ບຸນປີໃໝ່ ຊາວລາວພາກັນກະກຽມ ຕ້ອນຮັບປີໃໝ່ ເຊ່ັນ ທຳຄວາມສະອາດ ຕາມເຮືອນຊານ ບ້ານຊ່ອງ, ກະກຽມຫາດອກໄມ້ທ່ີມີກ່ິນຫອມ ເຊັ່ນ ດອກເຂັມຂາວ, ດອກຈຳປາ,ດອກດາວເຮືອງ ແລະ ອື່ນໆ ເພ່ືອປຸງແຕ່ງນ້ຳຫອມສົງພະ.
ນອກຈາກນັ້ນ ເພ່ິນຍັງເອົາດອກ ແລະ ໃບຄູນ ມາເໜັບໄວ້ນຳປະຕູບ້ານປະຕູເຮືອນ ເພາະມີຄວາມເຊ່ືອວ່າເປັນສີລິມົງຄຸນ.
ສ່ວນປະສົມນ້ຳຫອມສົງພະ:
• ກະກຽມດອກໄມ້ກິ່ນຫອມຕ່າງໆ
• ນ້ຳສະອາດ
• ຂີ້ໝິ້ນ
• ຫວານຫອມ
ວິທີກະກຽມ
1. ລ້າງດອກໄມ້ທີ່ກຽມໄວ້ໃຫ້ສະອາດ (ໃຊ້ສະເພາະດອກທີ່ດີບໍ່ເນົ່າຫຼືມີຮອຍຊ້ຳຈະເປັນການດີ)
2. ນຳຂີ້ໝິ້ນ, ຫວານຫອມ ແລະ ດອກໄມ້ມາລ້າງນ້ຳໃຫ້ສະອາດ ແລ້ວຂູດໃຫ້ມຸ່ນ
3. ເທນ້ຳສະອາດໃສ່ຂັນ ຫຼື ຄຸນ້ອຍ ຕາມດ້ວຍຂີ້ມິ້ນ ແລະ ຫວານຫອມທີ່ຂູດຂູດ, ຄົນໃຫ້ສ່ວນປະສົມລະລາຍເຂົ້າກັນແລ້ວຕອງດວ້ຍຜ້າຂາວສະອາດ
4. ເກັບນ້ຳສະອາດທີ່ຕອງແລ້ວໄວ້ ແລ້ວໂຮຍດ້ວຍດອກໄມ້ຫອມທີ່ກຽມໄວ້ ເພື່ອນຳໄປສົ່ງພະ
ສຳລັບການສົງນ້ຳຢູ່ບ້ານຄວນປະຕິບັດດັ່ງນີ້
- ຕຽມໂຕະວາງ ພ້ອມດ້ວຍຖາດຮອງສຳລັບຕອນສົງນ້ຳ
- ກ່ອນສົງນ້ຳຫອມຕ້ອງນຳຜ້າສະອາດມາເຊັດລ້າງພະໃຫ້ສະອາດກ່ອນ
ແຫຼ່ງຂໍ້ມູນ: ພາເຂົ້າລາວ