1.ໄຫວ້ເຈົ້າ, ໄຫວ້ບັນພະບູລຸດ ແລະໄຫວ້ຜີ ທີ່ບໍ່ມີຍາດ
ວັນຊາຈັ໊ບ ໃນຕອນເຊົ້າຫຼັງຈາກໄຫວ້ເຈົ້າໃນບ້ານ ຄື “ຕີຈູເອ້ຍ” ໄຫວ້ບັນພະບູລຸດແລ້ວ ໃນຕອນບ່າຍຈຶ່ງໄຫວ້ຜີທີ່ບໍ່ມີຍາດ ເຊິ່ງຂອງໄຫວ້ກໍມີອາຫານຄາວ-ຫວານ ລວມທັງເປັດ-ໄກ່ ຫຼາຍຫຼືນ້ອຍນັ້ນ,ແລ້ວແຕ່ຖານະຂອງຜູ້ໄຫວ້ ແລະມີຈຳພວກເຄື່ອງກະປ໋ອງ, ເຂົ້າສານ, ເກືອ ເພື່ອໃຫ້ຜີບໍ່ມີຍາດເຫຼົ່ານັ້ນ ເອົາຕິດໂຕໄປນຳພ້ອມ. ນອກຈາກນີ້, ຍັງຕ້ອງຈູດແນວໄຕ້ 2 ອັນພ້ອມ ເວລາໄຫວ້ແລ້ວຈະຕ້ອງຈູດໝາກກະໂພກ ແລ້ວຫວ່ານເຂົ້າສານປະສົມເກືອ ເພື່ອຂັບໄລ່ສິ່ງບໍ່ດີໃຫ້ໝົດໄປ.
2. ລວມຍາດພີ່ນ້ອງກິນກ໋ຽວ
ຄວາມສຳຄັນອີກອັນໜຶ່ງ ຂອງບຸນກຸດຈີນຄື ເປັນວັນລວມຍາດພີ່ນ້ອງ ທຸກໆຄົນຈະເດີນທາງມາຮ່ວມກິນກ໋ຽວ ທີ່ໂຕະດຽວກັນ ໃນວັນຊາຈັ໋ບມື້ສຸດທ້າຍກ່ອນຂຶ້ນປີໃໝ່ ແລະທີ່ຕ້ອງກິນອາຫານເຍື່ອງນີ້ ກໍເພາະລັກສະນະຂອງມັນ ຄ້າຍຄືກັບເງິນຂອງຈີນ ມີຄວາມໝາຍວ່າ ໃຫ້ມັ່ງມີເງິນຄຳ.
3.ກິນເຈຕອນເຊົ້າ ຄືມື້ທຳອິດຂອງປີ
ຄົນຈີນຈະພາກັນກິນເຈໃນມື້ທຳອິດຂອງປີ ເຊື່ອກັນວ່າ ຈະໄດ້ບຸນຄືກັບກິນເຈຕະຫຼອດທັງປີ.
4.ທຳພິທີຮັບ “ໄຊ່ຊິງເອ້ຍ”.
ໄຊ່ຊິງເອ້ຍ ເປັນເທບພິທັກຊັບ ຫຼືເທບພະເຈົ້າແຫ່ງໂຊກລາບ ສ່ວນໃຫຍ່ແລ້ວຈະເຮັດພິທີລະຫວ່າງຫຼັງທ່ຽງຄືນຂອງວັນຊາຈັ໋ບ ຈົນເຖິງກ່ອນ 1 ໂມງເຊົ້າ.
5.ຫ້າມກວາດບ້ານ
ກ່ອນມື້ກຸດຈີນ ຈະມີການທຳຄວາມສະອາດບ້ານ ເຊັດຖູຢ່າງດີ ເມື່ອມື້ປີໃໝ່ມາເຖິງ ຈະບໍ່ມີການ ກວາດເຮືອນຊານຢ່າງເດັດຂາດ ຈົນເຖິງມື້ ຊິວສີ່ ເຊິ່ງເປັນມື້ທຳອິດຂອງການເຮັດວຽກ ເພາະຖືວ່າ ຈະກວາດເອົາສິ່ງທີ່ເປັນມຸງຄຸນຖິ້ມໄປນຳ ແຕ່ສຳລັບຄົນທີ່ມີຄວາມຈຳເປັນ ກໍຄືໃຫ້ກວາດເຂົ້າ “ກວາດໜ້າເຮືອນ ເຂົ້າໄປໃນເຮືອນ”.
6. ຕິດ “ຕຸ໋ຍລ້ຽງ” ຫຼືຄຳອວຍພອນປີໃໝ່
ຕ້ອງໃຊ້ນ້ຳໝຶກສີດຳ ຫຼືສີຄຳ ຂຽນຄຳອວຍພອນລົງເຈ້ຍສີແດງ ຖ້າບໍ່ມີຄວາມຮູ້ ກໍໄປຈ້າງມືອາຊີບມາຂຽນໃຫ້. ຄຳອວຍພອນທີ່ຂຽນ ຈະປະກອບດ້ວຍຕົວອັກສອນ 7 ໂຕ ສ່ວນຫຼາຍຈະອວຍພອນໃຫ້ທຳມາຄ້າຂາຍ ໃຫ້ມັ່ງມີເງິນຄຳ ຕິດຕາມສອງຂ້າງປະຕູເຮືອນ.
ພ້ອມຕິດຮູບເດັກນ້ອຍ ຊາຍ-ຍິງ ເຊິ່ງເປັນຮູບມຸງຄຸນຂອງຄົນຈີນ.
7. ໃສ່ເສື້ອຜ້າໃໝ່ສີສັນສົດໃສ.
8. ໃຊ້ໝາກກ້ຽງ 4 ໜ່ວຍ ອວຍພອນຜູ້ໃຫຍ່
ໃນວັນ ຊິວອິກ ທຸກຄົນຈະນຳເອົາໝາກກ້ຽງ 4 ໜ່ວຍ ໄປກາບຜູ້ໃຫຍ່ເພື່ອຂໍພອນ. ເຈົ້າບ້ານ ນອກຈາກກຽມເມັດໝາກໂມ ຍ້ອມສີໄວ້ 1 ພາ ແລະລູກສະໝໍຈີນໄວ້ລໍແຂກແລ້ວ ເມື່ອມີຜູ້ມາອວຍພອນ ຈະຮັບໝາກກ້ຽງ ມາ 2 ໜ່ວຍ ແລະເອົາຂອງຕົນເອງວາງລົງ 2 ໜ່ວຍ.
9. ຮັບອັ່ງເປົາ
10.ໄຫວ້ເຈົ້າເພື່ອເປັນສິລິມຸງຄຸນແກ່ຊີວິດ.
ທີ່ມາ: www.jabchai.com/