ຖືວ່າເປັນການສູນເສຍຄັ້ງຫຍິ່ງໃຫຍ່ ຂອງວົງການເພງລາວເລີຍກໍ່ວ່າໄດ້, ສຳລັບການຈາກໄປ ຢ່າງບໍ່ມີວັນກັບມາ ຂອງນັກຮ້ອງ ທີ່ມີຊື່ສຽງຂອງ ສປປ ລາວ "ກິດາວເພັດ ໜູຫ່ວງ" ເຈົ້າຂອງຜົນງານເພັງ: ຟ້າອູ້ມຝົນຄືຄົນອູ້ມນ້ອງ, ຂີ້ໂມ້, ເຂີຍໄຕ້ ໄພ້ເໜືອ, ແລະ ອື່ນໆ.
ສ່ວນລາຍລະອຽດອຶ່ນໆນັ້ນຈະແຈ້ງໃຫ້ຊາບຕາມຫຼັງ
ອິນໄຊລາວ, ຂໍສະແດງຄວາມເສຍໃຈມາຍັງຄອບຄົວໜູຫ່ວງດ້ວຍ
ເມື່ອບໍ່ດົນມານີ້ ຄະນະກຳມະການ ຕ້ານການຄ້າມະນຸດລະດັບຊາດ ໄດ້ຈັດກອງປະຊຸມຊຸກຍູ້ການຈັດຕັ້ງ ແລະ ເຄື່ອນໄຫວ ວຽກງານຕ້ານການຄ້າມະນຸດ ຢູ່ແຂວງອັດຕະປື ໂດຍເນັ້ນເຊື່ອມຊຶມດຳລັດ ຂອງນາຍົກລັດຖະມົນ ຕີ ເພື່ອເປັນບ່ອນອີງ ໃນການຈັດຕັ້ງປະຕິບັດໃຫ້ເປັນລະບົບ, ຖືກຕ້ອງ, ມີປະສິດທິພາບ ແລະປະສິດທິຜົນ. ພ້ອມດຽວກັນນັ້ນຜູ້ເຂົ້າຮ່ວມກອງປະຊຸມຍັງ ໄດ້ຍົກໃຫ້ເຫັນເຖິງສະພາບຄວາມເປັນຈິງໃນປັດຈຸບັນ ແລະ ປະກົດການຄ້າມະນຸດ ທີ່ເປັນລັກສະນະການຄ້າໂສເພນີ, ແມ່ຍິງແຕ່ງງານກັບຄົນຕ່າງປະເທດ ທີ່ບໍ່ຖືກຕ້ອງຕາມກົດໝາຍ, ທັງມີການຂູດຮີດແຮງງານ ຍັງເກີດຂຶ້ນຢ່າງຫລວງໃນລາວ ກໍຄືແຂວງອັດຕະປື.
ກອງປະຊຸມໄດ້ຮຽກຮ້ອງໃຫ້ອົງການຈັດຕັ້ງກ່ຽວຂ້ອງ ກໍຄືຄະນະກຳມະການຕ້ານການຄ້າມະນຸດຂັ້ນແຂວງ ຕ້ອງໄດ້ເອົາໃຈໃສ່ ກະກັດກັັ້ນຕ້ານ ແລະ ແກ້ໄຂ ເພື່ອແນ່ໃສ່ປົກປ້ອງສິດ ແລະ ຜົນປະໂຫຍດ ຊີວິດ, ສຸຂະພາບ, ກຽດສັກສີ, ເສລີພາບ...
ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ຖະແຫຼງຂ່າວໃນວັນທີ 23 ທັນວາ 2020 ສປປ ລາວ ບໍ່ພົບຜູ້ຕິດເຊື້ອໂຄວິດ-19 ເພີ່ມ, ຂະນະດຽວກັນ ຍັງມີຜູ້ຕິດເຊື້ອພະຍາດດັ່ງກ່າວປິ່ນປົວຢູ່ໂຮງໝໍພຽງ 4ຄົນ ພ້ອມເຕືອນປະຊາຊົນຜູ້ບໍລິໂພກອາຫານທະເລ ຄວນກວດສອບທີ່ມາໃຫ້ແນ່ໃຈກ່ອນຮັບປະທານ ແລະ ປຸງແຕ່ງໃຫ້ສຸກດີ ເພື່ອປ້ອງກັນການຕິດເຊື້ອໂຄວິດ-19.
ທ່ານ ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ, ຕາງໜ້າໃຫ້ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19 ລາຍງານໃຫ້ຮູ້ວ່າ: ການເກັບຕົວຢ່າງມາກວດວິເຄາະ ແລະ ຄົ້ນຫາຜູ້ຕິດເຊື້ອພະຍາດ ໃນວັນທີ 22 ທັນວາ 2020, ໄດ້ເກັບຕົວຢ່າງມາກວດວິເຄາະທັງໝົດ 207 ຄົນ, ໃນນັ້ນ ມີ 5 ຕົວຢ່າງຈາກບຸກຄົນທົ່ວໄປມີອາການ; 14 ຕົວຢ່າງຈາກບຸກຄົນທົ່ວໄປບໍ່ມີອາການ; ແຮງງານລາວກັບມາແຕ່ໄທບໍ່ມີອາການ 178 ຕົວຢ່າງ; ແຮງງານຫວຽດນາມບໍ່ມີອາການ 9 ຕົວຢ່າງ ແລະ ແຮງງານລາວມາແຕ່ຫວຽດນາມບໍ່ມີອາການ 1 ຕົວຢ່າງ; ຜົນກວດວິເຄາະທັງໝົດ ແມ່ນບໍ່ພົບເຊື້ອ.
ໝາຍຄວາມວ່າ ວັນທີ 22 ທັນວາ 2020 ບໍ່ພົບຜູ້ຕິດເຊື້ອໃໝ່. ສັງລວມການກວດວິເຄາະ ແຕ່ເດືອນມັງກອນ ຮອດ ວັນທີ 22 ທັນວາ 2020 ໄດ້ເກັບຕົວຢ່າງມາກວດທັງໝົດ 88.754 ຕົວຢ່າງ, ກວດພົບເຊື້ອສະສົມ 41 ຄົນ.
ສ່ວນການຕິດຕາມປີ່ນປົວຄົນເຈັບຢູ່ໂຮງໝໍ ຄົນເຈັບຕິດເຊື້ອ ໂຄວິດ-19 ທີ່ນອນຕິດຕາມຢູ່ໂຮງໝໍ, ຖ້າຜົນກວດໃຫ້ຜົນລົບຕິດຕໍ່ກັນ 2 ຄັ້ງ ແມ່ນຈະໄດ້ຮັບອະນຸຍາດໃຫ້ອອກໂຮງໝໍໄດ້; ມາຮອດປະຈຸບັນ ຍັງມີຄົນເຈັບຕິດເຊື້ອພະຍາດ ໂຄວິດ-19 ຈຳນວນ 4 ຄົນ ທີ່ຍັງສືບຕໍ່ນອນປິ່ນປົວຢູ່ໂຮງໝໍທີ່ຖືກກຳນົດໄວ້, ທຸກຄົນແມ່ນມີອາການເບົາບາງ, ບໍ່ມີອາການສົນຫຍັງ.
ທ່ານ ຮອງຫົວໜ້າກົມຄວບຄຸມພະນຍາດຕິດຕໍ່ ກ່າວຕື່ມວ່າ: ສະພາບການລະບາດຂອງ ໂຄວິດ-19 ໃນທົ່ວໂລກ ສຳລັບ ເດືອນທັນວາ ແມ່ນຖືວ່າໜັກໜ່ວງຫຼາຍ ນັບແຕ່ເກີດມີການລະບາດມາ. ສະເພາະ ປະເທດອັງກິດ ມີລາຍງານຈຳນວນຜູ້ຕິດເຊື້ອໃໝ່ ຫຼາຍກວ່າ 1 ແສນຄົນ ພາຍໃນອາທິດດຽວ, ບາງປະເທດ ກໍ່ມີລາຍງານຈຳນວນຜູ້ເສຍຊີວິດສູງຂຶ້ນຢ່າງໜ້າກັງວົນ. ນອກຈາກນັ້ນ ບາງປະເທດ ໄດ້ປີດຊາຍແດນ ແລະ ຢຸດຕິການຂົນສົ່ງສິນຄ້າເຂົ້າ-ອອກເປັນການຊົ່ວຄາວ ສົ່ງຜົນກະທົບຕໍ່ເສດຖະກິດ ແລະ ວິຖີການດຳລົງຊີວິດຂອງປະຈຳວັນຂອງປະຊາຊົນ ທັງທາງກົງ ແລະ ທາງອ້ອມ. ສະເພາະ ສປປ ລາວ ເຮົາ ແມ່ນມີຄວາມສ່ຽງສູງທີ່ຈະມີຜູ້ຕິດເຊື້ອຈາກຕ່າງປະເທດ ເຂົ້າມາແຜ່ເຊື້ອ ແລະ ເກີດການລະບາດຮອບໃໝ່ ໃນປະເທດຂອງພວກເຮົາ.
ສະນັ້ນ ພວກເຮົາທຸກຄົນຕ້ອງເປັນເຈົ້າການຮ່ວມກັນ ໃນການປະຕິບັດມາດຕະການທີ່ຄະນະສະເພາະກິດວາງອອກຢ່າງເຂັ້ມງວດ ກໍ່ຄື ແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ, ສະບັບເລກທີ 1414/ຫສນຍ, ລົງວັນທີ 23 ທັນວາ 2020 ແລະ ຄຳແນະນຳຂອງຂະແໜງການກ່ຽວຂ້ອງ ເພື່ອສະກັດກັ້ນ ການລະບາດແຕ່ຫົວທີ ບໍ່ໃຫ້ຂະຫຍາຍເປັນວົງກວ້າງ.
ນອກຈາກນີ້, ໃນຕອນທ້າຍຂອງການຖະແຫຼງຂ່າວ ທ່ານ ສີສະຫວາດ ສຸດທານີລະໄຊ ໄດ້ກ່າວວ່າ: ປັດຈຸບັນ ການບໍລິໂພກກຸ້ງທີ່ນໍາເຂົ້າ ຂໍໃຫ້ປຸງແຕ່ງໃຫ້ສຸກດີ ໃຫ້ລະມັດລະວັງໃນການປຸງແຕ່ງຕ່າງໆ ເນື່ອງຈາກວ່າມີຂໍ້ມູນມີການແຜ່ເຊື້ອໂຄວິດ-19 ຈາກສັດທະເລ ແຕ່ແທ້ຈິງແລ້ວບໍ່ແມ່ນ; ຫາກເຮົາເຮັດສຸກ ເຮົາສາມາດກິນໄດ້ ແຕ່ວ່າຂໍໃຫ້ເບິ່ງທີ່ມາຂອງກຸ້ງ ແລະ ອາຫານທະເລເຫຼົ່ານັ້ນ ວ່າມັນມາຈາກເຂດທີ່ມີການລະບາດຂອງພະຍາດໂຄວິດ-19 ຫຼືບໍ່. ແນວໃດກໍ່ຕາມ ໃນໄລຍະນີ້ ບໍ່ໄດ້ໝາຍຄວາມວ່າບໍ່ໃຫ້ພໍ່ແມ່ປະຊາຊົນບໍລິໂພກ ແຕ່ໃຫ້ຮູ້ແຫຼ່ງທີ່ມາຂອງອາຫານທະເລຢ່າງຊັດເຈນ ແລະ ເວລາປຸງແຕ່ງ ໃຫ້ປຸງແຕ່ງໃຫ້ສຸກ ບໍ່ໃຫ້ບໍລິໂພກດິບ, ຄວາມຈິງແລ້ວເຊື້ອພະຍາດຈະຕິດຢູ່ໃນນັ້ນ ເວລາເຮົາຈັບບາຍ ແລ້ວໃຊ້ມືມາສໍາຜັດໃສ່ໜ້າ, ຕາ, ປາກ, ດັງ ຈະເຮັດໃຫ້ເຊື້ອເຂົ້າຮ່າງກາຍໃນຕອນນັ້ນ ແຕ່ຫາກບໍລິໂພກສຸກແມ່ນບໍ່ມີບັນຫາ, ສະນັ້ນ ສິ່ງສໍາຄັນທີ່ສຸດແມ່ນມືເຮົາ.
ວັນທີ 14 ມັງກອນ 2020 ທາງເຈົ້າໜ້າກອງຕໍາຫຼວດຈະລາຈອນ-ມອດໄຟ ປກສ ເມືອງສິງ ໄດ້ຮັບແຈ້ງຈາກປະຊາຊົນວ່າ: ໄດ້ເກີດອັກຄີໄພໄຟໄໝ້ສວນອ້ອຍຂອງປະຊາຊົນເຂດຢູບ້ານ ນາໃໝ່ ເມືອງສິງ ແຂວງຫຼວງນໍ້າທາໃນເວລາ 14 ໂມງ 00 ນາທີ, ດັ່ງນັ້ນເຈົ້າໜ້າທີ່ຈຶ່ງໄດ້ຮີບຮ້ອນຈັດກຳລັງ ແລະ ລົດດັບເພີ່ງ 2 ຄັນ, ໄປຫາສະຖານທີ່ເກີດເຫດ ໂດຍສົມທົບກັບປະຊາຊົນຊ່ວຍກັນສະກັດກັ້ນມອດໄຟ ເພື່ອບໍ່ໃຫ້ໄຟລຸກລາມໄປບ່ອນອື່ນ...