Monday, February 17, 2025

ເປີດ​ໂຕ ລົດຮອນດ້າ HR-V 2018 ຮູບໂສມໃໝ່ ປະຢັດນ້ຳມັນແລະເປັນມິດຕໍ່ສິ່ງແວດລ້ອມ

ອ້າຍ​ອາ​ທິດ​ຜ່ານ​ມາ ທີ່ ສູນການຄ້າລາວ-ໄອເຕັກ ນະຄອນຫລວງວຽງຈັນ, ກຸ່ມບໍລິສັດ ນິວຈິບເຊັງ ໄດ້ນຳສະເໜີລົດ ຮອນດ້າ HR-V 2018 ໃໝ່ລ້າສຸດ (New Honda HR-V 2018) ມາຈຳໜ່າຍໃນຕະຫລາດ ສປປ ລາວ,ເປັນລົດທີ່ມີຮູບຊົງ​ສະປອດ ພ້ອມ​ການ​ອອກ​ແບບ​ທີ່​ໂດດ​ເດັ່ນ ແລະ ມີ​ເທັກ​ໂນ​ໂລ​ຊີ​ ຄວາມ​ປອດ​ໄພທີ່ທັນສະ​ໄໝ ທັງ​ເປັນ​ມິດ​ຕໍ່​ສິ່ງ​ແວ​ດລ້ອມ ດ້ວຍ​ນະ​ວັດຕະ​ກຳ Eco Assist ລະບົບ​ຊ່ວຍ​ການ​ຂັບ​ຂີ່​ແບບ​ປະຢັດ​ນ້ຳມັນ ທີ່​ເຮັດ​ໃຫ້​ໃຊ້​ພະລັງງານ​ໄດ້​ຢ່າງ​ມີ​ປະສິດທິພາບ.

ລົດ New Honda HR-V 2018 ຮູບ​ໂສມ​ໃໝ່​ນີ້, ​ແມ່ນມີ​ຄວາມ​ແຮງ 1.8 ລິດ i-VTEC 141 ​ແຮງ​ມ້າ, ພ້ອມ​ລະບົບ​​ເກຣຍ CVT ​ໃໝ່​ ຕອບ​ສະໜອງ​ໄດ້​ດັ່ງ​ໃຈ ກັບ​ລະບົບ​ຄວບ​ຄຸມ​ການ​ປ່ຽນ​ແປງ​ເກຣຍ 7 Speed Paddle Shift, ​ໄຟ​ໜ້າ​ແບບ LED, ​ໄຟ​ທ້າຍ​ແບບ​ເສັ້ນ Tube LED, ມີ​ພື້ນ​ທີ່​ເກັບ​ເຄື່ອງ​ໄດ້​ຫລາຍ ​ແລະ ຊ່ວງ​ລ່າງ​ ມີ​ຄວາມ​ແຂງ​ແກ່ນ ​ເໝາະ​ກັບ​ທຸກ​ສະພາບ​ຖະໜົນ.

ລົດ New Honda HR-V 2018 ຂາຍ​​ໃນ​ລາຄາ 262.100.000 ກີບ ມີ​ໃຫ້​ເລືອກ​ທັງ​ໝົດ 6 ສີ ມີ ສີ​ແດງ​ເພດ​ຊັນ, ສີຂາວ​ ທາ​ເຟດຕ້າ, ສີ​ບອນ​ລູນ່າ, ສີ​ເທົາ​ໂມ​ເດິ​ນ, ສີ​ເທົາ​ຮູດ​ແບັດ ​ແລະ ສີຟ້າ​ສະປອດ. ສໍາລັບລູກ​ຄ້າ​ທ່ານ​ໃດ ທີ່​ຊື້​ລົດ​ New Honda HR-V 2018 ​ຕັ້ງ​ແຕ່​ມື້​ນີ້ ຈົນ​ເຖິງ​ວັນທີ 7 ຕຸລາ 2018 ​ຈະໄດ້ຮັບ​ສ່ວນ​ຫລຸດ ​ເຖິງ 16 ລ້ານ​ກີບ. ບໍ່​ພຽງ​ແຕ່​ເທົ່າ​ນັ້ນ, ທາງ​ບໍລິສັດ ຍັງ​​ແຖມ​ຕິດ​ຟີມ, ນ້ຳມັນ​ເຕັມ​ຖັງ ​ແລະ ອື່ນໆ​ອີກ​ຫລາຍ​ຢ່າງ.

Cr.KPL

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

Latest posts

VietJet ໄດ້ຮັບກຽດເປັນ “ສາຍການບິນທີ່ມີລາຄາຕໍ່າສຸດໃນໂລກ” ອີກຄັ້ງໜຶ່ງໃນປີ 2025

(ນະຄອນຫຼວງວຽງຈັນ, ວັນທີ 13 ກຸມພາ 2025) – VietJet ໄດ້ຮັບການສະເໜີຊື່ອີກຄັ້ງໜຶ່ງໃຫ້ເປັນຜູ້ຊະນະລາງວັນສາຍການບິນລາຄາປະຢັດພິເສດສຳລັບປີ 2025 ໂດຍລາງວັນນີ້ຖືເປັນໝວດໝູ່ລາງວັນສາຍການບິນທີ່ດີທີ່ສຸດຂອງໂລກຈາກ AirlineRatings.com, ເວັບໄຊຄວາມປອດໄພ ແລະ ການຈັດອັນດັບຜະລິດຕະພັນຂອງສາຍການບິນທີ່ໄດ້ຮັບການຍອມຮັບທົ່ວໂລກ.

ປະຢັດຄ່າປີ້ໂດຍສານໄປທ່ຽວປະເທດຫວຽດນາມ ດ້ວຍສ່ວນຫຼຸດ 50% ຂອງ Vietjet.

(ນະຄອນຫຼວງວຽງຈັນ, ວັນທີ 10 ກຸມພາ 2025) – ເລີ່ມຕົ້ນການເດີນທາງທີ່ໜ້າຕື່ນຕາຕື່ນໃຈຂອງລະດູໃບໄມ້ປົ່ງສຳລັບສາຍການບິນ Vietjet ທີ່ເປີດຕົວໂປຣໂມຊັນໃນອາທິດທອງ ເຊິ່ງມີສ່ວນຫຼຸດເຖິງ 50% ທຸກເສັ້ນທາງໃນລະຫວ່າງວັນທີ 10 – 16 ກຸມພາ 2025 ສຳລັບນັກທ່ອງທ່ຽວຈາກລາວທີ່ກຳລັງວາງແຜນຈະມາທ່ຽວຫວຽດນາມ ເພື່ອສຳຜັດທຳມະຊາດທີ່ງົດງາມ, ປະຫວັດສາດອັນຍາວນານ ຫຼື ເມືອງທີ່ມີຄວາມໜ້າຕື່ນຕາຕື່ນໃຈ ເຊິ່ງເໝາະກັບຊ່ວງເວລານີ້ທີ່ຈະວາງແຜນໄປທ່ອງທ່ຽວ.

VietJet ລາຍງານຜົນປະກອບການທຸລະກິດສູງສຸດນັບແຕ່ Covid-19 ໃນປີ 2024

(ນະຄອນຫຼວງວຽງຈັນ, ວັນທີ 07 ກຸມພາ 2025) – VietJet ສໍາເລັດການເຕີບໂຕທາງທຸລະກິດທີ່ໜ້າປະທັບໃຈໃນປີ 2024, ຂະຫຍາຍເຄື່ອຂ່າຍການບິນສາກົນ ແລະ ຝູງເຮືອບິນທີ່ທັນສະໄໝ ຂະນະດຽວກັນກໍ່ຍັງສ້າງລາຍໄດ້ ແລະ ກໍາໄລໃນລະດັບສູງສຸດເປັນປະຫວັດສາດ. ຄວາມສໍາເລັດຢ່າງຕໍ່ເນື່ອງຂອງສາຍການບິນແມ່ນ ບາດກ້າວອັນສໍາຄັນໃນການຟື້ນຕົວ ແລະ ຂະຫຍາຍໂຕຫຼັງຈາກໂລກລະບາດ Covid-19.