Monday, April 21, 2025

ລັດຖະມົນຕີກະຊວງກະສິກໍາ ແລະ ປ່າໄມ້ ລົງຊຸກຍູ້ ແລະ ຊີ້ນໍາວຽກງານຜະລິດກະສິກໍາ ຢູ່ແຂວງອຸດົມໄຊ

ໃນວັນທີ 30 ສິງຫາ ນີ້, ທ່ານ ລຽນ ທິແກ້ວ ລັດຖະມົນຕີ ກະຊວງກະສິກໍາ ແລະ ປ່າໄມ້ ພ້ອມຄະນະ ໄດ້ລົງຊຸກຍູ້ການຜະລິດກະສິກໍາ ແລະ ຊີ້ນໍາວຽກງານ ຢູ່ ພະແນກກະສິກໍາ ແລະ ປ່າໄມ້ ແຂວງ ອຸດົມໄຊ. ມີຮອງຫົວໜ້າພະແນກກະສິກໍາ ແລະ ປ່າໄມ້ແຂວງ, ຫົວໜ້າຂະແໜງ, ວິຊາການອ້ອມຂ້າງພະແນກ ເຂົ້າຮ່ວມ.

ໃນກອງປະຊຸມທ່ານຮອງຫົວໜ້າພະແນກກະສິກໍາ ແລະ ປ່າໄມ້ແຂວງ ໄດ້ລາຍງານກ່ຽວກັບການຈັດຕັ້ງປະຕິບັດວຽກງານຜ່ານມາໃຫ້ຮູ້ວ່າ: ການຜະລິດເຂົ້ານາແຊງ ມີແຜນ 150 ເຮັກຕາ ແຕ່ຈັດຕັ້ງປະຕິບັດໄດ້ 52,5 ເຮັກຕາ, ຜົນຜະລິດໄດ້ 237 ໂຕນ ທຽບໃສ່ແຜນການປະຕິບັດໄດ້ 35% ສາເຫດທີ່ປະຕິບັດບໍ່ໄດ້ຕາມຄາດໝາຍນັ້ນ ເນື່ອງຈາກວ່ານໍ້າບໍ່ພຽງພໍ, ປະຊາຊົນຫັນໄປປູກພືດຊະນິດອື່ນທີ່ມີລາຍຮັບດີກວ່າ ຫຼືໃຫ້ບຸກຄົນອື່ນເຊົ່າເນື້ອທີ່ປູກພືດຊະນິດອື່ນ ລວມທັງສະພາບອາກາດທີ່ບໍ່ເອື້ອອໍານວຍນໍາອີກ. ດ້ານການຜະລິດພືດສະບຽງອາຫານ ປະຕິບັດໄດ້ 3.765 ເຮັກຕາ, ຜົນຜະລິດໄດ້ 12 ພັນກວ່າໂຕນ ທຽບໃສແຜນການປະຕິບັດໄດ້ 70% , ການຜະລິດເປັນສິນຄ້າ ໄດ້ເລັ່ງໃສ່ປູກສາລີອາຫານສັດ, ຢາສູບ, ພືດຖົ່ວ,​ ໝາກໂມ, ຢາງພາລາ ແລະ ປູກໝາກແໜ່ງເປັນສິນຄ້າ. ທົ່ວແຂວງມີປ່າຜະລິດແຫ່ງຊາດ 3 ແຫ່ງ, ປ່າສະຫງວນ 8 ແຫ່ງ, ສວນກ້າເບ້ຍໄມ້ 11 ແຫ່ງ ສາມາດຜະລິດເບ້ຍໄມ້ໄດ້ 430 ພັນກວ່າເບ້ຍ ເທົ່າກັບ 95% ຂອງແຜນການປີ.

ໃນໂອກາດດັ່ງກ່າວ, ທ່ານ ລຽນ ທິແກ້ວ ໄດ້ໃຫ້ທິດຊີ້ນໍາ ໂດຍເນັ້ນໃສ່ວຽກງານການຜະລິດຫຼັງນໍ້າຖ້ວມ ແລະ ກະກຽມໃສ່ການຜະລິດລະດູແລ້ງ 2018 ຈັດສົ່ງພະນັກງານວິຊາການລົງຊຸກຍູ້ສົ່ງເສີມປະຊາຊົນເຮັດການຜະລິດທົດແທນຜົນເສຍຫາຍຄືນ ແນໃສ່ການຜະລິດນາແຊງ ແລະ ປູກພືດລະດູແລ້ງໃຫ້ທ່ວງທັນລະດູການ ເພື່ອສາມາດຕອບແທນດ້ານອາຫານໃຫ້ແຂວງຢ່າງພຽງພໍ ແລະ ສາມາດຜະລິດ ເປັນສິນຄ້າ ຂາຍໄປຍັງແຂວງອ້ອມຂ້າງອີກດ້ວຍ.

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

ໂປຣໂມຊັນຈຳກັດເວລາ: VietJet ມອບສ່ວນຫຼຸດ 50% ປີ້ຍົນທົ່ວທຸກເສັ້ນທາງ

(ນະຄອນຫຼວງວຽງຈັນ, ວັນທີ 18 ເມສາ 2025) – ເພື່ອສະເຫຼີມສະຫຼອງວັນການຕ້ອນໂຮມປະເທດຊາດຫວຽດນາມ, VietJet ມອບສ່ວນຫຼຸດ ໃຫ້ນັກທ່ອງທ່ຽວເຖິງ 50% (ບໍ່ລວມພາສີ ແລະ ຄ່າທຳນຽມ) ໃນຄ່າໂດຍສານຊັ້ນ Eco-class ໃນທົ່ວເຄືອຂ່າຍຖ້ຽວບິນ ຕັ້ງແຕ່ມື້ນີ້ຈົນຮອດວັນທີ 18 ເມສາ 2025. ນັກທ່ອງທ່ຽວສາມາດເພີດເພີນກັບຂໍ້ສະເໜີນີ້ໄດ້ໂດຍການໃຊ້ລະຫັດໂປຣໂມຊັນ VJ50 ເມື່ອຈອງຜ່ານທາງ www.vietjetair.com ເຊິ່ງເລີ່ມເດີນທາງຕັ້ງແຕ່ວັນທີ 28 ເມສາ ເຖິງ 30 ພະຈິກ 2025 (ບໍ່ລວມວັນພັກລັດຖະການ).

ບົດສວດ ອັງເຊີນພຣະພຸດທະຮູບໃນເຮືອນລົງສົງນໍ້າ ໃນມື້ປີໃໝ່ລາວ

ໃນວັນບຸນປີໃໝ່ລາວນີ້ ກ່ອນທີ່ຈະໄປສົງນໍ້າພຣະຢູ່ທີ່ວັດ ແຕ່ເຮົາກໍ​ຍັງມີ​ກິດຈະກຳ​ສຳຄັນ​ນັ້ນ​ຄື​ການສົງນໍ້າພຣະຢູ່ໃນເຮືອນ ເພື່ອ​ກຽມ​ສົງ​ນ້ຳ​ພຣະ​ເສີມສິລິມຸງຄຸນ​ຕ້ອນ​ຮັບ​ວັນປີໃໝ່ລາວ, ຫາກ​ໃຜ​ຍັງ​ບໍ່​ຮູ້​ວ່າ​ຈະ​ຕ້ອງ​ເຮັດແນວໃດ ກຽມ​ສົງ​ນ້ຳ​ພະວັນປີໃໝ່ລາວ​ນັ້ນ​ມີ​ຫຍັງແດ່ ອິນໄຊລາວ ໄດ້ລວບລວມ​ມາ​ໃຫ້​ແລ້ວ.

5 ໂຣກຮ້າຍຕ້ອງລະວັງ ໃນຊ່ວງບຸນປີໃໝ່ລາວ.

ບຸນປີໃໝ່ລາວ ແມ່ນອີກບຸນໜຶ່ງທີ່ມ່ວນຊື່ນທີ່ທຸກຄົນຈະໄປສົງພຣະ ຫຼິ້ນນໍ້າ ແຕ່ມັນກໍເຕັມໄປດ້ວຍພະຍາດຮ້າຍແຮງຕ່າງໆທີ່ອາດຈະເກີດຂຶ້ນໃນຊ່ວງນັ້ນ ເພາະວ່າເປັນລະດູຝົນອາກາດຈະຮ້ອນ ແລະ ຈຳນວນເຊື້ອພະຍາດສາມາດເພີ່ມຂຶ້ນໄດ້ງ່າຍ ພ້ອມທັງຄວາມຊຸ່ມຊື່ນຈາກກິດຈະກຳຫຼິ້ນນໍ້າໃນບຸນປີໃໝ່ລາວ, ເຊິ່ງເຮົາໄດ້ລວມເອົາ 5 ໂຣກທີ່ເຈົ້າຕ້ອງລະວັງມາໃຫ້ເບິ່ງນໍາກັນ.