ທາງແຂວງໄດ້ເປີດຊຸດອົບຮົມ ການບໍລິການອາຫານສະອາດ ແລະ ປອດໄພ ໃຫ້ແກ່ບັນດາຜູ້ປະກອບການ, ຜູ້ບໍລິການ ຢູ່ບັນດາຮ້ານອາຫານ, ເຮືອນພັກ, ໂຮງແຮມ ແລະ ຣີສອດຕ່າງໆ ທົ່ວເທດສະບານແຂວງ ແນໃສ່ເຮັດໃຫ້ວຽກງານ ການບໍລິການຢູ່ພາຍໃນແຂວງອຸດົມໄຊ ໄດ້ຮັບການພັດທະນາ, ຍົກລະດັບ ທັງດ້ານຄຸນນະພາບ ໃຫ້ນັບມື້ນັບດີ ຂຶ້ນເທື່ອລະກ້າວ.
ເພື່ອຍົກລະດັບທາງດ້ານຄວາມຮູ້, ຄວາມສາມາດ ໃຫ້ແກ່ບັນດາຜູ້ປະກອບການ ແລະ ຜູ້ບໍລິການດ້ານອາຫານ, ຢູ່ບັນດາຮ້ານອາຫານ, ເຮືອນພັກ,ໂຮງແຮມ ແລະ ຣີສອດ ຕ່າງໆທົ່ວແຂວງອຸດົມໄຊ ໃນການບໍລິການອາຫານ ລວມທັງເຄື່ອງດື່ມຕ່າງໆ ທີ່ມີຄວາມສະອາດ ແລະ ປອດໄພ ໃຫ້ແກ່ນັກທ່ອງທ່ຽວ ກໍຄື ບັນດາລູກຄ້າທົ່ວໄປ ແນ່ໃສ່ຮັບ ປະກັນຄວາມພ້ອມ ຂອງພະນັກງານບໍລິການ ໂດຍສະເພາະແມ່ນໃນ ຂະແໜງ ທ່ອງທ່ຽວ ໃຫ້ສາມາດບໍລິການທີ່ມີຄວາມປອດໄພຕໍ່ສຸຂະພາບ ແລະ ເກີດຄວາມປະທັບໃຈແກ່ນັກທ່ອງທ່ຽວ ທັງ ເປັນການຊຸກຍູ້ສົ່ງເສິີມກິດຈະກຳ ປີທ່ອງທ່ຽວລາວ 2018 ອີກດ້ວຍ.
Cr.KPL
Hits: 8
