ງານຊ່ວງເຮືອປະເພນີ ເດືອນ 9 ຫໍ່ເຂົ້າປະດັບດີນ ອັນເປັນເອກະລັກສະເພາະ ຊາວຫລວງພະບາງ ເມືອງມໍລະດົກໂລກ ໄດ້ຈັດຂຶ້ນທຸກປີ ພໍເຖິງມື້ແຮມ 14 ຂອງເດືອນ 9 ສຳລັບປີນີ້ ກົງກັບວັນທີ 9 ກັນຍາ, ເຊິ່ງເປັນໜຶ່ງໃນກິດ ຈະກໍາຫລັກ ຂອງການສະເຫລີມສະຫລອງປີທ່ອງທ່ຽວລາວ 2018 ຢູ່ແຂວງຫລວງພະບາງ, ບັນຍາກາດ ເຫັນວ່າມີຄວາມຄືກຄື້ນ ມ່ວນຊື່ນກ່ວາປີຜ່ານມາ, ໂດຍມີເຮືອຊ່ວງ ມາຈາກບັນດາບ້ານ, ສຳນັກງານອ້ອມຂ້າງແຂວງ ແລະ ແຂວງໃກ້ຄຽງ ເຂົ້າຮ່ວມ 29 ລໍາ.
ຜ່ານການແຂ່ງຂັນ ທ່າມກາງສຽງເຊຍເຕັມສອງຟາກຝັ່ງແມ່ນໍ້າຄານ ຜົນປະກົດວ່າ ອັນດັບທີ 1 ແມ່ນເຮືອຊ່ວງ ຮ້ານຂາຍລົດດອນແຊ້ມ ໄດ້ຮັບຂັນຄອງແຊັມ 3 ປີ ເປັນປີທຳອິດ, ເປັນຂັນເງິນ ນໍ້າໜັກ 1 ກິໂລເຄີ່ງ ແລະ ຂັນຊະ ນະເລີດປະຈຳປີ ເປັນຂັນເງິນ 1 ກິໂລ, ພ້ອມເງິນສົດ 15 ລ້ານກີບ, ອັນດັບທີ 2 ເຮືອຊ່ວງ ແຂວງໄຊຍະບູລີ ບໍລິສັດ ພັນທະມິດກໍ່ສ້າງຂົວທາງຈຳກັດ ໄດ້ຮັບຂັນເງິນນໍ້າໜັກ 800 ກຣາມ, ພ້ອມເງິນສົດ 14 ລ້ານກີບ, ອັນດັບທີ 3 ເຮືອຊ່ວງ ແຂວງ ບໍ່ແກ້ວ ສວນລີສອດປາກຄານ ໄດ້ຮັບຂັນເງິນ ນໍ້າໜັກ 500 ກຣາມ ພ້ອມດ້ວຍເງິນສົດ 13 ລ້ານ ກີບ, ອັນດັບທີ 4 ເຮືອຊ່ວງ ເມືອງປາກອູ ທະນາຄານການຄ້າຕ່າງປະເທດລາວ ມະຫາຊົນ ໄດ້ຮັບເງິນສົດ 12 ລ້ານກີບ, ອັນດັບທີ 5 ເຮືອຊ່ວງ ອົງ ການໄອຍາການປະຊາຊົນແຂວງ ບໍລິສັດລາວໂຕໂຍຕາ ໄດ້ຮັບເງິນສົດ 11 ລ້ານກີບ, ອັນດັບທີ 6 ເຮືອຊ່ວງ ບ້ານຫາດຮ່ຽນ 2 ໂຮງແຮມໂຣສວຸດ ໄດ້ຮັບເງິນສົດ 10 ລ້ານກີບ, ອັນດັບທີ 7 ເຮືອຊ່ວງ ວັດຊຽງທອງ 2 ໄດ້ຮັບເງິນສົດ 9 ລ້ານກີບ, ອັນດັບທີ 8 ເຮືອຊ່ວງນະຄອນຫລວງວຽງຈັນ ໄດ້ຮັບເງິນສົດ 8 ລ້ານ 5 ແສນກີບ.
ນອກນັ້ນ, ແມ່ນໄດ້ຮັບລາງວັນຊົມເຊີຍ ທີ່ແຕກຕ່າງກັນຕາມອັນດັບທີ, ສ່ວນເຮືອ ນາງດຳ ນາງດ່ອນ ແມ່ນໄດ້ຮັບລາງວັນເງິນສົດ ລຳລະ 3 ລ້ານກີບ ແລະ ລາງວັນເຮືອງາມ ປະກອບມີ ທີ 1 ເຮືອຊ່ວງ ບ້ານຫາດຮ່ຽນ 2 ໄດ້ຮັບເງິນສົດ 3 ລ້ານກີບ, ທີ 2 ເຮືອຊ່ວງ ວັດໃໝ່ສຸວັນນະພູມມາຣາມ ໄດ້ຮັບເງິນສົດ 2 ລ້ານກີບ, ທີ 3 ເຮືອຊ່ວງ ວັດຊຽງທອງ 1 ໄດ້ຮັບເງິນສົດ 1 ລ້ານກີບ. ໃຫ້ກຽດມອບລາວວັນ ມີ ທ່ານ ສຸກັນ ບຸນຍົງ ເຈົ້ານະຄອນ ຫລວງພະບາງ ຮອງປະທານ ຈັດງານ ບຸນເດືອນ 9 ຫໍ່ເຂົ້າປະດັບດີນ ປະຈໍາປີ 2018 ພ້ອມດ້ວຍ ການນຳແຂວງຫລວງພະບາງ ແລະ ແຂກຮັບເຊີນ.
ການຈັດງານຊ່ວງເຮືອ ໂອກາດບຸນຫໍ່ເຂົ້າປະດັບດິນ ຢູ່ນະຄອນຫລວງພະບາງ ເມືອງມໍລະ ດົກໂລກນີ້ ເພື່ອເປັນການອານຸລັກວັດທະນະທຳ, ຮີດຄອງປະເພນີອັນດີງາມ ທີ່ເປັນເອກະລັກຂອງຊາວ ເມືອງມາແຕ່ດຶກດຳບັນ ອີກດ້ານໜື່ງ ແມ່ນເພື່ອເປັນການຊົມເຊີຍຜົນສຳເລັດ ໃນການຜະລິດລະ ດູປີຂອງຊາວກະສິກອນ ທັງເປັນການຜູກແໜ້ນຄວາມສາມັກຄີ ລະຫ່ວາງບ້ານຕໍ່ບ້ານ ດ້ວຍການທົດສອບກຳລັງແຮງດ້ວຍການແຂ່ງຂັນຊ່ວງເຮືອ.
ຂໍ້ມູນຈາກ: ຂປລ