ເປີດພິທີຢ່າງເປັນທາງການແລ້ວ ສຳລັບງານມະຫາກຳອະສັງຫາລິມະຊັບ 2019 ທີ່ ໂຮງແຮມ ດອນຈັນ ພຣາເລດ.
ໃນຕອນເຊົ້າຂອງວັນທີ່ 1 ເດືອນ ມີນາ ທີ່ຜ່ານມາ ໄດ້ມີການເປີດພິທີງານ Laorealeate.La Expo 2019 ຢ່າງເປັນທາງການ. ເຊິ່ງເປັນຄັັ້ງທຳອິດໃນລາວ ທີ່ໄດ້ໂຮມເອົານັກພັດທະນາໂຄງການບ້ານຈັດສັນ ແລະ ດິນຈັດສັນ, ຜູ້ໃຫ້ສິນເຊື່ອບ້ານ, ຜູ້ໃຫ້ຄວາມຮູ້ທາງດ້ານສະຖາປະນິກ ແລະ ອື່ນໆ ມາໄວ້ໃນງານນີ້ ເຊິ່ງພາຍໃນງານມີຫລາຍກວ່າ 80 ບູດ ແລະ ຜູ້ເຂົ້າຮ່ວມໃນງານທັງຫມົດຫລາຍກ່ວາພັນຄົນ.
ນອກຈາກນີ້ ໃນງານຍັງມີການສຳມະນາຈາກຜູ້ຊ່ຽວຊານ ດ້ານອະສັງຫາລິມະຊັບຊັ້ນນຳໃນລາວ ແລະ ຕ່າງປະເທດ. ງານດັ່ງກ່າວແມ່ນໄດ້ຮັບຄວາມສົນໃຈຫຼາຍສຳຫຼັບນັກລົງທຶນ ພາຍໃນ ແລະ ຕ່າງປະເທດ.
ທ່ານນາງອານຸສອນ ທຳມະທອງພັນ ຜູ້ບໍລິຫານຝ່າຍດຳເນີນທຸລະກິດ ແລະການຕະຫຼາດ ຂອງບໍລິສັດ SKP ໃຫ້ຮູ້ວ່າ: ປະຈຸບັນນີ້ບ້ານເມືອງເຮົາກຳລັງພັດທະນາ ການຂະຫຍາຍຕົວທາງດ້ານທຸລະກິດໃນກຸ່ມຜູ້ທີ່ມີລາຍຮັບປານກາງແມ່ນມີສູງຂຶ້ນ. ໄດ້ສັງເກດເຫັນວ່າກຸ່ມຄົນເຫລົ່ານີ້ ແມ່ນມີຄວາມສາມາດໃນການຈ່າຍຜ່ອນໄດ້. ຖ້າເຮັດແຕ່ບ້ານຈັດສັນ ແຕ່ບໍ່ມີທະນາຄານຮອງຮັບໃຫ້ລູກຄ້າ ທາງບໍລິສັດເອງກໍຈະພົບຄວາມຫຍຸ້ງຍາກເຊັ່ນກັນ.
Hits: 9
