ຍາມຕອນເຊົ້າໃນບ້ານເຮົາ ໂດຍສະເພາະແມ່ນຢູ່ໃນນະຄອນຫລວງວຽງຈັນ ມີສູນເຝິກໂຍຄະຫລາກຫລາຍແຫ່ງໃຫ້ໄດ້ເລືອກໃຊ້ ຕອນເຊົ້າເລີ່ມເປີດໃຫ້ບໍລິການຕັ້ງແຕ່ 5:30 ຫລືຄັນບໍ່ທັນ ກໍຍັງມີຄອສສອນ ໃນຕອນ 8:30 ໃຫ້ເລືອກນຳອີກ. ມີຂັ້ນເລີ່ມຕົ້ນຈົນເຖິງຂັ້ນລະດັບສູງ ເຊິ່ງເຝິກສອນໂດຍຄົນລາວ ແລະຄົນຕ່າງປະເທດ ແລ້ວແຕ່ໃຜຈະມັກແນວໃດ? ແລ້ວການເຝິກໂຍຄະໃນຕອນເຊົ້ານັ້ນ ມີດີແນວໃດກັນ?.
ໂຍຄະ ຊ່ວຍບຳບັດ ຮັກສາອະໄວຍະວະ ພາຍໃນຮ່າງກາຍ ຂອງຄົນເຮົາ, ຂະນະດຽວກັນ ມັນກໍເປັນ ການຝຶກຈິດໃຈນຳອີກ. ປັດໄຈສຳຄັນ ຂອງການຝຶກໂຍຄະ ກໍຄືສ້າງລະບົບຫາຍໃຈ, ຮ່າງກາຍໄດ້ຮັບ ອົກຊີແຊນ ຫລາຍຂຶ້ນ. ດັ່ງນັ້ນ, ຈຶ່ງຄວນຫລິ້ນ ໂຍຄະທຸກໆເຊົ້າ.
ການຝຶກໂຍຄະ ແມ່ນການຝຶກຈິດໃຈ ໃຫ້ຈົດຈໍ່ກັບການກຳນົດ ລົມຫາຍໃຈ ເຂົ້າອອກຊ່ວຍ ໃຫ້ຮ່າງກາຍ ມີຄວາມຢືດຫົດ ຫລາຍຂຶ້ນລະຫວ່າງ ລົມຫາຍໃຈ ກັບຈິດຢຸດຢູ່ ກັບສິ່ງທີ່ເຮັດ ໃນປັດຈຸບັນ. ນອກຈາກນັ້ນ ຍັງຊ່ວຍແແກ້ໄຂ ສະພາບທາງຮ່າງກາຍ, ຈິດໃຈ ແລະ ບຸກຄະລິກ ໃຫ້ດີຂຶ້ນຊ່ວຍ ໃຫ້ເກີດຄວາມງາມ ຈາກພາຍໃນ. ໂຍຄະ ເປັນການປະຕິບັດ ຢ່າງອ່ອນໂຍນຕໍ່ ຕົນເອງ ເຮັດເທົ່າທີ່ເຮົາເຮັດ ໄດ້ຢ່າຝືນຈົນ ຮ່າງກາຍຕ້ອງເຈັບປວດ ເພາະນັ້ນຖືວ່າ ເປັນການກະທຳ ຄວາມຮຸນແຮງ ຕໍ່ຮ່າງກາຍ.
ຫລັກການສຳຄັນ ຂອງໂຍຄະ ແມ່ນການຝຶກຈິດ ແລະ ຮ່າງກາຍ ດ້ວຍການກຳນົດ ລົມຫາຍໃຈ ປະສານກັບການ ເຄື່ອນໄຫວ ຂອງຮ່າງກາຍ ຊ່ວຍເພີ່ມ ຄວາມແຂງແຮງ ແລະ ການຢືດ ຫົດໃຫ້ກັບກ້າມຊີ້ນ, ກະຕຸ້ນການໄຫລວຽນ ຂອງເລືອດ ເຮັດໃຫ້ຮູ້ ສຶກສະຫງົບ, ສະບາຍ ແລະ ຜ່ອນຄາຍ.
ດັ່ງນັ້ນ, ເຮົາຄວນຫລິ້ນໂຍຄະ ທຸກໆເຊົ້າ ເພື່ອເປັນການກຽມ ຄວາມພ້ອມຂອງຮ່າງກາຍ ໃນການປະຕິ ບັດກິດຈະກຳ ປະຈຳວັນ ຢ່າງນ້ອຍ ສຸດມື້ລະ 45 ນາທີ-1 ຊົ່ວໂມງ.
Cr.Pasaxon