ຫວ່າງບໍ່​ດົນ​ມານີ້, ທີ່ ແຂວງຊຽງຂວາງ ອົງການກາແດງລາວ ໄດ້ຈັດກອງປະ ຊຸມ ເຜີຍແຜ່ກົດໝາຍວ່າດ້ວຍ ວຽກງານກາແດງ, ທີ່ໄດ້ດຳເນີນຈັດຕັ້ງປະຕິບັດມາແຕ່ ຕົ້ນເດືອນກໍລະກົດ 2018, ທີ່ນະຄອນຫລວງວຽງຈັນ, ນະຄອນປາກເຊ, ນະຄອນຫລວງພະບາງ ແລະ ແຂວງຊຽງຂວາງ, ພ້ອມດ້ວຍພາກສ່ວນທີ່ກ່ຽວຂ້ອງ ເຂົ້າຮ່ວມ.

ກອງປະຊຸມດັ່ງກ່າວ, ໂດຍການເປັນປະທານ ຂອງ ທ່ານ ຄໍາຮຸ່ງ ເຮືອງວົງສີ ປະທານອົງ ການກາແດງລາວ, ມີ ທ່ານ ບົວສອນ ສີນວນທອງ ຮອງເລຂາພັກແຂວງ, ຮອງເຈົ້າແຂວງໆ ຊຽງຂວາງ, ປະທານອົງການກາແດງ ແຂວງຊຽງຂວາງ, ມີຜູ້ຕາງໜ້າ ຈາກຄະນະກຳມະການ ກາແດງສາກົນ ແລະ 6 ແຂວງ ໃນທົ່ວປະເທດ ມີ ນະຄອນຫລວງວຽງຈັນ, ຄໍາມ່ວນ, ໄຊສົມບູນ, ແຂວງວຽງຈັນ, ຊຽງຂວາງ ແລະ ແຂວງຫົວພັນ.

ໃນໂອກາດດັ່ງກ່າວ, ທ່ານ ຄຳຮຸ່ງ ເຮືອງວົງສີ ໄດ້ຮຽກຮ້ອງມາຍັງ ທຸກພາກສ່ວນກ່ຽວຂ້ອງ ທີ່ເຂົ້າຮ່ວມກອງປະຊຸມໃນຄັ້ງນີ້, ຈົ່ງນຳເອົາເນື້ອໃນຈິດໃຈ ກົດໝາຍສະບັບດັ່ງກ່າວ ນຳໄປຈັດຕັ້ງເຜີຍແຜ່ ໃຫ້ສັງຄົມໄດ້ຮັບຮູ້ ແລະ ມີຄວາມເຂົ້າໃຈຢ່າງເລີກເຊິ່ງ.ກອງປະຊຸມດັ່ງກ່າວ, ໄດ້ດຳເນີນເປັນເວລາເຄິ່ງວັນ ແລະ ອັດລົງດ້ວຍຜົນສຳເລັດ, ໂດຍການສະໜັບສະໜູນ ຈາກຄະນະກຳມະການກາແດງສາກົນ ແລະ ສະຫະພັນກາແດງ.

ບ່ອນສະແດງໂຄສະນາ


ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

#insidelaos

#ອິນ​ໄຊ​ລາວ

Cr.KPL

Hits: 6

LEAVE A REPLY

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້