ເຊີນຊວນເຂົ້າທ່ຽວຊົມ ງານວາງສະແດງລົດນາໆຊາດວຽງຈັນ

ງານ​ວາງ­ສະ­ແດງ​ລົດ​ນາໆຊາດ​ວຽງ​ຈັນ ຄັ້ງ​ທີ 3 ຈັດ​ຂຶ້ນ​ວັນ​ທີ 1 ຕຸ­ລາ 2018 ທີ່​ສູນ​ການ​ຄ້າ​ລາວ-ໄອ​ເຕັກ ນະ­ຄອນ­ຫຼວງ​ວຽງ​ຈັນ ງານນີ້, ຈະ​ດຳ­ເນີນ​ໄປ​ຮອດ​ວັນ​ທີ 7 ຕຸ­ລາ 2018 ພາຍ​ໃຕ້​ແນວ​ຄິດ “ການ​ເດີນ­ທາງ​ທີ່​ຍິ່ງ​ໃຫຍ່​ໃນ​ລາວ” ເຊິ່ງ​ມີ​ຄ້າຍ​ລົດ​ເຂົ້າ​ຮ່ວມ​ວາງ­ສະ­ແດງ 14 ກຸ່ມ ຍີ່­ຫໍ້​ລົດ​ເປັນ­ຕົ້ນ ໂຕ​ໂຢ​ຕາ ນິດ​ສັນ ອີ​ຊູ​ຊຸ ຟອດ ມັສ​ດ້າ ເກຍ ຮຸນ​ໄດ ແລະ ອື່ນໆ ລວມ​ທັງ​ຮ້ານ​ຕົບ­ແຕ່ງ​ລົດ ບໍ­ລິ­ສັດ​ປະ­ກັນ​ໄພ ແລະ ສິນ​ເຊື່ອ ເພື່ອ​ເປັນ​ການ​ຊຸກ­ຍູ້​ສົ່ງ­ເສີມ​ດ້ານ​ເສດ­ຖະ­ກິດ ແລະ ການ​ສ້າງ​ລາຍ​ຮັບ​ເຂົ້າ​ສູ່​ປະ­ເທດ ສ້າງ​ເງື່ອນ­ໄຂ​ໃຫ້​ກຸ່ມ​ບໍ­ລິ­ສັດ ທັງ​ພາຍ​ໃນ ແລະ ຕ່າງ­ປະ­ເທດ ໄດ້​ມີ​ໂອ­ກາດ​ນຳ​ສະ­ເໜີ​ສິນ­ຄ້າ ແລະ ການ​ບໍ­ລິ­ການ​ຂອງ​ຕົນ ເພື່ອ​ສ້າງ​ການ​ຕະ­ຫຼາດ ການ​ເພີ່ມ​ຊ່ອງ​ທາງ​ດ້ານ​ການ­ຈຳ­ໜ່າຍ​ສິນ­ຄ້າ ແລະ ຖານ​ລູກ​ຄ້າ​ໃໝ່ ເປີດ​ກວ້າງ​ໃນ​ການ​ເຮັດ​ທຸ­ລະ​ກິດ​ຮ່ວມ​ກັນ​ຂອງ​ພາກ​ເອ­ກະ​ຊົນ​ພາຍ​ໃນ ແລະ ຕ່າງ­ປະ­ເທດ​ໃຫ້​ຫຼາຍ​ຂຶ້ນ.

ພາຍ​ໃນ​ງານ​ໄດ້​ຈັດ​ໃຫ້​ມີ​ຫຼາຍ​ກິດ­ຈະ­ກຳ ເຊັ່ນ ຈະ​ໄດ້​ບັດ​ຊີງ​ໂຊກ​ລຸ້ນ​ຮັບ​ຂອງ​ລາ­ງວັນ ສາຍ​ຄໍ​ຄຳ ໂທລະ­ສັບ​ມື​ຖື ຫົວ​ເຫວີຍ P20 Samsung Galaxy Note 9 ແລະ ລາ­ງວັນ​ອື່ນໆ.

Cr.KPL
ຮູບ​ປະ​ກອບ: https://i2.wp.com/