Monday, July 15, 2024
Lenovo

ສປ​ປ​ລາວ ຈະ​​ມີ​ກົດ​ໝາຍຫຼາຍ​ຂຶ້ນ! ຮອດ​ປີ 2019 ໃຫ້ໄດ້ 23 ສະບັບ

ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ​ທີ 6 ຂອງ​ສະ­ພາ​ແຫ່ງ​ຊາດ ຊຸດ​ທີ VIII ທ້າຍ​ອາ​ທິດ​ຜ່ານ​ມານັ້ນ, ພາຍ​ໃຕ້​ການ​ເປັນ​ປະ­ທານ​ຂອງ​ທ່ານ​ນາງ ປາ­ນີ ຢາ​ທໍ່​ຕູ້ ປະ­ທານ​ສະ­ພາ​ແຫ່ງ​ຊາດ ມີ​ຮອງ​ປະ­ທານ ຄະ­ນະ​ປະ­ຈຳ​ສະ­ພາ​ແຫ່ງ​ຊາດ ບັນ­ດາ​ທ່ານ​ລັດ­ຖະ­ມົນ­ຕີ ແລະ ສະ­ມາ­ຊິກ​ສະ­ພາ​ແຫ່ງ​ຊາດ (ສສຊ) ເຂົ້າ​ຮ່ວມ.

ກອງ​ປະ­ຊຸມ​ໄດ້​ຮັບ​ຟັງ​ບົດ​ລາຍ​ງານ ກ່ຽວ​ກັບ​ການ­ເຄື່ອນ­ໄຫວ​ວຽກ​ງານ​ຂອງ​ສະ­ພາ​ແຫ່ງ​ຊາດ ຊຸດ​ທີ VIII ກາງ​ສະ­ໄໝ (2016-2018) ປີ 2018 ທິດ​ທາງ​ຮອດ​ກອງ​ປະ­ຊຸມ​ຄັ້ງ​ປະ­ຖົມ​ມະ­ລຶກ​ຂອງ​ສະ­ພາ​ແຫ່ງ​ຊາດ ຊຸດ​ທີ IX ແລະ ແຜນ​ວຽກ​ຈຸດ​ສຸມ ປະ­ຈຳ​ປີ 2019 ໂດຍ​ທ່ານ​ນາງ ສີ­ໃສ ລື​ເດດ​ມູນ​ສອນ ຮອງ​ປະ­ທານ​ສະ­ພາ​ແຫ່ງ​ຊາດ ໄດ້​ກ່າວ​ວ່າ: ຜ່ານ​ການ­ຈັດ­ຕັ້ງ​ປະ­ຕິ­ບັດ​ແຜນ​ດັ່ງ­ກ່າວ ສາ­ມາດ​ຮັບ­ຮອງ​ກົດ­ໝາຍ​ໄດ້ 63 ສະ­ບັບ ເທົ່າ​ກັບ 60% ຂອງ​ແຜນ­ການ 5 ປີ ໃນ​ນີ້ ກົດ­ໝາຍ​ສ້າງ​ໃໝ່ 27 ສະ­ບັບ ເທົ່າ​ກັບ 54% ປີ 2018 ສ້າງ ແລະ ປັບ­ປຸງ​ກົດ­ໝາຍ​ໄດ້ 21 ສະ­ບັບ ກວມ​ເອົາ 95,45% ຂອງ​ແຜນ­ການ ໃນ​ນີ້ ກົດ­ໝາຍ​ສ້າງ​ໃໝ່ 15 ສະ­ບັບ ກົດ­ໝາຍ​ປັບ­ປຸງ 6 ສະ­ບັບ ໄດ້​ຮັບ​ການ​ສະ­ເໜີ​ໃຫ້​ຕີ​ຄວາມ​ໝາຍ​ຂອງ​ມາດ­ຕາ​ກົດ­ໝາຍ 20 ບັນ­ຫາ ຈາກ​ກະ­ຊວງ-ອົງ­ການ ຜ່ານ​ການ​ຄົ້ນ­ຄວ້າ​ຂອງ​ພາກ­ສ່ວນ​ກ່ຽວ­ຂ້ອງ 14 ສະ­ບັບ ບໍ່​ໄປ​ຕາມ​ຂັ້ນ​ຕອນ ນອກ​ນີ້ ກໍ່​ໄດ້​ເອົາ­ໃຈ­ໃສ່​ປະ­ສານ​ສົມ­ທົບ​ກັບ​ພາກ­ສ່ວນ​ກ່ຽວ­ຂ້ອງ ພິ­ຈາ­ລະ­ນາ​ຕໍ່​ຄຳ​ສະ­ເໜີ ຄຳ​ຮ້ອງ­ທຸກ​ຂໍ​ຄວາມ​ເປັນ​ທຳ​ຂອງ​ພົນ­ລະ­ເມືອງ ໄລ­ຍະ​ເກືອບ 3 ປີ­ຜ່ານ­ມາ ສາ­ມາດ​ພິ­ຈາ­ລະ­ນາ​ແກ້​ໄຂ​ດ້ວຍ​ຮູບ​ການ​ຕ່າງໆ​ໄດ້ 2.086 ເລື່ອງ ກວມ​ເອົາ 91,77% ຂອງ​ຈຳ­ນວນ​ຄຳ​ສະ­ເໜີ ຄຳ​ຮ້ອງ­ທຸກ​ທັງ​ໝົດ ຊີ້​ນຳ ກຳ­ມາ​ທິ​ການ ຄະ­ນະ​ເລ­ຂາ­ທິ­ການ​ສະ­ພາ​ແຫ່ງ​ຊາດ ແລະ ຂະ­ແໜງ­ການ​ກ່ຽວ­ຂ້ອງ ພິ­ຈາ­ລະ­ນາ​ຄຳ​ຄິດ​ເຫັນ​ຂອງ​ປະ­ຊາ­ຊົນ ຕິດ­ຕາມ​ກວດ­ກາ​ວຽກ​ງານ​ຈຳ­ນວນ​ໜຶ່ງ ຕາມ​ພາ­ລະ​ບົດ­ບາດ​ຂອງ​ແຕ່​ລະ​ພາກ­ສ່ວນ ເປັນ­ຕົ້ນ ຕິດ­ຕາມ​ກວດ­ກາ​ຢູ່​ດ່ານ​ສາ­ກົນ ການ​ຍົກ­ຍ້າຍ​ພູມ­ລຳ­ເນົາ ການ​ແຕ່ງ­ງານ​ບໍ່​ຖືກ­ຕ້ອງ​ຕາມ​ກົດ­ໝາຍ ຢູ່​ບາງ​ແຂວງ​ລຽບ​ຕາມ​ຊາຍ​ແດນ ການ​ຄຸ້ມ​ຄອງ​ໂຮງ­ຮຽນ​ກິນ­ນອນ​ຊົນ­ເຜົ່າ ວຽກ​ງານ​ສາ­ສະ­ໜາ ການ​ປະ­ຕິ­ບັດ​ສິດ­ຜົນ­ປະ­ໂຫຍດ​ຂອງ​ແມ່­ຍິງ-ເດັກ­ນ້ອຍ ພິ­ຈາ­ລະ­ນາ​ແກ້​ໄຂ​ຄວາມ​ຮ້ອງ​ຂໍ​ຄວາມ​ເປັນ​ທຳ​ໄດ້ 488 ເລື່ອງ ກວມ​ເອົາ 54,28% ຂອງ​ຈຳ­ນວນ​ຄຳ​ຮ້ອງ​ທັງ​ໝົດ ແລະ ອື່ນໆ.

 ສຳ­ລັບ​ແຜນ​ຈຸດ​ສຸມ​ປີ 2019 ຂອງ​ສະ­ພາ​ແຫ່ງ​ຊາດ ຈະ​ສ້າງ ແລະ ປັບ­ປຸງ​ກົດ­ໝາຍ​ໃຫ້​ໄດ້ 23 ສະ­ບັບ ໃນ​ນີ້​ກົດ­ໝາຍ​ສ້າງ​ໃໝ່ 10 ສະ­ບັບ ກົດ­ໝາຍ​ປັບ­ປຸງ 13 ສະ­ບັບ ຮຽບ​ຮຽງ​ກົດ­ໝາຍ​ທີ່​ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ​ທີ 6 ຮັບ­ຮອງ​ເອົາ ໃຫ້​ສາ­ມາດ​ປະ­ກາດ​ໃຊ້​ທັນ​ກຳ­ນົດ​ເວ­ລາ ສູ້​ຊົນ​ຕີ​ຄວາມ​ໝາຍ​ກົດ­ໝາຍ 4 ບັນ­ຫາ​ໃຫ້​ສຳ­ເລັດ ຄົ້ນ­ຄວ້າ​ການ​ໃຫ້​ສັດ­ຕະ­ຍາ­ບັນ​ສົນ­ທິ­ສັນ­ຍາ ແລະ ສັນ­ຍາ​ສາ­ກົນ​ໃຫ້​ໄດ້​ຮັບ​ຄຸ­ນະ­ພາບ ທັນ​ເວ­ລາ ສືບ­ຕໍ່​ກັບ​ພາກ­ສ່ວນ​ກ່ຽວ­ຂ້ອງ ໃນ​ການ­ຈັດ­ຕັ້ງ​ໂຄ­ສະ­ນາ​ເຜີຍ­ແຜ່​ກົດ­ໝາຍ ນິ­ຕິ​ກຳ​ໃຕ້​ກົດ­ໝາຍ​ໃຫ້​ສັງ­ຄົມ​ຮັບ​ຮູ້​ຢ່າງ​ກວ້າງ­ຂວາງ ສອດ­ຄ່ອງ​ກັບ​ແຕ່​ລະ​ເປົ້າ​ໝາຍ ແລະ ອື່ນໆ ພາຍ­ຫຼັງ​ໄດ້​ຮັບ​ຟັງ​ບົດ​ລາຍ​ງານ​ພ້ອມ​ທັງ​ຄຳ​ຖາມ​ເຈາະ​ຈີ້ມ ແລະ ໃຫ້​ທິດ​ຊີ້​ນຳ​ໃນ​ການ​ປະ­ກອບ​ຄຳ​ເຫັນ​ແລ້ວ ສສຊ ແຕ່​ລະ​ເຂດ ກໍ່​ໄດ້​ຜັດ­ປ່ຽນ​ກັນ​ຂຶ້ນ​ປະ­ກອບ​ຄຳ​ຄິດ​ເຫັນ​ຕໍ່​ບົດ​ລາຍ​ງານ​ດັ່ງ­ກ່າວ ຢ່າງ​ກົງ​ໄປ​ກົງ​ມາ ແລະ ມີ​ຈຸດ​ສຸມ.

ທີ່​ມາ​: ຂ​ປ​ລ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.

ສາຍການບິນ Vietjet ບັນລຸ​ຂໍ້​ຕົກລົງ ​ຍົກລະດັບ​ການ​ເຊື່ອມ​ຕໍ່​ການ​ຂົນ​ສົ່ງ​ທາງ​ອາກາດ ລະຫວ່າງ ສປປ ລາວ ແລະ ສສ ຫວຽດນາມ

(ນະຄອນຫຼວງວຽງຈັນ, ວັນທີ 11 ກໍລະກົດ 2024) - ກະຊວງໂຍທາທິການ ແລະ ຂົນສົ່ງປະຈຳ ສປປ ລາວ ແລະ ສາຍການບິນ Vietjet ປະກາດຂໍ້ຕົກລົງເພີ່ມທະວີການເຊື່ອມຕໍ່ການຂົນສົ່ງທາງອາກາດລະຫວ່າງ ປະເທດລາວ-ຫວຽດນາມ.

Sky Connections ໄດ້ຂະຫຍາຍ: ເສັ້ນທາງໃໝ່ຂອງສາຍການບິນ Vietjet ໃນທົ່ວປະເທດຈີນ ແລະ ເກົາຫຼີໃຕ້

(ນະຄອນຫຼວງວຽງຈັນ, ວັນທີ 08 ກໍລະກົດ 2024) –  ສາຍການບິນ Vietjet ໄດ້ສ້າງບາດກ້າວຄັ້ງໃໝ່ໃນການເຊື່ອມຕໍ່ສາຍການບິນຜ່ານ ພາກພື້ນອາຊີປາຊີຟິກ ດ້ວຍ​ການ​ເປີດ​ບໍລິການ​ໂດຍ​ກົງ​ແຫ່ງ​ທຳ​ອິດ ​ທີ່​ເຊື່ອມ​ຕໍ່​ ນະຄອນໂຮຈີ​ມິນ ​- Xi'an (ຈີນ) ​ແລະ ການ​ປະກາດ​ເສັ້ນທາງ Nha Trang - Daegu (ສ.​ເກົາຫຼີ),