ພີທີກຳ “ປົວຜີ” ຢູ່ທີ່ປ່າແກ່ ແມ່ນອີກໜຶ່ງພິທີກຳໜຶ່ງທີ່ເກົ່າແກ່ ຂອງຊົນເຜົ່າອາຄາ (ລຸມາ) ຢູ່ທີ່ບ້ານອາເຊີ, ເມືອງສຳພັນ, ແຂວງຜົ້ງສາລີ. ໂດຍພິທີດັ່ງກ່າວນີ້ ຈະມີຂື້ນໃນເດືອນກໍລະກົດຂອງທຸກໆປີ ເຊີ່ງເຖົ່າແກ່ແນວໂຮມພາຍໃນບ້ານຈະຄັດເລືອກເອົາ ມື້ງາມຍາມດີ ໃນການ “ປົວຜີ” ຈຸດປະສົງໃນການເຮັດພິທີ ກໍເພື່ອບໍ່ໃຫ້ ສັດປ່າແຕ່ລະຊະນິດ ໄປທຳລາຍພືດພັກ ແລະ ຜົນລະປູກ ຂອງປະຊາຊົນໃນເຂດດັ່ງກ່າວ.
ພິທີດັ່ງກ່າວນີ້ ແມ່ນໄດ້ເອົາ “ໝູໂຕໜື່ງ” ເພື່ອໄປຂ້າແລ້ວນຳມາເຮັດພິທີ “ປົວຜີ” ຕາມຮີດຄອງ, ຈາກນັ້ນເອົາ “ຕົ້ນເຂົ້າ” ຂອງແຕ່ລະຄອບຄົວພາຍໃນບ້ານ ໄປມັດໃສ່ຕົ້ນໄມ້ທີ່ສູງ ຕາມຄວາມເຊື່ອແລ້ວແມ່ນເພື່ອໃຫ້ໄດ້ໝາກຜົນທີ່ສູງ ຫຼື ເພື່ອໃຫ້ໄດ້ຜົນຜະລິດຢ່າງສູງສົ່ງຕາມທີ່ວາງໄວ້.
ການເຮັດພິທີກຳນີ້ ໄດ້ສະແດງໃຫ້ເຫັນເຖິງ ເອກະລັກ ຮີດຄອງປະເພນີ ທີ່ເຜົ່າ ອາຄາ ໃນເຂດດັ່ງກ່າວຍັງຄົງຮັກສາກັນໄວ້ໄດ້ ຕັ້ງແຕ່ສະໄໝບູຮານນະການ ຈົນເຖິງ.