ເລີ່ມຕົ້ນປີດ້ວຍການປ່ຽນແປງຕົນເອງ ເພື່ອເປັນຄົນໃໝ່ທີ່ດີກວ່າ

ໃນຊ່ວງປີໃໝ່ແບບນີ້ຫຼາຍຄົນກໍມັກຈະຖືໂອກາດຕັ້ງເປົ້າໝາຍໃຫ້ຕົນເອງ ເພື່ອການປ່ຽນແປງທີ່ດີກວ່າປີທີ່ຜ່ານມາບໍ່ວ່າຈະເປັນດ້ານຄວາມຄິດ, ຄວາມສຳພັນ ແລະ ສັກກາຍະພາບ ຄວາມຮູ້ ຄວາມສາມດຂອງຕົນເອງ ຖ້າໃຜຍັງບໍ່ຮູ້ຈະຕັ້ງເປົ້າໝາຍໃຫ້ກັບຕົນເອງແນວໃດລອງມາເບິ່ງ 10 ວິທີງ່າຍໆໃນການພັດທະນາຕົນເອງທີ່ໃຜໆກໍເຮັດໄດ້:

1. ປ່ຽນທັດສະນະຄະຕິໃໝ່: ທັດສະນະຄະຕິດີມີໄຊໄປກວ່າເຄິ່ງ ປິໃໝ່ນີ້ຖ້າປ່ຽນແປງຕົນເອງ ການເລີ່ມຈາກການປ່ຽນແປງທັດສະນະຄະຕິເປັນສິ່ງທີ່ດີທີ່ສຸດບໍ່ວ່າຈະເປັນ ການປ່ຽນທັດສະນະຄະຕິຕໍ່ຕົນເອງ, ທັດສະນະຄະຕິຕໍ່ເລື່ອງລາວຕ່າງໆ ເບິ່ງໂລກໃນແງ່ບວກຫຼາຍຂຶ້ນ, ປ່ຽນທັດສະນະຄະຕິຕໍ່ວຽກ ຫຼື ຄົນອ້ອມຂ້າງໄປໃນທາງທີ່ດີຂຶ້ນ ເພື່ອໃຫ້ເປັນການເລີ່ມຕົ້ນປີທີ່ດີ.
2. ປ່ຽນເປັນຄົນຮັກຕົນເອງຫຼາຍຂຶ້ນ: ຫຼາຍຄົນມັກເບິ່ງຂ້າມຕົນເອງ ໃສ່ໃຈ ຫຼື ເຫັນສິ່ງອື່ນ ຄົນອື່ນສຳຄັນກວ່າຕົນເອງ ຈົນບາງຄັ້ງເຮັດໃຫ້ຕົນເອງບໍ່ມີຄວາມສຸກ ບໍ່ພໍໃຈກັບຕົນເອງ ທັງຊີວິດ ການງານ ຄວາມສຳພັນ ແລະ ເລື່ອງອື່ນໆ ສະນັ້ນ, ຖ້າຢາກປ່ຽນຫຍັງແທ້ໆ ສິ່ງໜຶ່ງທີ່ບໍ່ຄວນລືມຄື ປ່ຽນມາຮັກຕົນເອງຫຼາຍຂຶ້ນ.
3. ປ່ຽນເປັນຄົນມີວິໄນຫຼາຍຂຶ້ນ: ຫຼາຍຄົນກໍມັກມີການເລື່ອນມື້ເລືອນວັນແມ່ນບໍ ເຊິ່ງເປັນສິ່ງທີ່ບໍ່ດີປານໃດ ລອງຫັນມາມີວິໄນກັບໂຕເອງ ໂດຍເລີ່ມຈາກເລື່ອງນ້ອຍໆໄປເຊັ່ນ: ການກິນ (ເລືອກກິນອາຫານທີ່ມີປະໂຫຍດ), ການນອນ (ນອນໃຫ້ເປັນໂມງ), ການອອກກຳລັງກາຍ ຫຼື ການໃຊ້ຈ່າຍຕ່າງໆ.
4. ປ່ຽນເປັນຄົນທີ່ຮູ້ຈັກການໃຫ້ອະໄພ: ໃຫ້ອະໄພຕົນເອງ ໃຫ້ອະໄພຄົນອ້ອມຂ້າງ ບໍ່ຍຶດຕິດ ຮູ້ຈັກປ່ອຍວ່າງ ແລະຈະເຮັດໃຫ້ເປັນຄົນໃຈກວ້າງຂຶ້ນ
5. ປ່ຽນເປັນຄົນອັດທະຍາໄສດີ: ເປັນມິດກັບຄົນອ້ອມຂ້່າງໃຫ້ຫຼາຍຂຶ້ນ ຍິ້ມໃຫ້ກວ້າງກວ້າງເກົ່າ ເສົ້າໃຫ້ໜ້ອຍລົງ ລອງເປັນຄົນເລີ່ມຕົ້ນສ້າງບົດສົນທະນາກັບຄົນອື່ນກ່ອນ.
6. ປ່ຽນເປັນຄົນທີ່ມັກຮຽນຮູ້ຢູ່ຕະຫຼອດເວລາ: ການຮຽນຮູ້ບໍ່ມີມື້ສິ້ນສຸດ ຍິ່ງໂລກປັດຈຸບັນປ່ຽນແປງໄປໄວ ເຮົາກໍຕ້ອງປັບໂຕ ຮຽນຮູ້ຢູ່ຕະຫຼອດເວລາ ບໍ່ປິດກັ້ນຕົນເອງ
7. ປ່ຽນຕົນເອງເປັນຄົນກ້າ: ຄວາມຢ້ານບໍ່ແມ່ນສິ່ງທີ່ຜິດ ແຕ່ມັນຈະຜິດຖ້າເຮົາບໍ່ເອົາຊະນະມັນ ຖືໂອກາດເລີ່ມຕົ້ນປີໃໝ່ນີ້ ປ່ຽນຕົນເອງໃຫ້ເປັນຄົນກ້າຫານ ກ້າເຮັດ ກ້າທຳ ກ້າຕັດສິນໃຈ ບໍ່ຢ້ານການປ່ຽນແປງ
8. ອ່ານໜັງສືໃຫ້ຫຼາຍຂຶ້ນ: ການອ່ານໜັງສືເປັນການສະສົມຄັງຂໍ້ມູນ ຄວາມຮູ້ ທີ່ເປັນສົມບັດລໍ້າຄ່າທີ່ສຸດ ອາດຈະເລີ່ມຈາກອ່ານມື້ລະໜ້າ ຫຼື ຕັ້ງເປົ້າວ່າຈະອ່ານອາທິດລະຫົວ ຫຼື ເດືອນລະຫົວແບບນີ້ກໍໄດ້ ເພື່ອສ້າງນິດໃສໃຫ້ເປັນຄົນມັກການອ່ານ ຫຼຸດຜ່ອນການມີສຳມະທິສັ້ນນຳອີກ
9. ປ່ຽນເປັນຄົນທີ່ໃສ່ໃຈສິ່ງແວດລ້ອມຫຼາຍຂຶ້ນ: ສິ່ງແວດລ້ອມເປັນຂອງເຮົາໝົດທຸກຄົນທີ່ຕ້ອງຊ່ວຍກັນເອົາໃຈໃສ່ຮັກສາ ແລະ ເຮົາກໍເຮັດໄດ້ງ່າຍໆເລີ່ມຈາກເຮົາເຊັ່ນ: ຫຼຸດຜ່ອນການໃຊ້ປາສຕິກ, ຖິ້ມຂີ້ເຫຍື່ອໃຫ້ເປັນລະບຽບ…
10. ປ່ຽນເປັນຄົນທີ່ມີຄວາມສຸກກັບສິ່ງເລັກນ້ອຍ: ບໍ່ຕ້ອງລໍຖ້າໃຫ້ປະສົບຜົນສຳເລັດແບບຍິ່ງໃຫຍ່ຈຶ່ງມີຄວາມສູກ ລອງປ່ຽນຕົນເອງມາມີຄວາມສຸກກັບສິ່ງເລັກນ້ອຍ ທີ່ເກີດຂຶ້ນໃນແຕ່ລະມື້.

#ອິນໄຊລາວ #InsideLaos ສາລະດີໆ ມີຢູ່ບ່ອນນີ້.