ປະຈຳວັນທີ 13 ພະຈິກ 2021 | ສຳນັກຂ່າວມີເດຍລາວ ໄດ້ໃຫ້ຮູ້ວ່າ:
ສກຂ ອັດຕະປື ເນັ້ນໃຫ້ເປັນເຈົ້າການ ປະຕິບັດມາດຕະການ 2 ວາລະແຫ່ງຊາດ
ການນຳ ພະແນກສຶກສາທິການ ແລະກິລາແຂວງ ( ສກຂ) ອັດຕະປື ເນັ້ນໃຫ້ພະນັກງານສະມາຊິກພັກຂະແໜງການສຶກສາ ເປັນເຈົ້າການ ໃນການຈັດຕັ້ງປະຕິບັດມາດຕະການ 2 ວາລະແຫ່ງຊາດ
ໂດຍການເຜີຍແຜ່ ເນື້ອໃນ ເອກະສານ 2 ວາລະແຫ່ງຊາດ ຄັ້ງນີ້ ແມ່ນປະຕິບັດຕາມຄຳສັ່ງ ກົມການເມືອງສູນກາງພັກ ວ່າດ້ວຍການເພີ່ມທະວີການນຳພາ-ຊີ້ນຳ ຂອງຄະນະພັກແຕ່ລະຂັ້ນ ໃນການຈັດຕັ້ງປະຕິບັດ ມາດຕະການແກ້ໄຂຄວາມຫຍຸ້ງຍາກ ດ້ານເສດຖະກິດ-ການເງິນ ແລະ ມາດຕະການແກ້ໄຂຄວາມຫຍຸ້ງຍາກ ດ້ານບັນຫາຢາເສບຕິດ…ອ່ານຕໍ່
ໂຮງໝໍຊຸມຊົນເມືອງໂພນທອງ ແຂວງຫຼວງພະບາງ ໄດ້ຮັບລົດນຳສົ່ງຄົນເຈັບຄັນໃໝ່
ຍ້ອນເຫັນໄດ້ຄວາມຈໍາເປັນ ດ້ານການນຳໃຊ້ພາຫະນະຮັບ-ສົ່ງຄົນເຈັບ ຈາກເມືອງໄປຫາແຂວງ ແລະຮັບສົ່ງຄົນເຈັບຢູ່ພາຍໃນເມືອງໂພນທອງ ໃຫ້ທ່ວງທັນສະພາບ, ເພາະເມືອງໂພນທອງເປັນເມືອງຢູ່ຫ່າງໄກຈາກເທດສະບານແຂວງ
ທ່ານ ດຣ ຄໍາສອນ ພົງສະຫວັດດີ ຫົວໜ້າພະແນກສາທາລະນະສຸກແຂວງ ຈຶ່ງໄດ້ມອບລົດນໍາສົ່ງຄົນເຈັບ ຫຼື ລົດອໍາບູລັງ (Ambulances) ຈຳນວນ 1 ຄັນ ມູນຄ່າ 90.000 ກວ່າ ໂດລາສະຫະລັດ ພ້ວມດ້ວຍອຸປະກອນການແພດຈຳນວນໜຶ່ງໃຫ້ໂຮງໝໍຊຸມຊົນເມືອງໂພນທອງ ແຂວງຫລວງພະບາງ ໄດ້ຈັດຂຶ້ນທີ່ໜ້າສະໂມສອນໃຫຍ່ຂອງເມືອງ…ອ່ານຕໍ່
ເມືອງນອງເອົາໃຈໃສ່ໃນການສະກັດກັ້ນການແຜ່ລະບາດພະຍາດໂຄວິດ 19 ຢ່າງເຂັ້ມງວດ
ບ້ານ ນອງວິໄລ ເມືອງນອງ ແຂວງສະຫວັນນະເຂດ ໄດ້ປະກາດເປັນບ້ານພື້ນທີ່ສີແດງເນື່ອງຈາກມີຜູ້ຕິດເຊື້ອພະຍາດໂຄວິດ 19 ຈຳນວນ 1 ກໍລະນີເປັນເຈົ້າໜ້າທີ່ຕຳຫຼວດ, ເພດຊາຍ ອາຍຸ 28 ປີ ຕິດເຊື້ອໂຄວິດ19 ແຕ່ບໍ່ສະແດງອາການ, ດັ່ງນັ້ນທາງຄະນະສະເພາະກິດປ້ອງກັນ, ຕ້ານສະກັດກັ້ນ, ແກ້ໄຂການແຜ່ລະບາດພະຍາດໂຄວິດ19 ເມືອງນອງ
ຈຶ່ງໄດ້ເນັ້ນໜັກໃຫ້ທຸກພາກສ່ວນພາຍໃນ ບ້ານ ນອງວິໄລ ບ້ານເທດສະບານຂອງເມືອງ ປິດທຸກກິດຈະການຊົ່ວຄາວໃນໄລຍະ14 ວັນ ເຊິ່ງທາງຄະນະສະເພາະກິດແມ່ນໄດ້ລະດົມກຳລັງເຈົ້າໜ້າທີ່ປກສ,ປກຊ ກອງຫຼອນບ້ານໃຫ້ມີຄວາມເຂັ້ມງວດ ໃນການປະຕິບັດໜ້າທີ່ຕິດຕາມກວດກາຄົນເຂົ້າ-ອອກ ລະຫວ່າງເມືອງຕໍ່ເມືອງ ແລະບ້ານຕໍ່ບ້ານ ເພື່ອເຮັດໃຫ້ວຽກງານ ສະກັດກັ້ນ…ອ່ານຕໍ່
ຫຼາຍບ້ານພາຍໃນເມືອງອາດສະພອນສ້ອມແປງເສັ້ນທາງຄືນໃໝ່
ເພື່ອເຮັດໃຫ້ການສັນຈອນໄປມາຫາສູ່ກັນລະຫວ່າງບ້ານຫາບ້ານ, ບ້ານຫາເມືອງ ແລະລູກຫຼານຂອງປະຊາຊົນທຽວໄປມາໂຮງຮຽນໃຫ້ມີຄວາມສະດວກສະບາຍຂຶ້ນກວ່າເກົ່າ
ບັນດາບ້ານຕ່າງໆພາຍໃນເມືອງອາດສະພອນ ຢູ່ໃນຄວາມຮັບຜິດຊອບການບຳລຸງ ແລະຮັກສາຖະໜົນຫົນທາງໃນເຂດບ້ານຂອງຕົນກໍ່ໄດ້ສ້ອມແປງຄືນໃໝ່ພາຍຫຼັງໝົດຈາກລະດູຝົນອັນທີ່ເຮັດໃຫ້ຖະໜົນຫົນທາງເປ່ເພເກີດມີບວກ, ຂຸມຫຼາຍ ເຮັດໃຫ້ການສັນຈອນໄປມາລຳບາກ…ອ່ານຕໍ່