ສະມາຄົມມິດຕະພາບລາວ-ຈີນ ຮ່ວມກັບ ນະຄອນຫຼວງວຽງຈັນ ຈັດງານລະດົມທຶນ ເພື່ອຊ່ວຍເຫຼືອຜູ້ເຄາະຮ້າຍ ທີ່ຕິດເຊື້ອພະ ຍາດອັກເສບປອດ ຈາກເຊື້ອຈຸລະໂລກ ສາຍພັນໃໝ່ ຫຼື ເຊື້ອໄວຣັສໂຄໂຣນາ ຢູ່ ສປ ຈີນ ຢູ່ທີ່ ໂຮງ ແຮມແລນມາກ ໂດຍການເຂົ້າຮ່ວມຂອງ ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ພ້ອມດ້ວຍພາກສ່ວນກ່ຽວຂ້ອງ.
ເງິນທີ່ໄດ້ຈາກການລະດົມທຶນໃນຄັ້ງນີ້ ຈະນຳໄປຊື້ອຸປະກອນທີ່ຈຳເປັນ ເພື່ອນຳໄປຊ່ວຍເຫຼືອປະຊາຊົນຈີນ ທີ່ໄດ້ຮັບຜົນກະທົບຈາກເຊື້ອໄວຣັສດັ່ງກ່າວ ເພື່ອສະແດງເຖິງນໍ້າໃຈ ຄວາມເປັນຫ່ວງເປັນໃຍ ແບ່ງເບົາຄວາມທຸກໂສກຂອງປະເທດເພື່ອນມິດ.
ການລະດົມທຶນຍັງຈະສຶບຕໍ່ດຳເນີນໄປອີກ ເປັນເວລາ 1 ອາທິດ ເຊິ່ງບຸກຄົນ ພາກສ່ວນໃດຫາກມີຄວາມຕ້ອງ ການ ຢາກຈະປະກອບສ່ວນໃນການບໍລິຈາກໃນຄັ້ງນີ້ ສາມາດໄປບໍລິຈາກໄດ້ທີ່ ກະຊວງພະລັງງານ ແລະ ບໍ່ແຮ່ ແລະ ຫ້ອງວ່າການປົກຄອງນະ ຄອນຫຼວງວຽງຈັນ ສຳລັບຕ່າງແຂວງ ກໍສາມາດໄປບໍລິຈາກໄດ້ທີ ພະແນກການຕ່າງປະເທດ ແລະ ພະແນກພະລັງງານ ແລະ ບໍ່ແຮ່ ປະຈຳແຂວງ ໃນຂອບເຂດທົ່ວປະເທດ.
ແຫຼ່ງຂໍ້ມູນ: ພາບ-ຂ່າວ ບຸນມີ, ວຽງຈັນໃໝ່