ທີ່ພະແນກ ຖວທ ແຂວງຫລວງພະບາງ ໄດ້ຈັດກອງປະຊຸມສະ ຫລຸບວຽກງານຮອບດ້ານປະຈຳປີ 2018 ແລະ ວາງແຜນພັດທະນາ ປີ 2019, ໂດຍມີ ທ່ານ ບໍ່ແສງຄຳ ວົງດາລາ ລັດຖະມົນຕີ ກະຊວງ ຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ທ່ານ ວົງສະຫວັນ ເທບພະຈັນ ຮອງເຈົ້າແຂວງຫລວງພະບາງ, ພ້ອມດ້ວຍຄະນະພະແນກ ຖວທ ແຂວງ, ເຈົ້າເມືອງ, ຮອງເຈົ້າເມືອງ, ນະຄອນ ແລະ ຫົວໜ້າ, ຮອງຫົວໜ້າຫ້ອງການ ຖວທ ເມືອງ-ນະຄອນ ເຂົ້າຮ່ວມ.
ໃນໂອກາດກັ່ງກ່າວ, ທ່ານ ສຸລິທີບ ໜໍ່ຄຸນຜົນ ຫົວໜ້າພະແນກ ຖວທ ແຂວງຫລວງພະບາງ ໄດ້ກ່າວເປີດກອງປະຊຸມ ໂດຍມີບາງຕອນສຳຄັນວ່າ: ໃນ 1 ປີ ຜ່ານມາຂົງເຂດຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ໄດ້ຕັ້ງໜ້າສຸມໃສ່ການເຄື່ອນໄຫວວຽກງານຕາມພາລະບົດບາດ, ສິດ ແລະ ໜ້າທີ່ຂອງຕົນ ທີ່ໄດ້ກໍານົດໄວ້ເປັນຢ່າງດີ, ໂດຍສະເພາະ ການຈັດຕັ້ງປະຕິບັດແຜນພັດທະນາເສດຖະກິດ-ສັງ ຄົມ ຂອງແຂວງ ແລະ ປັບປຸງແບບແຜນວິທີການເຄື່ອນໄຫວວຽກງານຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ໃຫ້ມີບາດກ້າວໃໝ່ ທີ່ສົມຄູ່ກັບໜ້າທີ່ການເມືອງຂອງພັກໃນເງື່ອນໄຂໃໝ່.
Cr.KPL