ໂຄງການກໍ່ສ້າງທາງດ່ວນນະຄອນຫລວງວຽງຈັນ-ວັງວຽງ ໄດ້ເລີ່ມລົງມືກໍ່ສ້າງແລ້ວ ເຊິ່ງເລີ່ມຈາກໄລຍະທາງ 109,12 ກິໂລແມັດ, ໂດຍໄດ້ແບ່ງທີມ ກໍ່ສ້າງອອກເປັນ 7 ພາກສ່ວນ. ປັດຈຸບັນແມ່ນກໍາລັງນໍາເຄື່ອງກົນຈັກໝັກເຂົ້າສະໜາມ.
ຜູ້ຮັບຜິດຊອບຈາກກະຊວງໂຍທາທິການ ແລະ ຂົນສົ່ງ ໃຫ້ຮູ້ວ່າ: ໂຄງການກໍ່ສ້າງທາງດ່ວນດັ່ງກ່າວ ແມ່ນນອນໃນໂຄງການທາງດ່ວນລາວ-ຈີນ ທີ່ມີຈຸດເລີ່ມແຕ່ ນະຄອນຫລວງວຽງຈັນ-ບໍ່ເຕັນ ແຂວງຫລວງນໍ້າທາ ຊາຍແດນສປ ຈີນ ໂດຍຜ່ານ 4 ແຂວງຄື: ນະຄອນຫລວງວຽງຈັນ, ແຂວງວຽງຈັນ, ຫລວງພະບາງ, ອຸດົມໄປ ແລະ ຫລວງນໍ້າທາ.
ສະເພາະການກໍ່ສ້າງໄລຍະທໍາອິດແມ່ນຈະສ້າງແຕ່ ນະຄອນຫລວງວຽງຈັນ-ວັງວຽງ ທີ່ມີຄວາມຍາວ 109,12 ກິໂລແມັດ, ກວ້າງ 23 ແມັດ ແລະ ມີແລວໄປ-ກັບ ເຊິ່ງເປັນການລົງທຶນຂອງກຸ່ມບໍລິສັດກໍ່ສ້າງແຂວງຢຸນນານ ໃນຮູບແບບ (BOT) ຕາມແຜນການແມ່ນຈະໃຊ້ເວລາໃນການກໍ່ສ້າງ 3 ປີ ໃຫ້ສໍາເລັດ.
ທ່ານໃຫ້ຮູ້ຕື່ມວ່າ: ປັດຈຸບັນບໍລິສັດຮັບເໝົາກໍ່ສ້າງແມ່ນໄດ້ແບ່ງທີມງານ ປະຈໍາແຕ່ລະຈຸດໃນໄລຍະການກໍ່ສ້າງແຕ່ນະຄອນຫລວງວຽງຈັນ-ວັງວຽງ ເຊິ່ງປັດຈຸບັນແມ່ນກໍາລັງບຸກເບີກແລວເສັ້ນທາງ, ອະນາໄມໜ້າທາງ ແລະ ຂຸ້ນຂ້ຽວເອົາກົນຈັກໜັກເຂົ້າພາກສະໜາມ ເພື່ອດໍາເນີນການກໍ່ສ້າງໃຫ້ບັນລຸຕາມແຜນທີ່ວາງໄວ້.
ທີ່ມາ: ໜສພ ລາວພັດທະນາ
ທ່ານໃຫ້ຮູ້ຕື່ມວ່າ: ປັດຈຸບັນບໍລິສັດຮັບເໝົາກໍ່ສ້າງແມ່ນໄດ້ແບ່ງທີມງານ ປະຈໍາແຕ່ລະຈຸດໃນໄລຍະການກໍ່ສ້າງແຕ່ນະຄອນຫລວງວຽງຈັນ-ວັງວຽງ ເຊິ່ງປັດຈຸບັນແມ່ນກໍາລັງບຸກເບີກແລວເສັ້ນທາງ, ອະນາໄມໜ້າທາງ ແລະ ຂຸ້ນຂ້ຽວເອົາກົນຈັກໜັກເຂົ້າພາກສະໜາມ ເພື່ອດໍາເນີນການກໍ່ສ້າງໃຫ້ບັນລຸຕາມແຜນທີ່ວາງໄວ້.
ທີ່ມາ: ໜສພ ລາວພັດທະນາ
