ມີຫລັກຖານທາງພຸດທະສາສະໜາ ເລື່ອງອົງຄຸລິມານ ທີ່ເຮັດບາບກຳທີ່ໜັກທີ່ສຸດ! ແລະແລ້ວສຸດທ້າຍຂອງຊີວິດກໍຈົບລົງດ້ວຍແບບນີ້.
ອົງຄຸລິມານ : ເປັນຜູ້ສ້າງບາບກຳຫລາຍທີ່ສຸດ ດ້ວຍການຫລົງເຊື່ອນຳໄສຍະເວດ ແລະໝໍມໍໝໍທວຍ ວ່າເຂົາຈະມີລິດເດດ, ອະພິນິຫານຍິ່ງໃຫຍ່ ຖ້າເຂົາສາມາດຂ້າຄົນໄດ້ຮ້ອຍຄົນ ແລ້ວເຂົາກໍນຳຫາຂ້າຄົນໂດຍບໍ່ຢ້ານກົວ ເມື່ອຂ້າຜູ້ໃດແລ້ວ, ກໍຕັດເອົານີ້ວມືນີ້ວໜຶ່ງມາຫ້ອຍເຮັດເປັນພວງແຂວນຄໍ ເມື່ອຂ້າໄດ້ 99 ຄົນແລ້ວ ເຂົາກໍຄິດຂ້າແມ່ຕົນເອງ ເພື່ອໃຫ້ຈຳນວນຄົບຮ້ອຍ. ພໍດີເຊົ້າມື້ນັ້ນ, ໃນການພາວະນາສົ່ງກະແສຈິດ ພະພຸດທະເຈົ້າສ່ອງຍານເຫັນອົງຄຸລິມານ ແລະຮູ້ວ່າເຂົາຈະທຳບາບກຳ ອັນມະຫາສານ ພະອົງຈຶ່ງໄປສວນທາງເຂົາ ພໍແຕ່ເຂົາເຫັນພະອົງ ເຂົາກໍດີ ໃຈຊິໄດ້ຂ້າຄົນຜູ້ທີຮ້ອຍ ໂດຍບໍ່ຈຳເປັນຕ້ອງຂ້າແມ່ເຈົ້າຂອງ ແລ້ວເຂົາກໍຖືດາບແລ່ນໄລ່ພະອົງ ແຕ່ໄລ່ແນວໃດກໍບໍ່ທັນ ຈົນວ່າອິດວ່າເມື່ອຍໝົດເຮື່ອໝົດແຮງ. ເມື່ອນັ້ນ, ພະອົງຈຶ່ງຫັນໜ້າມາອົບຮົມ, ເທດສະ ໜາທຳໃຫ້ເຂົາຟັງ ແລ້ວເຂົາກໍກັບໃຈເປັນຄົນດີ ແລະເຂົ້າບວດເປັນພະພິກຂຸ ປະຕິບັດຕົນດີ ຈົນສຳເລັດເປັນພະອໍລະຫັນ.
ເຖິງວ່າຈະສຳເລັດເປັນພະອໍລະຫັນແລ້ວ, ເວນກຳທີ່ພະອົງຄຸລິມານໄດ້ສ້າງໄວ້ແຕ່ປາງກ່ອນນັ້ນ ກໍກັບຄືນມາສະໜອງຄືວ່າ ມີຄົນມາທຸບຕີຈົນຮ່າງກາຍຈົນມຸ່ນ.