ຕ້ອງ​ຮູ້! ຫ້າມ 5 ປະເພດສະຖາບັນການເງິນ ດຳເນີນທຸລະກຳເປັນເງິນຕາຕ່າງປະເທດ

ທ່ານ ອາ​ລຸນ ບຸນ​ຍົງ ຫົວ­ໜ້າ​ກົມ​ຄຸ້ມ​ຄອງ​ສະ​ຖາ​ບັນ​ການ​ເງິນ ທະ­ນາ­ຄານ​ແຫ່ງ ສປປ ລາວ ໄດ້​ຊີ້​ແຈງ​ກ່ຽວ​ກັບ​ສະ​ຖາ​ບັນ​ການ​ເງິນ​ທີ່​ບໍ່​ແມ່ນ​ທະ­ນາ­ຄານ ຫ້າມ​ບໍ່​ໃຫ້​ດຳ­ເນີນ​ທຸ­ລະ​ກຳ​ເປັນ​ເງິນ­ຕາ​ຕ່າງ­ປະ­ເທດ ເປັນ­ອັນ­ຂາດ​ວ່າ: ສະ​ຖາ​ບັນ​ການ​ເງິນ​ທີ່​ບໍ່​ແມ່ນ​ທະ­ນາ­ຄານ ທີ່​ໄດ້​ຮັບ​ອະ­ນຸ­ຍາດ​ເຄື່ອນ​ໄຫວ​ດຳ­ເນີນ​ທຸ­ລະ​ກິດ​ຈາກ​ທະ­ນາ­ຄານ ແຫ່ງ ສປປ ລາວ ປະ­ກອບ​ມີ 5 ຮູບ​ແບບ ໃນ​ນີ້ ມີ​ສະ​ຖາ​ບັນ​ການ​ເງິນ​ຈຸ​ລະ​ພາກ​ທີ່​ຮັບ​ເງິນ​ຝາກ (ສກຈຮ) ແມ່ນ​ສະ​ຖາ​ບັນ​ການ​ເງິນ​ທີ່​ລະ­ດົມ​ເງິນ​ຝາກ​ທົ່ວ​ໄປ​ຈາກ​ມວນ​ຊົນ ປ່ອຍ​ເງິນ​ກູ້​ຈຸ​ລະ​ພາກ ແລະ ໃຫ້​ບໍ­ລິ­ການ​ທາງ​ການ​ເງິນ​ຈຸ​ລະ​ພາກ​ອື່ນໆ ຕາມ​ການ​ອະ­ນຸ­ຍາດ​ຂອງ​ທະ­ນາ­ຄານ ແຫ່ງ ສປປ ລາວ ສະ​ຖາ​ບັນ​ການ​ເງິນ​ຈຸ​ລະ​ພາກ​ທີ່​ບໍ່​ຮັບ​ເງິນ​ຝາກ (ສກຈບ) ແມ່ນ​ສະ​ຖາ​ບັນ​ການ​ເງິນ​ທີ່​ປ່ອຍ​ເງິນ​ກູ້​ຈຸ​ລະ​ພາກ​ໃຫ້​ແກ່​ມວນ​ຊົນ​ທົ່ວ​ໄປ ສະ­ຫະ­ກອນ​ສິນ​ເຊື່ອ ແລະ ເງິນ​ຝາກ​ປະ­ຢັດ (ສສງ) ແມ່ນ​ໃຫ້​ບໍ­ລິ­ການ​ຮັບ​ເງິນ​ຝາກ ແລະ ປ່ອຍ​ເງິນ​ກູ້​ໃຫ້​ແກ່​ສະ­ມາ­ຊິກ​ໂຮງ​ຊວດ​ຈຳ ແມ່ນ​ໃຫ້​ບໍ­ລິ­ການ​ດ້ານ​ສິນ​ເຊື່ອ​ດ້ວຍ​ການ​ຮັບ​ຊວດ​ຈຳ​ສັງ­ຫາ­ລິ­ມະ​ຊັບ ແລະ ບໍ­ລິ­ສັດ​ເຊົ່າ​ສິນ​ເຊື່ອ ແມ່ນ​ໃຫ້​ບໍ­ລິ­ການ​ເຊົ່າ​ສິນ​ເຊື່ອ​ໂດຍ​ຜ່ານ​ສັງ­ຫາ­ລິ­ມະ​ຊັບ.

    ໃນ​ໄລ­ຍະ​ຜ່ານ​ມາ ບັນ­ດາ​ສະ​ຖາ​ບັນ​ການ​ເງິນ​ດັ່ງ­ກ່າວ ໄດ້​ປະ­ກອບ­ສ່ວນ​ເຂົ້າ​ໃນ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ ຊ່ວຍ​ປັບ­ປຸງ​ຊີ­ວິດ​ການ​ເປັນ​ຢູ່​ຂອງ​ປະ­ຊາ­ຊົນ ຜູ້​ທີ່​ບໍ່​ສາ­ມາດ​ເຂົ້າ​ເຖິງ​ການ​ບໍ­ລິ­ການ​ຂອງ​ທະ­ນາ­ຄານ ໃຫ້​ສາ­ມາດ​ເຂົ້າ​ເຖິງ​ແຫຼ່ງ​ທຶນ​ເພື່ອ​ດຳ­ເນີນ​ທຸ­ລະ​ກິດ ແຕ່​ຄຽງ​ຄູ່​ກັນ​ນີ້ ໃນ​ໄລ­ຍະ​ຜ່ານ​ມາ ໄດ້​ມີ​ສະ​ຖາ​ບັນ​ການ​ເງິນ​ທີ່​ບໍ່​ແມ່ນ​ທະ­ນາ­ຄານ​ຈຳ­ນວນ​ໜຶ່ງ ໄດ້​ມີ​ການ​ລັກ­ລອບ​ດຳ­ເນີນ​ທຸ­ລະ​ກຳ​ເປັນ​ເງິນ­ຕາ​ຕ່າງ­ປະ­ເທດ ເຊິ່ງ​ໄດ້​ແອບ​ອ້າງ​ໃຫ້​ປະ­ຊາ­ຊົນ​ຫຼົງ​ເຊື່ອ​ວ່າ: ຕົນ​ເອງ​ໄດ້​ຮັບ​ອະ­ນຸ­ຍາດ​ຈາກ​ທະ­ນາ­ຄານ ແຫ່ງ ສປປ ລາວ ໃນ​ການ​ດຳ­ເນີນ​ທຸ­ລະ​ກຳ​ເປັນ​ເງິນ­ຕາ​ຕ່າງ­ປະ­ເທດ ແຕ່​ຄວາມ​ຈິງ​ແທ້ ພວກ​ເຂົາ​ໄດ້​ຕົວະ​ຍົວະ​ຫຼອກ​ລວງ​ປະ­ຊາ­ຊົນ​ຫຼົງ​ເຊື່ອ ດັ່ງ­ນັ້ນ ກົມ​ຄຸ້ມ​ຄອງ​ສະ​ຖາ​ບັນ​ການ​ເງິນ ຈຶ່ງ​ຂໍ​ແຈ້ງ​ໃຫ້​ຊາບ​ວ່າ: ສະ​ຖາ​ບັນ​ການ​ເງິນ​ທີ່​ບໍ່​ແມ່ນ​ທະ­ນາ­ຄານ ທີ່​ໄດ້​ຮັບ​ອະ­ນຸ­ຍາດ​ເຄື່ອນ​ໄຫວ​ດຳ­ເນີນ​ທຸ­ລະ​ກິດ​ຈາກ​ທະ­ນາ­ຄານ ແຫ່ງ ສປປ ລາວ ແມ່ນ​ອະ­ນຸ­ຍາດ​ໃຫ້​ດຳ­ເນີນ​ທຸ­ລະ​ກຳ​ທຸກ​ປະ­ເພດ​ເປັນ​ເງິນ​ກີບ​ເທົ່າ​ນັ້ນ.

    ເພື່ອ​ບໍ່​ໃຫ້​ປະ­ຊາ­ຊົນ​ຫຼົງ​ເຊື່ອ ແລະ ບໍ່​ຕົກ​ຢູ່​ໃນ​ກົນ­ອຸ­ບາຍ​ດັ່ງ­ກ່າວ ທ່ານ​ຫົວ­ໜ້າ​ກົມ​ຄຸ້ມ​ຄອງ​ສະ​ຖາ​ບັນ​ການ​ເງິນ ຈຶ່ງ​ຂໍ​ແຈ້ງ​ມາ​ຍັງ​ບັນ­ດາ​ຜູ້​ປະ­ກອບ​ການ ສະ​ຖາ​ບັນ​ການ​ເງິນ​ທີ່​ບໍ່​ແມ່ນ​ທະ­ນາ­ຄານ ພະ­ນັກ­ງານ ທະ­ຫານ ຕຳ­ຫຼວດ ຊາວ​ຄ້າ­ຂາຍ ປະ­ຊາ­ຊົນ​ບັນ­ດາ­ເຜົ່າ​ໃນ​ຂອບ​ເຂດ​ທົ່ວ​ປະ­ເທດ ໃຫ້​ມີ​ສະ­ຕິ​ລະ­ວັງ​ຕົວ ຢ່າ​ໄດ້​ຫຼົງ​ເຊື່ອ​ການ​ແອບ​ອ້າງ​ດັ່ງ­ກ່າວ ຖ້າ​ຫາກ​ທ່ານ​ໃດ​ມີ​ການ​ພົບ​ເຫັນ​ສະ​ຖາ​ບັນ​ການ​ເງິນ​ໃດ ທີ່​ດຳ­ເນີນ​ທຸ­ລະ​ກຳ​ເປັນ​ເງິນ­ຕາ​ຕ່າງ­ປະ­ເທດ ຂໍ​ໃຫ້​ແຈ້ງ​ຂໍ້​ມູນ​ມາ​ຍັງ​ທະ­ນາ­ຄານ ແຫ່ງ ສປປ ລາວ ເພື່ອ​ຈະ​ໄດ້​ດຳ­ເນີນ​ມາດ​ຕະ­ການ​ຕໍ່​ສະ​ຖາ​ບັນ​ດັ່ງ­ກ່າວ​ຕາມ​ລະ­ບຽບ ແລະ ກົດ­ໝາຍ ແລະ ສາ­ມາດ​ກວດ​ສອບ​ຂໍ້​ມູນ​ຂອງ​ສະ​ຖາ​ບັນ​ການ​ເງິນ​ທີ່​ບໍ່​ແມ່ນ​ທະ­ນາ­ຄານ ທີ່​ໄດ້​ຮັບ​ອະ­ນຸ­ຍາດ​ຢ່າງ​ຖືກ­ຕ້ອງ​ຕາມ​ລະ­ບຽບ ແລະ ກົດ­ໝາຍ​ຂອງ​ລາວ​ໄດ້​ທີ່ www.bol.gov.la ແລະ ສາ­ມາດ​ສອບ​ຖາມ​ຂໍ້​ມູນ​ເພີ່ມ​ຕື່ມ ຈາກ​ກົມ​ຄຸ້ມ​ຄອງ​ສະ​ຖາ​ບັນ​ການ​ເງິນ​ໄດ້​ໃນ​ໂມງ​ລັດ​ຖະ​ການ ໂທລະ­ສັບ: 021 265712 ຫຼື 021 265715.

ທີ່​ມາ: ວຽງ​ຈັນ​ໃໝ່

ທ່ານ ອາ​ລຸນ ບຸນ​ຍົງ ຫົວ­ໜ້າ​ກົມ​ຄຸ້ມ​ຄອງ​ສະ​ຖາ​ບັນ​ການ​ເງິນ ທະ­ນາ­ຄານ​ແຫ່ງ ສປປ ລາວ ໄດ້​ຊີ້​ແຈງ​ກ່ຽວ​ກັບ​ສະ​ຖາ​ບັນ​ການ​ເງິນ​ທີ່​ບໍ່​ແມ່ນ​ທະ­ນາ­ຄານ ຫ້າມ​ບໍ່​ໃຫ້​ດຳ­ເນີນ​ທຸ­ລະ​ກຳ​ເປັນ​ເງິນ­ຕາ​ຕ່າງ­ປະ­ເທດ ເປັນ­ອັນ­ຂາດ​ວ່າ: ສະ​ຖາ​ບັນ​ການ​ເງິນ​ທີ່​ບໍ່​ແມ່ນ​ທະ­ນາ­ຄານ ທີ່​ໄດ້​ຮັບ​ອະ­ນຸ­ຍາດ​ເຄື່ອນ​ໄຫວ​ດຳ­ເນີນ​ທຸ­ລະ​ກິດ​ຈາກ​ທະ­ນາ­ຄານ ແຫ່ງ ສປປ ລາວ ປະ­ກອບ​ມີ 5 ຮູບ​ແບບ ໃນ​ນີ້ ມີ​ສະ​ຖາ​ບັນ​ການ​ເງິນ​ຈຸ​ລະ​ພາກ​ທີ່​ຮັບ​ເງິນ​ຝາກ (ສກຈຮ) ແມ່ນ​ສະ​ຖາ​ບັນ​ການ​ເງິນ​ທີ່​ລະ­ດົມ​ເງິນ​ຝາກ​ທົ່ວ​ໄປ​ຈາກ​ມວນ​ຊົນ ປ່ອຍ​ເງິນ​ກູ້​ຈຸ​ລະ​ພາກ ແລະ ໃຫ້​ບໍ­ລິ­ການ​ທາງ​ການ​ເງິນ​ຈຸ​ລະ​ພາກ​ອື່ນໆ ຕາມ​ການ​ອະ­ນຸ­ຍາດ​ຂອງ​ທະ­ນາ­ຄານ ແຫ່ງ ສປປ ລາວ ສະ​ຖາ​ບັນ​ການ​ເງິນ​ຈຸ​ລະ​ພາກ​ທີ່​ບໍ່​ຮັບ​ເງິນ​ຝາກ (ສກຈບ) ແມ່ນ​ສະ​ຖາ​ບັນ​ການ​ເງິນ​ທີ່​ປ່ອຍ​ເງິນ​ກູ້​ຈຸ​ລະ​ພາກ​ໃຫ້​ແກ່​ມວນ​ຊົນ​ທົ່ວ​ໄປ ສະ­ຫະ­ກອນ​ສິນ​ເຊື່ອ ແລະ ເງິນ​ຝາກ​ປະ­ຢັດ (ສສງ) ແມ່ນ​ໃຫ້​ບໍ­ລິ­ການ​ຮັບ​ເງິນ​ຝາກ ແລະ ປ່ອຍ​ເງິນ​ກູ້​ໃຫ້​ແກ່​ສະ­ມາ­ຊິກ​ໂຮງ​ຊວດ​ຈຳ ແມ່ນ​ໃຫ້​ບໍ­ລິ­ການ​ດ້ານ​ສິນ​ເຊື່ອ​ດ້ວຍ​ການ​ຮັບ​ຊວດ​ຈຳ​ສັງ­ຫາ­ລິ­ມະ​ຊັບ ແລະ ບໍ­ລິ­ສັດ​ເຊົ່າ​ສິນ​ເຊື່ອ ແມ່ນ​ໃຫ້​ບໍ­ລິ­ການ​ເຊົ່າ​ສິນ​ເຊື່ອ​ໂດຍ​ຜ່ານ​ສັງ­ຫາ­ລິ­ມະ​ຊັບ.

    ໃນ​ໄລ­ຍະ​ຜ່ານ​ມາ ບັນ­ດາ​ສະ​ຖາ​ບັນ​ການ​ເງິນ​ດັ່ງ­ກ່າວ ໄດ້​ປະ­ກອບ­ສ່ວນ​ເຂົ້າ​ໃນ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ ຊ່ວຍ​ປັບ­ປຸງ​ຊີ­ວິດ​ການ​ເປັນ​ຢູ່​ຂອງ​ປະ­ຊາ­ຊົນ ຜູ້​ທີ່​ບໍ່​ສາ­ມາດ​ເຂົ້າ​ເຖິງ​ການ​ບໍ­ລິ­ການ​ຂອງ​ທະ­ນາ­ຄານ ໃຫ້​ສາ­ມາດ​ເຂົ້າ​ເຖິງ​ແຫຼ່ງ​ທຶນ​ເພື່ອ​ດຳ­ເນີນ​ທຸ­ລະ​ກິດ ແຕ່​ຄຽງ​ຄູ່​ກັນ​ນີ້ ໃນ​ໄລ­ຍະ​ຜ່ານ​ມາ ໄດ້​ມີ​ສະ​ຖາ​ບັນ​ການ​ເງິນ​ທີ່​ບໍ່​ແມ່ນ​ທະ­ນາ­ຄານ​ຈຳ­ນວນ​ໜຶ່ງ ໄດ້​ມີ​ການ​ລັກ­ລອບ​ດຳ­ເນີນ​ທຸ­ລະ​ກຳ​ເປັນ​ເງິນ­ຕາ​ຕ່າງ­ປະ­ເທດ ເຊິ່ງ​ໄດ້​ແອບ​ອ້າງ​ໃຫ້​ປະ­ຊາ­ຊົນ​ຫຼົງ​ເຊື່ອ​ວ່າ: ຕົນ​ເອງ​ໄດ້​ຮັບ​ອະ­ນຸ­ຍາດ​ຈາກ​ທະ­ນາ­ຄານ ແຫ່ງ ສປປ ລາວ ໃນ​ການ​ດຳ­ເນີນ​ທຸ­ລະ​ກຳ​ເປັນ​ເງິນ­ຕາ​ຕ່າງ­ປະ­ເທດ ແຕ່​ຄວາມ​ຈິງ​ແທ້ ພວກ​ເຂົາ​ໄດ້​ຕົວະ​ຍົວະ​ຫຼອກ​ລວງ​ປະ­ຊາ­ຊົນ​ຫຼົງ​ເຊື່ອ ດັ່ງ­ນັ້ນ ກົມ​ຄຸ້ມ​ຄອງ​ສະ​ຖາ​ບັນ​ການ​ເງິນ ຈຶ່ງ​ຂໍ​ແຈ້ງ​ໃຫ້​ຊາບ​ວ່າ: ສະ​ຖາ​ບັນ​ການ​ເງິນ​ທີ່​ບໍ່​ແມ່ນ​ທະ­ນາ­ຄານ ທີ່​ໄດ້​ຮັບ​ອະ­ນຸ­ຍາດ​ເຄື່ອນ​ໄຫວ​ດຳ­ເນີນ​ທຸ­ລະ​ກິດ​ຈາກ​ທະ­ນາ­ຄານ ແຫ່ງ ສປປ ລາວ ແມ່ນ​ອະ­ນຸ­ຍາດ​ໃຫ້​ດຳ­ເນີນ​ທຸ­ລະ​ກຳ​ທຸກ​ປະ­ເພດ​ເປັນ​ເງິນ​ກີບ​ເທົ່າ​ນັ້ນ.

    ເພື່ອ​ບໍ່​ໃຫ້​ປະ­ຊາ­ຊົນ​ຫຼົງ​ເຊື່ອ ແລະ ບໍ່​ຕົກ​ຢູ່​ໃນ​ກົນ­ອຸ­ບາຍ​ດັ່ງ­ກ່າວ ທ່ານ​ຫົວ­ໜ້າ​ກົມ​ຄຸ້ມ​ຄອງ​ສະ​ຖາ​ບັນ​ການ​ເງິນ ຈຶ່ງ​ຂໍ​ແຈ້ງ​ມາ​ຍັງ​ບັນ­ດາ​ຜູ້​ປະ­ກອບ​ການ ສະ​ຖາ​ບັນ​ການ​ເງິນ​ທີ່​ບໍ່​ແມ່ນ​ທະ­ນາ­ຄານ ພະ­ນັກ­ງານ ທະ­ຫານ ຕຳ­ຫຼວດ ຊາວ​ຄ້າ­ຂາຍ ປະ­ຊາ­ຊົນ​ບັນ­ດາ­ເຜົ່າ​ໃນ​ຂອບ​ເຂດ​ທົ່ວ​ປະ­ເທດ ໃຫ້​ມີ​ສະ­ຕິ​ລະ­ວັງ​ຕົວ ຢ່າ​ໄດ້​ຫຼົງ​ເຊື່ອ​ການ​ແອບ​ອ້າງ​ດັ່ງ­ກ່າວ ຖ້າ​ຫາກ​ທ່ານ​ໃດ​ມີ​ການ​ພົບ​ເຫັນ​ສະ​ຖາ​ບັນ​ການ​ເງິນ​ໃດ ທີ່​ດຳ­ເນີນ​ທຸ­ລະ​ກຳ​ເປັນ​ເງິນ­ຕາ​ຕ່າງ­ປະ­ເທດ ຂໍ​ໃຫ້​ແຈ້ງ​ຂໍ້​ມູນ​ມາ​ຍັງ​ທະ­ນາ­ຄານ ແຫ່ງ ສປປ ລາວ ເພື່ອ​ຈະ​ໄດ້​ດຳ­ເນີນ​ມາດ​ຕະ­ການ​ຕໍ່​ສະ​ຖາ​ບັນ​ດັ່ງ­ກ່າວ​ຕາມ​ລະ­ບຽບ ແລະ ກົດ­ໝາຍ ແລະ ສາ­ມາດ​ກວດ​ສອບ​ຂໍ້​ມູນ​ຂອງ​ສະ​ຖາ​ບັນ​ການ​ເງິນ​ທີ່​ບໍ່​ແມ່ນ​ທະ­ນາ­ຄານ ທີ່​ໄດ້​ຮັບ​ອະ­ນຸ­ຍາດ​ຢ່າງ​ຖືກ­ຕ້ອງ​ຕາມ​ລະ­ບຽບ ແລະ ກົດ­ໝາຍ​ຂອງ​ລາວ​ໄດ້​ທີ່ www.bol.gov.la ແລະ ສາ­ມາດ​ສອບ​ຖາມ​ຂໍ້​ມູນ​ເພີ່ມ​ຕື່ມ ຈາກ​ກົມ​ຄຸ້ມ​ຄອງ​ສະ​ຖາ​ບັນ​ການ​ເງິນ​ໄດ້​ໃນ​ໂມງ​ລັດ​ຖະ​ການ ໂທລະ­ສັບ: 021 265712 ຫຼື 021 265715.

ທີ່​ມາ: ວຽງ​ຈັນ​ໃໝ່

Bounsong InsideLaos
Bounsong InsideLaoshttp://insidelaos.com
Online Journalists at insidelaos.com.

More from author

Related posts

Advertismentspot_img

Latest posts

ເລີ່ມ 4 ມີນາ ຈະປັບຂຶ້ນຄ່າທຳນຽມ ແລະ ຄ່າບໍລິການ ອອກໜັງສືຜ່ານແດນທົ່ວໄປ

ກົມກົງສຸນ ໄດ້ໃຫ້ຮູ້ວ່າ: ຕາມລັດຖະບັນຍັດວ່າດ້ວຍການປັບປຸງບາງມາດຕາຂອງລັດຖະບັນຍັດວ່າດ້ວຍຄ່າທຳນຽມ ແລະ ຄ່າບໍລິການ ໃນຂົງເຂດການຕ່າງປະເທດ, ສະບັບເລກທີ 001/ປປທ, ລົງວັນທີ 26 ມັງກອນ 2024, ຈະໄດ້ມີການປັບປຸງຄ່າທຳນຽມ ແລະ ຄ່າບໍລິການອອກໜັງສືຜ່ານແດນ ຕາມລັດຖະບັນຍັດສະບັບປັບປຸງດັ່ງກ່າວນີ້ ໄດ້ກຳນົດຄ່າທຳນຽມ ແລະ ຄ່າບໍລິການອອກໜັງສືຜ່ານແດນເປັນເງິນໂດລາ ເພື່ອເປັນບ່ອນອີງໃນການຈັດເກັບໃນລາຄາ ດັ່ງນີ້: ຄ່າທຳນຽມ ແລະ ຄ່າບໍລິການອອກໜັງສືຜ່ານແດນ ເອເລັກໂຕຣນິກ ລາຄາ 60 ໂດລາ ແລະ ບໍ່ແມ່ນເອເລັກໂຕຣນິກ ລາຄາ 40 ໂດລາ.

WhatsApp ເພີ່ມຟີເຈີໃໝ່ ສາມາດສະຫຼັບບັນຊີທີ່ໃຊ້ຄົນລະເບີໂທໄດ້.

ຍັງມີຢູ່ບໍ່ຜູ້ທີ່ໃຊ້ເບີຫຼາຍເບີ ເລີຍເຮັດໃຫ້ຕ້ອງໃຊ້ Whatsapp ຫຼາຍອັບໄປນໍ ປັດຈຸບັນທາງ WhatsApp ໄດ້ອັບບເດດຟີເຈີໃໝ່ເຂົ້າມາເຊິ່ງສາມາດເພີ່ມໄດ້ອີກເບີໂທ ຫຼືເພີ່ມບັນຊີໃໝ່ໄດ້ ເຊິ່ງຖ້າເປັນປົກກະຕິເຮົາຕ້ອງໃຊ້ການໂຄນແອັບຂອງ WhatsApp ເພື່ອມາງານໃຊ້ເບີທີສອງ.

ເປີດນໍາໃຊ້ທາງຫຼວງ ແຕ່ຂົວນໍ້າສັງ ເມືອງສັງທອງ ນະຄອນຫຼວງວຽງຈັນ ຫາ ບ້ານຄົກເຂົ້າດໍ ເມືອງຊະນະຄາມ ແຂວງວຽງຈັນ.

ກະຊວງໂຍທາທິການ ແລະ ຂົນສົ່ງ ໄດ້ຈັດພິທີເປີດນໍາໃຊ້ ໂຄງການກໍ່ສ້າງທາງຫຼວງແຫ່ງຊາດເລກ 11 ແຕ່ຂົວນໍ້າສັງ ເມືອງສັງທອງ ນະຄອນຫຼວງວຽງຈັນ ຫາ ບ້ານຄົກເຂົ້າດໍ ເມືອງຊະນະຄາມ ແຂວງວຽງຈັນ ເຊິ່ງໂຄງການກໍ່ສ້າງ ທາງເລກ 11 ມີຄວາມລວງຍາວ 104,98 ກິໂລແມັດ ແລະ ກໍ່ສ້າງທາງຊອຍແຕ່ ບ້ານໂນນສະຫວັນ ຫາ ເທດສະບານ ເມືອງຊະນະຄາມ ລວງຍາວ 16,55 ກິໂລແມັດ ເປັນໂຄງການບຸລິມະສິດຂອງລັດຖະບານ, ນອນຢູ່ໃນແຜນຍຸດທະສາດ ຂອງກະຊວງໂຍທາທິການ ແລະ ຂົນສົ່ງ ກໍຄື ແຜນພັດທະນາເສດຖະກິດ-ສັງຄົມ ຂອງລັດຖະບານ.

Want to stay up to date with the latest news?

We would love to hear from you! Please fill in your details and we will stay in touch. It's that simple!