ປະຈຳວັນ ⠚ 2 ເມສາ 2021 ⠓ ສຳນັກຂ່າວມີເດຍລາວໄດ້ໃຫ້ຮູ້ວ່າ:
ແຂວງຄຳມ່ວນ ຈັດກິດຈະກຳປັ່ນລົດຖີບ ເພື່ອປູກຈິດສຳນຶກໃຫ້ຂັບຂີ່ປອດໄພ
ກິດຈະກໍາປັ່ນລົດຖີບ ເພື່ອສຸຂະພາບທີ່ແຂວງຄຳມ່ວນ ເນື່ອງໃນໂອກາດເປີດງານຊັບປະດາແຫ່ງຊາດດ້ານຄວາມປອດໄພ ພາຍໃຕ້ຫົວຂໍ້ “ຂັບຂີ່ປອດໄພຕ້ອງໃສ່ສາຍຮັດນິລະໄພ”
ເພື່ອເປັນການປູກຈິດສຳນຶກໃຫ້ບັນດານັກຂັບຂີ່, ບັນດາຜູ້ທີ່ໃຊ້ລົດ ໃຊ້ຖະໜົນທັງຫລາຍ ໂດຍສະເພາະແມ່ນກຸ່ມສ່ຽງເຊັ່ນ : ຊາວໜຸ່ມ-ເຍົາວະຊົນ, ກຳມະກອນ ໃຫ້ເຂົ້າໃຈ ເຖິງຄວາມໝາຍຄວາມສໍາຄັນໃນການປ້ອງກັນການເກີດອຸບັດຕິເຫດໃນເວລາຂັບຂີ່ຍານພາຫະນະ…ອ່ານຕໍ່
ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ສະຫຼຸບວຽກງານທີ່ເຮັດສຳເລັດໃນປີ 2020
ທີ່ໂຮງຮຽນສິລະປະແຫ່ງຊາດ ນະຄອນຫລວງວຽງຈັນ ໄດ້ມີກອງປະຊຸມສະຫລຸບວຽກງານຊາວໜຸ່ມ ປະຈຳປີ 2020 ຂອງກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ
ກະຊວງ ຖວທ ໄດ້ຍຶດຖືເອົາການນຳພາວຽກງານສຶກສາອົບຮົມການເມືອງ-ແນວຄິດ ໃຫ້ແກ່ຊາວໜຸ່ມ-ໄວໜຸ່ມຂອງຕົນດ້ວຍການສ້າງໂອກາດ, ຈັດຕັ້ງ ແລະ ຊຸກຍູ້-ສົ່ງເສີມຮຽນຮູ້ແນວທາງນະໂຍບາຍຂອງພັກ-ລະບຽບກົດໝາຍຂອງລັດ
ວິຖີດຳລົງຊີວິດ, ສິລະປະວັດທະນະທຳ, ກິລາກາຍະກຳ, ການຊ່ວຍເຫລືອສັງຄົມ, ສຶກສາມູນເຊື້ອຂອງພັກ, ຂອງທ່ານຜູ້ນໍາ, ຮຽນຮູ້ທິດສະດີ, ວິທະຍາສາດ, ເທັກໂນໂລຊີທີ່ກ້າວໜ້າຂອງຍຸກສະໄໝ
ໄດ້ເຂົ້າຮ່ວມຮັບຟັງການເຜີຍແຜ່ມູນເຊື້ອ, ແນວທາງນະໂຍບາຍ ແລະ ສຳມະນາວິທະຍາສາດ ໃນຫົວຂໍ້ຕ່າງໆທີ່ອົງການຈັດຕັ້ງພັກ, ລັດ ແລະ ອົງການຈັດຕັ້ງຕ່າງໆຈັດຕັ້ງຂຶ້ນ ລວມ 14 ຄັ້ງ…ອ່ານຕໍ່
ທ່ານຮອງເຈົ້າເມືອງ-ເມືອງນອງ ພ້ອມຄະນະລົງພົບປະໂອ້ລົມຊຸກຍູ້ວຽກງານການຜະລິດຢູ່ບ້ານຕະຫຼຸງ
ບ້ານຕະຫຼຸງປະກອບມີ 66 ຫຼັງຄາເຮືອນ, 77 ຄອບຄົວ, ພົນລະເມືອງມີ 414 ຄົນ, ຍຶດຖືອາຊີບປູກຝັງລ້ຽງສັດປະເພດຕ່າງໆໃນນີ້ເນື້ອທີ່ນາມີ 2 ເຮັກຕາ, ປູກຢາງໂບງ 3 ເຮັກຕາ ແລະລ້ຽງສັດ
ຈາກນັ້ນບັນດາຫົວໜ້າຫ້ອງການຕ່າງໆກໍ່ໄດ້ມີຄຳເຫັນແລກປ່ຽນບົດຮຽນຫາຊ່ອງທາງ ແກ້ໄຂບັນຫາທີ່ພົບຄວາມຫຍຸ້ງຍາກຕ່າງໆ ສົ່ງເສີມໃຫ້ເອື້ອຍນ້ອງແມ່ຍິງຕຳຫູກທີ່ເປັນເອກະລັກຂອງເຜົ່າ ມີສ່ວນຮ່ວມປົກປັກຮັກສາເປັນເຈົ້າການໃນການພັດທະນາ…ອ່ານຕໍ່