ປີ 2020 ເປັນປີ ມີການຄອບໄຂ່ວອົງພຣະບາງ ບໍ່ໄດ້ອັງເຊີນລົງຫົດສົງ ຕາມປົກກະຕິ ຄືດັງທຸກໆປີທີຜ່ານມາ
ແຕ່ທາງພຣະສົງ ການນຳ ແລະຜູ້ຊົງຄຸນນະວຸດ ກໍ່ໄດ້ເຮັດພິທີໃຫ້ຖືກຕ້ອງຄອງທັມ ເພື່ອຄວາມເປັນສິຣິມຸງຄຸນແກ່ປວງຊົນ ແລະປະເທດຊາດບ້ານເມືອງໃຫ້ພົ້ນຜ່ານພະຍາດໂລຄາ ໃຫ້ຈາງຫາຍໄປ.
ຕອນເຊົ້າວັນສຸກ ວັນທີ 17 ເມສາ 2020 ເວລາ 09:00 ໂມງ ທີ່ ຫໍພຣະບາງ ໃນຫໍພິພິທະພັນແຫ່ງຊາດ ຫຼວງພຣະບາງ ໃນວາຣະດິຖີປີໃໝ່ລາວ ຈສ 1382 (ພສ 2563) ຄະນະສົງ ພ້ອມດ້ວຍການນໍາພັກ-ລັດ ຂັ້ນແຂວງ, ຂັ້ນນະຄອນຫຼວງພຣະບາງ, ເຖົ້າແກ່ແນວໂຮມ ແລະພາກສ່ວນກ່ຽວຂ້ອງ ໄດ້ພ້ອມກັນໄຫວ້ພຣະບາງ, ຖວາຍສັກກາຣະ ຄອບໄຂ່ວອົງພຣະບາງເຈົ້າ.
ຊຶ່ງປີນີ້ບໍ່ໄດ້ອາຣາທະນາອັງເຊີນລົງ ໃຫ້ມວນຊົນໄດ້ຮົດສົງຂໍພອນເໝືອນທຸກໆປີທີ່ຜ່ານມາ ອີງໃສ່ສະພາບການແຜ່ລະບາດຂອງເຊື້ອພະຍາດໂຄວິດ 19.
ດັ່ງນັ້ນ ຄະນະສົງ, ການນຳ ແລະຜູ້ເຂົ້າຮ່ວມໄດ້ເຮັດພິທີຟິດນໍ້າຮົດສົງຢູ່ກັບແທ່ນບັນລັງ ພ້ອມຄາຣະວະສົມມາອົງພຣະບາງເຈົ້າ ແລະຂໍພອນໃຫ້ອົງພຣະເຈົ້າປົກປັກຮັກສາ ຊາວນະຄອນຫຼວງພຣະບາງ ກໍຄືຊາວໂລກໃຫ້ຢູ່ດີມີແຮງ ແລະມີຄວາມສຸກຊຸ່ມຮົ່ມເຢັນ.
ຍໍມືຂໍພອນເອົາເດີທຸກຄົນ.
ແຫຼ່ງຂໍ້ມູນ: ນະຄອນຫລວງພຣະບາງ Luangprabang City ຮູບພາບຈ : Khamlar Inthavongsack