ເນື່ອງໃນໂດກາດວັນສັກຢາກັນພະຍາດສັດແຫ່ງຊາດ 11 ພະຈິກ ປະຈໍາປີ 2018, ມື້ນີ້ ທີ່ພະແນກກະສິກໍາ ແລະ ປ່າໄມ້ ນະຄອນຫຼວງວຽງຈັນ ສົມທົບກັບເມືອງສີໂຄດຕະບອງ ຈັດພິທີສ້າງຂະບວນການສັກຢາກັນພະຍາສັດ ທີ່ບ້ານໃໝ່ ເມືອງສີໂຄດຕະບອງ ໂດຍການເຂົ້າຮ່ວມຂອງ ທ່ານ ລຽນ ທິແກ້ວ ລັດຖະມົນຕີ ກະຊວງກະສິກໍາ ແລະ ປ່າໄມ້, ທ່ານ ນາງ ພູວຽງ ແກ້ວວົງວິຈິດ ເຈົ້າເມືອງສີໂຄດຕະບອງ ພ້ອມດ້ວຍພະນັກງານວິຊາການສັດຕະວາແພດ ຄູອາຈານ ນັກຮຽນ ແລະພໍ່ແມ່ປະຊາຊົນເຂົ້າຮ່ວມ.
ທ່ານ ຫຼ້າສາຍ ນວນທາສິງ ຫົວໜ້າ ພະແນກກະສິກໍາ ແລະປ່າໄມ້ ນະຄອນຫຼວງວຽງຈັນ ກ່າວວ່າ: ຂະບວນການສັກຢາກັນພະຍາດສັດໄດ້ຈັດຕັ້ງປະຕິບັດມາແຕ່ປີ 2008 ເປັນຕົ້ນມາ ສະເພາະປີ 2017 ຂະບວນການສັກຢາກັນພະຍາດສັດ ຂອງປະຊາຊົນພາຍ ໃນນະຄອນຫຼວງວຽງຈັນ ສາມາດສັກຢາກັນພະຍາດເຕົ້າໂຮມເລືອດ, ພະຍາດໄຂ້ບວມ, ພະຍາກປາກເປື່ອຍລົງເລັບ, ພະຍາດອະຫິວາໝູ, ພະຍາດວໍ້, ພະຍາດອະຫິວາສັດປີກ ແລະ ພະຍາດນີວຄາເຊີນ ໃນນີ້ ມີຄວາມ 7.071 ໂຕ, ງົວ 44.521 ໂຕ, ແບ້ 5.256 ໂຕ, ໝູ 141.885 ໂຕ, ໝາ 22.256 ໂຕ ແລະ ສັດປີກ 1.773.313 ໂຕ, ຊຶ່ງການສັກຢາກັນພະຍາດສັດ ໃນທົ່ວນະຄອນຫຼວງວຽງຈັນ ປະຕິບັດໄດ້ 74,53% ຂອງຝູງສັດ.
ສໍາລັບ ສັດລ້ຽງທີ່ລ້ຽງແບບເປັນຟາມຜະລິດເປັນສິນຄ້າແມ່ນສັກໄດ້ 100% ແລະ ໄດ້ສ້າງຂະບວນການສັກຢາກັນພະຍາດສັດລ້ຽງ (ຫຼັງນໍ້າຖ້ວມ) ຢູ່ເມືອງໄຊທານີ, ຫາດຊາຍຟອງ ແລະ ເມືອງປາກງື່ມ ໄດ້ຈໍານວນ 3.639 ໂຕ, ປະຈຸບັນ ຍັງສືບຕໍ່ສັດຢາດັ່ງກ່າວຢູ່ເມືອງນາຊາຍທອງ ແລະເມືອງສັງທອງ.
ທາບທາມຄໍາເຫັນໃສ່ ຮ່າງຂໍ້ຕົກລົງ ກ່ຽວກັບ ເຄື່ອງໝາຍການຄ້າ ແລະຊື່ການຄ້າ.