ອົງການກາແດງລາວ ໄດ້ໃຫ້ຊ່ວຍເຫລືອປະຊາຊົນ ບ້ານຫາດຍາວ ຜູ້ທີ່ປະສົບໄພນໍ້າຖ້ວມ ທີ່ເມືອງ ສະໜາມໄຊ ແຂວງ ອັດຕະປື ສາຍເຫດຍ້ອນພະຍຸເຊີນຕິນ ເກີດມີຝົນຕົກໜັກນໍ້າຖ້ວມ ແລະ ຄູສັນເຂື່ອນເຊປຽນ-ເຊນໍ້ານ້ອຍແຕກ ໃນເດືອນຜ່ານມາ.
ເຄື່ືອງທີ່ນຳມາຊ່ວຍເຫລືອໃນຄັ້ງນີ້, ມີ ປາກະປ໋ອງ, ທຽນໄຂ, ກັບໄຟ, ຖົງດຳໃສ່ຂີ້ເຫຍື້ອ, ຢາທາກັນຍຸງ, ມອບໃຫ້ພໍ່ແມ່ປະຊາຊົນ ທີ່ອາໄສຢູ່ສູນໂຮງຮຽນປະຖົມ ບ້ານຫາດຍາວ ແລະ ບ້ານໃໝ່ ມີ 139 ຄອບຄົວ, 564 ຄົນ, ຍິງ 282 ຄົນ.
ກ່າວມອບໂດຍ, ທ່ານ ສິງ ເມໂນລາດ ຮອງປະທານອົງການກາແດງລາວ, ທ່ານ ພົນໂທ ອຳນາດ ບາລີ ຜູ້ອຳນວຍການ ສຳນັກງານບັນເທົາທຸກສະພາກາຊາດໄທ ແລະ ທ່ານ ວຽງໄຊ ໄຊສົມບັດ ຫົວໜ້າຫ້ອງການ ກາແດງແຂວງ ອັດຕະປື ແລະ ກ່າວຮັບໂດຍປະຊາຊົນບ້ານດັ່ງກ່າວ. ລວມ ມູນຄ່າທັງໝົດ 36.835.000 ກີບ.
ເຄື່ອງຂອງຈຳນວນດັ່ງກ່າວ, ແມ່ນໄດ້ຮັບການສະໜັບສະໜູນ ຈາກສະພາກາຊາດໄທ, ຫລັງຈາກນັ້ນ ທາງສະພາກາຊາດໄທ ໄດ້ໃຫ້ຄວາມຮູ້ທາງດ້ານສຸຂະອະນາໄມ ແລະ ວິທີປ້ອງກັນ ພະຍາດຕ່າງໆ ຕື່ມອີກ.
Cr.KPL