ແຂວງບໍລິຄຳໄຊ ເປັນແຂວງໜຶ່ງທີ່ໄດ້ຮັບຜົນກະທົບຈາກໄພນໍ້າຖ້ວມ ຢ່າງຫລວງຫລາຍ ເນື້ອທີ່ດ້ານກະສິກຳ ທາງພາກລັດໄດ້ຊ່ວຍເຫລືອ, ຄວບຄຸມສິນຄ້າອຸປະໂພກ ແລະ ບໍລິໂພກທີ່ຈຳເປັນ 8 ປະເພດສິນຄ້າ ແລະ 23 ລາຍການຢູ່ທ້ອງຕະຫລາດ ບໍ່ໃຫ້ມີການຂຶ້ນລາຄາສິນຄ້າຢ່າງເດັດຂາດ.
ຜ່ານການລົງກວດກາຕົວຈິງຂອງກະຊວງອຸດສາຫະກຳແລະການຄ້າແຂວງ ເຫັນວ່າ ຜູ້ປະກອບການຄ້າ-ຂາຍ ໄດ້ປະຕິບັດຕາມແຈ້ງການກ່ຽວກັບການຄຸ້ມຄອງ ແລະ ຄວບຄຸມລາຄາສີນຄ້າ ໄດ້ເປັນຢ່າງດີ ແລະ ຂາຍຕາມລາຄາຂອງລັດທີ່ໄດ້ກຳນົດຄື: ລາຄາຊີ້ນງົວ 1 ກິໂລ 75.000 ກີບ, ຊີ້ນຄວາຍ 1 ກິໂລ 70.000 ກີບ, ຊີ້ນໝູ 30.000 ກີບ ແລະ ປານິນ 1 ກິໂລ 17.000-18.000 ກີບ, ເຂົ້າສານ 1 ກິໂລ 5.000-7.500 ກີບ, ເຂົ້າ ໜຽວສຸກ 1 ກິໂລ 10.000-15.000 ກີບ, ພືດຜັກສວນຄົວ ແມ່ນລາຄາປົກກະຕິ ຕາມທ້ອງຕະຫລາດທົ່ວໄປ, ສ່ວນປະເພດສິນຄ້າທີ່ນຳເຂົ້າຈາກປະເທດ, ເຄື່ອງວັດສະດຸການກໍ່ສ້າງ ແລະ ອາຫານຕາມສັ່ງຢູ່ຮ້ານອາຫານ ໃນເທສະບານເມືອງປາກຊັນ ແມ່ນລາຄາປົກກະຕິ.
Cr.KPL