ສາຣັດກ່າວວ່າ “ສະບາຍດີ ຂ້າພະເຈົ້າໂຕແທນສະໂມສອນເອັດສຊີຈີ ເມືອງທອງ ຢູໄນເຕັດ ຂໍສົ່ງແຮງໃຈໄປທີ່ ສປປ.ລາວ ຂໍໃຫ້ພີ່ນ້ອງຊາວລາວທີ່ຢູ່ອັດຕະປື ຕໍ່ສູ້ກັບ ອຸທົກກະໄພ ແລະ ປັນຫາຄັ້ງນີ້ໄປໄດ້ດ້ວຍດີ ແລະ ຂ້າພະເຈົ້າກໍ່ເປັນອີກໜຶ່ງກຳລັງໃຈໃຫ້ພີ່ນ້ອງຊາວລາວທຸກຄົນເດີ້”
ນອກຈາກນີ້ ນັກເຕະບານສະໂມສອນເອັດສຊີຈີ ເມືອງທອງ ຍັງຮ່ວມສົ່ງແຮງໃຈໃຫ້ພີ່ນ້ອງ ສປປ.ລາວ ຜູ້ທີ່ປະສົບໄພທີ່ອັດຕະປື ຂໍໃຫ້ທຸກຄົນປອດໄພ ເຂັ້ມແຂງ ແລະ ສາມັກຄີກັນ ຂໍໃຫ້ກັບສູ່ສະພາວະປົກກະຕິກໄວໆ ແລະ ຜ່ານເຫດການຄັ້ງນີ້ໄປນຳກັນ ລວມເຖິງຄົນໄທທຸກຄົນຂໍເປັນກຳລັງໃຈໃຫ້ພີ່ນ້ອງຊາວ ສປປ.ລາວ
ທັ້ງນີ້ ເຫດການນ້ຳຖ້ວມກະທັນຫັນ ທີ່ ເມືອງສະໜາມໄຊ ແຂວງອັດຕະປື ເກີດຈາກເຂື່ອນເຊປຽນ-ເຊນ້ຳນ້ອຍ ແຕກໃນວັນທີ 23 ກໍລະກົດ 2018 ເຊິ່ງກຳລັງກໍ່ສ້າງໄດ້ປະມານ 90% ເພາະຝົນຕົກໜັກຕໍ່ເນື່ອງກັນຫຼາຍມື້ ເຮັດໃຫ້ນ້ຳກວ່າ 6,000ລ້ານແມັດກ້ອນ ໄຫລເຂົ້າຖ້ວມຫຼາຍໝູ່ບ້ານ ຈົນໄດ້ຮັບຜົນກະທົບເປັນວົງກວ້າງ ແລະ ເຮັດໃຫ້ມີຜູ້ເສຍຊີວິດ ແລະ ຜູ້ສູນຫາຍຈຳນວນຫຼາຍ.
Cr. Muangthong United FC.