ຫມາກພ້າວ ເປັນຫມາກໄມ້ຊະນິດຫນຶ່ງທີ່ມີຢູ່ຫລາຍໃນບ້ານເຮົາ ຫາກິນໄດ້ງ່າຍ,ສະດວກ ລາຄາບໍ່ແພງ,ແຖມມີຄຸນຄ່າສູງນຳອີກ.
ຜົນການສຶກສາຂອງສະຫະລັດເວົ້າວ່າ ໝາກພ້າວຊ່ວຍຫຼຸດນໍ້າໜັກໄດ້ ເພາະມີລະດັບຄາໂບໄຮເດດພຽງແຕ່ 3.5 ກຣາມ ຫາກເຈົ້າພະຍາຍາມຫຼຸດການກິນນໍ້າຕານເພື່ອຫຼຸດນໍ້າໜັກ ໃຫ້ມາກິນໝາກພ້າວມື້ລະ 1 ໜ່ວຍແທນ (ກິນທັງນໍ້າ ແລະໃນໝາກພ້າວ).
ອີກຢ່າງໜຶ່ງ ນໍ້າໝາກພ້າວອ່ອນ ຍັງຊ່ວຍບັນເທົາຄວາມຮ້ອນ ແລະການຢາກນໍ້າໄດ້ດີໃນຍາມຮ້ອນ, ນອກຈາກນີ້ ນໍ້າໝາກພ້າວອ່ອນ ຍັງມີກລູໂຄສ ແລະຟຣັກໂທສໃນປະລິມານຫຼາຍ ເຊິ່ງເມື່ອດື່ມແລ້ວຈະເຮັດໃຫ້ສົດຊື່ນ ແລະໃນໝາກພ້າວຍັງສາມາດເອົາໄປປຸງອາຫານ ໃຊ້ໃນການຫຼຸດນໍ້າໜັກ ແລະເຂົ້າໜົມໄດ້ອີກຫຼາຍຢ່າງ.
ຜົນການສຶກສາຍັງພົບອີກວ່າ ໃນໝາກພ້າວ ມີໂປແຕສຊຽມສູງ 38.2-53.7 ມິນລີກຣາມ ຕໍ່ 1 ລິດ ແລະມີໂຊດຽມ ຄໍຣີນ ແລະPo4 ມີປະລິມານໜ້ອຍ ຢູ່ໃນໝາກພ້າວອ່ອນ, ນໍ້າໝາກພ້າວອຸດົມດ້ວຍ ກລູໂຄສ ແລະຟຣັກໂທສ, ໃນໝາກພ້າວອ່ອນມີໄຂມັນໜ້ອຍ ໃນປະລິມານ 100 ມິນລີລິດ ມີ 0.084 ກຣາມ ແຕ່ໃນໝາກພ້າວແກ່ ຈະມີໄຂມັນຫຼາຍກວ່າ.
Cr. https://www.pasaxon.org.la
ຮູບພາບຈາກ: https://vidaentucomida.co
Hits: 6
