(ນະຄອນຫຼວງວຽງຈັນ, ວັນທີ 25 ກັນຍາ 2024) – ສາຍການບິນ VietJet (HOSE: VJC) ແລະ ບໍລິສັດ Honeywell Aerospace Technologies ຂອງສະຫະລັດອາເມລິກາໄດ້ແລກປ່ຽນຂໍ້ຕົກລົງ ເພື່ອສະໜອງອຸປະກອນອີເລັກໂທຣນິກ ແລະ ການບໍລິການດ້ານເຕັກນິກການບິນໃຫ້ແກ່ VietJet ທີ່ທັນສະໄໝ ແລະ ປະຢັດນ້ຳມັນ. ການແລກປ່ຽນຄັ້ງນີ້ໄດ້ດຳເນີນຂຶ້ນໂດຍທ່ານ To Lam ເລຂາທິການໃຫຍ່ພັກ ແລະ ປະທານປະເທດຫວຽດນາມໃນການຢ້ຽມຢາມທີ່ສະຫະລັດອາເມລິກາ.
ຂໍ້ຕົກລົງລະຫວ່າງປະທານຄະນະບໍລິຫານ VietJet Dinh Viet Phuong ແລະ ຜູ້ຕາງໜ້າຕົວແທນບໍລິສັດ Honeywell Aerospace Technologies Joseph Vitulli ແມ່ນບາດກ້າວສຳຄັນໃນການຫັນເປັນທັນສະໄໝຂອງເຮືອບິນ VietJet. ພາຍໃຕ້ຂໍ້ຕົກລົງ VietJet ຈະປະຕິບັດໂຄງການບຳລຸງຮັກສາເຄື່ອງອີເລັກໂທຣນິກ ແລະ APU (Auxiliary Power Unit) ຂອງ Honeywell ໃຫ້ແກ່ເຮືອບິນລຳໃຫຍ່ A330neo ແລະ ເຮືອບິນລຳນ້ອຍລຸ້ນໃໝ່.
ຂໍ້ຕົກລົງດັ່ງກ່າວຍັງລວມເຖິງການນຳໃຊ້ Honeywell Flight Efficiency, ເຊິ່ງເປັນການແກ້ໄຂການຫຼຸດຜ່ອນການປ່ອຍອາຍມົນລະພິດ ແລະ ເພີ່ມປະສິດທິພາບການໃຊ້ເຊື້ອເພີງຂອງເຮືອບິນທັງໝົດຂອງ VietJet.
ທ່ານ Dinh Viet Phuong ປະທານຄະນະບໍລິຫານຂອງ VietJet ໃຫ້ຮູ້ວ່າ: “ການແລກປ່ຽນຂໍ້ຕົກລົງຄັ້ງນີ້ແມ່ນອີກບາດກ້າວໜຶ່ງທີ່ສຳຄັນໃນການຮ່ວມມືໄລຍະຍາວຂອງພວກເຮົາກັບ Honeywell, VietJet ເນັ້ນໄປເຖິງການຊຸກຍູ້ການເຕີບໂຕແບບຢັ້ງຢືນ ແລະ ການຫັນປ່ຽນສີຂຽວ ດ້ວຍເປົ້າໝາຍຫຼຸດຜ່ອນການປ່ອຍອາຍມົນລະພິດ ແລະ ການເປີດກວ້າງເຄືອຂ່າຍການບິນລະຫວ່າງປະເທດ. ເຕັກໂນໂລຊີທີ່ກ້າວໜ້າຂອງ Honeywell ຈະມີບົດບາດສຳຄັນທີ່ຈະຊ່ວຍໃຫ້ພວກເຮົາສະໜອງການບໍລິການທີ່ດີໃຫ້ກັບຜູ້ໂດຍສານຂອງພວກເຮົາດ້ວຍຖ້ຽວບິນທີ່ສະດວກສະບາຍ, ມີຄຸນນະພາບສູງ, ປອດໄພ ແລະ ເປັນມິດຕໍ່ສິ່ງແວດລ້ອມ. ໃນຂະນະທີ່ສົ່ງເສີມຄວາມຍືນຍົງຕາມເປົ້າໝາຍດ້ານສິ່ງແວດລ້ອມ, ສັງຄົມ ແລະ ການກຳກັບ (ESG) ຂອງພວກເຮົາ.”
VietJet ໄດ້ຮັບຄະແນນຄວາມປອດໄພ 7/7 ດາວຈາກ Airline Ratings ໄດ້ຖືກຍອມຮັບຢ່າງຕໍ່ເນື່ອງວ່າເປັນສາຍການບິນລາຄາປະຢັດທີ່ປອດໄພທີ່ສຸດໃນໂລກນັບຕັ້ງແຕ່ປີ 2018. ສາຍການບິນຍັງສືບຕໍ່ຂະຫຍາຍສາຍການບິນດ້ວຍເຮືອບິນລຸ້ນໃໝ່ທີ່ປະຢັດນ້ຳມັນ ທີ່ສົ່ງຜົນໃຫ້ອັດຕາຄວາມໜ້າເຊື່ອຖືທາງດ້ານເຕັກນິກສູງເຖິງ 99.6%, ຈັດຢູ່ໃນອັນດັບຂອງບັນດາສາຍການບິນຊັ້ນນໍາຂອງໂລກ ໂດຍຜ່ານການຮ່ວມມືກັບ Honeywell ແລະ ຜູ້ນໍາການບິນທົ່ວໂລກອື່ນໆ. VietJet ມຸ່ງໝັ້ນທີ່ຈະລົງທຶນໃນເຕັກໂນໂລຊີການບິນຂັ້ນສູງ ເພື່ອສະໜອງປະສົບການການບິນທີ່ດີທີ່ສຸດໃຫ້ແກ່ຜູ້ໂດຍສານທົ່ວໂລກ.
VietJet ໃຫ້ບໍລິການຖ້ຽວບິນໄປກັບລະຫວ່າງນະຄອນຫຼວງວຽງຈັນ ແລະ ນະຄອນໂຮ່ຈີມິນ 4 ຄັ້ງຕໍ່ອາທິດ ຈະຊ່ວຍໃຫ້ຜູ້ໂດຍສານເດີນທາງໄປນະຄອນຫຼວງຂອງຫວຽດນາມຢ່າງສະດວກ. ນອກຈາກນັ້ນ, ນັກທ່ອງທ່ຽວສາມາດເດີນທາງສໍາຫຼວດໄປທີ່ຫຼາກຫຼາຍຈຸດໝາຍປາຍທາງໃນພາກພື້ນອາຊີ-ປາຊີຟິກຜ່ານຈຸດເຊື່ອມຕໍ່ຂອງ VietJet