Monday, July 22, 2024
Lenovo

ເລີ່ມ​ແລ້ວ! ທາງ​ແຂວງ ໄຊຍະບູລີ ກະກຽມງານມະຫາກໍາບຸນຊ້າງ ຄັ້ງທີ 13 ປະຈໍາປີ 2019

ໃນຕອນເຊົ້າຂອງວັນທີ 11 ທັນວາ 2018 ນີ້, ທີ່ຫ້ອງປະຊຸມຫ້ອງວ່າການແຂວງ ໄຊຍະບູລີ, ໄດ້ຈັດກອງປະຊຸມປຶກສາຫາລືກະກຽມງານມະຫາກໍາບຸນຊ້າງ ຄັ້ງທີ 13 ປະຈໍາປີ 2019, ໂດຍການເປັນປະທານຂອງ ທ່ານ ຍັນຍົງ ສີປະເສີດ ຮອງເລຂາພັກແຂວງ, ຮອງເຈົ້າແຂວງ ໄຊຍະບູລີ, ເຂົ້າຮ່ວມມີບັນດາຄະນະປະຈຳພັກແຂວງ, ກໍາມະການພັກແຂວງ, ມີຫົວໜ້າ, ຮອງຫົວໜ້າພະແນກການ, ກົມກອງ ແລະ ພະນັກງານວິຊາການທີ່ກ່ຽວຂ້ອງເຂົ້າຮ່ວມ 30 ກວ່າຄົນ.


ໃນກອງປະຊຸມ ທ່ານ ບຸນທັນ ເພັງສະກຸນ ຮອງຫົວໜ້າຫ້ອງວ່າການແຂວງ ໄດ້ຂຶ້ນຜ່ານຂໍ້ຕົກລົງຂອງທ່ານເຈົ້າແຂວງ ໄຊຍະບູລີ ສະບັບເລກທີ 1280/ຈຂ.ຊຍ, ລົງວັນທີ 7 ທັນວາ 2018 ວ່າດ້ວຍ ການແຕ່ງຕັ້ງຄະນະຮັບຜິດຊອບຊີ້ນໍາການກະກຽມ ແລະ ຈັດງານມະຫາກໍາບຸນຊ້າງໄຊຍະບູລີ ປະຈໍາປີ 2019 ຈໍານວນ 22 ທ່ານ ແລະ ຮ່າງຂໍ້ຕົກລົງຂອງທ່ານ ຮອງເຈົ້າແຂວງ ວ່າດ້ວຍການແບ່ງຄວາມຮັບຜິດຊອບໃຫ້ຄະນະກະກຽມ ແລະ ຈັດງານມະຫາກໍາບຸນຊ້າງໄຊຍະບູລີປະຈໍາປີ 2019 ຈໍານວນ 17 ທ່ານ, ເຊິ່ງແຕ່ລະທ່ານທີ່ຖືກແຕ່ງຕັ້ງ ມີສິດ ແລະ ໜ້າທີ່ຄື: ຈັດກອງປະຊຸມປຶກສາຫາລື ແລະ ສ້າງແຜນເຄື່ອນໄຫວຂອງຄະນະຮັບຜິດຊອບຊີ້ນໍາການກະກຽມເປັນແຕ່ລະໄລຍະ ເພື່ອລາຍງານຄວາມຄືບໜ້າຂອງບັນດາກິດຈະກໍາ, ກໍານົດຕາຕະລາງການຈັດງານບຸນດັ່ງກ່າວ, ອອກແບບໂລໂກງານມະຫາກໍາບຸນຊ້າງ, ກະກຽມເຮັດບົດຖະແຫຼງຂ່າວ, ບົດກ່າວຈຸດປະສົງ, ບົດລາຍງານການກະກຽມບຸນຊ້າງ, ບົດກ່າວເປີດ-ກ່າວປິດ, ບົດກ່າວງານລ້ຽງ, ບົດສະຫຼຸບລາຍງານຜົນສໍາເລັດ ຂອງການກະກຽມ ແລະ ຈັດງານມະຫາກໍາບຸນຊ້າງ ຄັ້ງທີ 13 ປີ 2019.

ກໍານົດມື້ຖະແຫຼງຂ່າວງານມະຫາກໍາບຸນຊ້າງ, ອອກແບບໃນການປະດັບປະດາເວທີໃຫ້ມີຄວາມສວຍງາມ ແລະ ມີຄວາມໝາຍ, ຄົ້ນຄົ້ວ ແລະ ອອກແບບຂອງທີ່ລະນຶກ, ກໍານົດແຂກພາຍໃນ ແລະ ຕ່າງປະເທດ ພ້ອມທັງຮັບຜິດຊອບແຂກພາຍໃນເຊັ່ນ: ແຂກຂັ້ນສູນກາງ ແລະ ແຂກຕ່າງແຂວງ, ກໍານົດບັນດາໜ້າວຽກ ແລະ ເປັນໃຈກາງປະສານງານກັບແຕ່ລະຄະນະ ເພື່ອສັງລວມຂໍ້ມູນຄວາມຄືບໜ້າຂອງບັນດາກິດຈະກໍາຕ່າງໆ, ກໍານົດ ແລະ ຄົ້ນຄົ້ວເຮັດບັດຄ້ອງຄໍແຂກ VIP, ແຂກທົ່ວໄປ, ບັດຄະນະກໍາມະການ, ບັດຕິດລົດ, ບັດເຊີນ, ກໍານົດປ້າຍຕ້ອນຮັບ-ປ້າຍໂຄສະນາຕ່າງໆພາຍໃນງານ ແລະ ເທດສະບານເມືອງ.

ຈາກນັ້ນບັນດາຜູ້ເຂົ້າຮ່ວມກອງປະຊຸມແມ່ນໄດ້ປະກອບຄໍາຄິດຄໍາເຫັນ ແລະ ປືກສາຫາລືວຽກງານກິດຈະກໍາຕ່າງໆຢ່າງກົງໄປກົງມາ, ທັງນີ້ກໍ່ເພື່ອຮັບປະກັນເຮັດໃຫ້ການຈັດງານມະຫາກໍາບຸນຊ້າງປະຈໍາປີ 2019 ນີ້ໃຫ້ໄດ້ຮັບຜົນສໍາເລັດອັນຈົບງາມ ແລະ ມີຄວາມສະຫງົບປອດໄພທຸກປະການ.

ທີ່​ມາ: facebook.com/784400561907172

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.