອ ເປັນການປະຕິບັດຕາມແຜນການ ອົບຮົມ-ຫັດແອບເຝິກຝົນກໍາ ລັງແຮງກາຍປະຈໍາ ປີ 2019 ຂອງກົມອົບຮົມກົມໃຫຍ່ ເສນາທິການກອງທັບວາງອອກວ່າ ດ້ວຍການຈັດຕັ້ງອົບຮົມ-ຫັດ ແອບປະຈໍາປີໃຫ້ປະກົດຜົນເປັນຈິງໃນສະເພາະໜ້າ ແລະ ຍາວນານຂອງກົມກອງ, ທັງເຮັດໃຫ້ ກົມກອງມີຄວາມໜັກແໜ້ນ, ເຂັ້ມແຂງທາງການທະຫານປັບ ປຸງກົມກອງມີຄວາມເຕີບໃຫຍ່ ຂະຫຍາຍຕົວຂຶ້ນໄປເລື້ອຍໆ.
ແຫຼ່ງຂໍ້ມູນ: ໂດຍ: ຄຳສອນ ພົມໄຊຍາ Lao people’s Army News