Saturday, July 20, 2024
Lenovo

ເມືອງ​ໝື່ນ ມີ​ຄອບ­ຄົວ​ທຸກ​ຍາກ​ພຽງ 50 ກວ່າ​ຄອບ­ຄົວ

ເມືອງ​ໝື່ນ ແມ່ນ​ໜຶ່ງ​ໃນ​ຫລາຍ ເມືອງ​ຂອງ​ແຂວງ​ວຽງ​ຈັນ​ທີ່​ມີ​ທ່າແຮງ​ຫລາຍ​ດ້ານ​ໃນ​ການ​ແກ້​ໄຂຄວາມ­ທຸກ​ຍາກ​ຂອງ​ປະ­ຊາ­ຊົນ ບັນດາ​ເຜົ່າ​ບວກ​ໃສ່​ການ​ສົ່ງ­ເສີມ​ຂອງ​ທຸກ​ຂະ­ແໜງ­ການ ເຮັດ​ໃຫ້​ຊີ­ວິດ​ການ ເປັນ​ຢູ່​ໄດ້​ຮັບ​ການ​ປັບ­ປຸງ​ດີ, ຄອບຄົວ​ທຸກ​ຍາກ​ໄດ້​ຮັບ​ການ​ແກ້​ໄຂ​ຍັງ ເຫລືອ​ພຽງ 50 ກວ່າ​ຄອບ­ຄົວ 14 ບ້ານ​ທົ່ວ​ເມືອງ​ໃນ​ປັດ​ຈຸ​ບັນ.

ດ້ວຍ​ຄວາມ​ເອົາ­ໃຈ­ໃສ່​ຈັດ​ຕັ້ງປະ­ຕິ­ບັດ​ແຜນ​ພັດ­ທະ­ນາ​ເສດ​ຖະກິດ-​ສັງ­ຄົມ​ໃນ​ປີ­ຜ່ານ­ມາ​ຂອງ​ບັນດາ​ໜ່ວຍ​ງານ​ຕ່າງໆ​ພາຍ​ໃນ​ເມືອງ ໝື່ນ​ບວກ​ໃສ່​ເງື່ອນ­ໄຂ​ສະ­ດວກ​ດ້ານ​ຕ່າງໆ​ເປັນ­ຕົ້ນ​ແມ່ນ​ພື້ນ­ຖານ​ໂຄງລ່າງ, ຖະ­ໜົນ​ຫົນ­ທາງ, ໄຟ­ຟ້າ ແລະ ຄວາມ​ອຸ­ດົມ­ສົມ­ບູນ​ທາງ​ທຳ​ມະ​ຊາດ ທີ່​ເໝາະ​ສົມ​ໃຫ້​ແກ່​ການ​ປູກ­ຝັງ-​ລ້ຽງ­ສັດ ເຊິ່ງ​ໄດ້​ກາຍ­ເປັນ​ທ່າ­ແຮງ ອັນ​ສຳ­ຄັນ​ໃນ​ການ​ແກ້​ໄຂ​ຄວາມ­ທຸກ​ຍາກ​ໃຫ້​ໝົດ​ໄປ​ເທື່ອ​ລະ​ກ້າວ.  ນອກ­ຈາກ​ນີ້, ປະ­ຊາ­ຊົນ​ສ່ວນ​ໃຫຍ່​ກໍ່ ຖື​ເອົາ​ການ​ທຳ​ການ​ຜະ­ລິດ​ກະ­ສິ­ກຳປູກ-​ລ້ຽງ­ສັດ​ເປັນ​ສິນ­ຄ້າ ໂດຍ​ສ່ວນຫລາຍ ແລະ ການ​ຄ້າ­ຂາຍ​ເປັນ​ອາ­ຊີບສຳ​ຮອງ. ແນວ­ໃດ​ກໍ່​ດີ​ດ້ວຍ​ເງື່ອນ­ໄຂ​ສະ­ດວກ, ການ​ສົ່ງ­ເສີມ​ຂອງ​ຂັ້ນເທິິງ ໃຫ້​ປະ­ຊາ­ຊົນ​ຜະ­ລິດ​ເປັນ​ສິນ​ຄ້າ. ມາຮອດ​ປັດ­ຈຸ­ບັນ​ນີ້ ເຮັດ​ໃຫ້​ຊີ­ວິດ​ການເປັນ​ຢູ່​ຂອງ​ປະ­ຊາ­ຊົນ​ໄດ້​ຮັບ​ການປັບ­ປຸງ​ດີ​ຂຶ້ນ, ຄວາມ­ທຸກ​ຍາກ​ໄດ້​ຮັບການ​ແກ້​ໄຂ​ເທື່ອ​ລະ​ກ້າວ, ສະ­ແດງໃຫ້​ເຫັນ​ຕົວ​ເລກ​ຄອບ­ຄົວ​ທຸກ​ຍາກຫລຸດ​ລົງ​ຍັງ​ເຫລືອກ​ວ່າ 50 ຄອບ ຄົວ​ໃນ 14 ບ້ານ.

ທ່ານ ຄຳ​ອ້າຍ ສຸກ​ພະ​ວົງ ນາຍ ບ້ານ​ນາ​ປ່າ​ໄຜ່​ໄດ້​ໃຫ້​ສຳ­ພາດ​ວ່າ: ໄລ­ຍະ​ຜ່ານ​ມາ ປະ­ສົບ​ການ​ດ້ານການ​ຜະ­ລິດ​ຂອງ​ປະ­ຊາ­ຊົນ​ຍັງ​ບໍ່​ທັນມີ​ຫລາຍ​ບວກ​ໃສ່​ການ​ລົງ​ຊີ້​ນຳ-​ນຳພາ​ດ້ານ​ເຕັກ­ນິກ​ຂອງ​ພາກ­ສ່ວນກ່ຽວ­ຂ້ອງ​ຍັງ​ບໍ່​ທົ່ວ​ເຖິງ ຈຶ່ງ​ເຮັດ​ການຜະ­ລິດ​ກະ­ສິ­ກຳ​ບາງຊະ­ນິດ​ຜ່ານ​ມາຍັງ​ຂາດ­ແຄນ ແລະ ໄດ້​ນຳ​ເຂົ້າ​ຈາກ ບ້ານ​ອື່ນ ໂດຍ​ສະ­ເພາະ​ແມ່ນ​ປະ­ເພດ ໝາກ­ແຕງ, ໝາກ­ໂມ ແລະ ສາ­ລີ, ແຕ່ມາ​ຮອດ​ປັດ­ຈຸ­ບັນ ກໍ່​ມີ​ກຸ່ມ​ການ​ຜະ­ລິດ ພືດ​ລະ­ດູ­ແລ້ງ​ເກີດ​ຂຶ້ນ ແລະ ສາ­ມາດຜະ­ລິດ​ໝາກ­ແຕງ, ໝາກ­ໂມ​ຕອບ​ສະໜອງ​ໃຫ້​ແກ່​ການ​ບໍ­ລິ­ໂພກ​ພາຍ​ໃນບ້ານ ແລະ ຂາຍອອກ​ໄປ​ບ້ານ​ອື່ນຈຳ­ນວນ​ໜຶ່ງ. ນີ້​ກໍ່​ແມ່ນ​ທ່າ­ແຮງ​ໜຶ່ງທີ່​ສ້າງ​ລາຍ​ຮັບ​ໃຫ້​ແກ່​ປະ­ຊາ­ຊົນ​ໃນ​ການ​ແກ້​ໄຂ​ຄວາມ­ທຸກ​ຍາກ ແລະ ມາຮອດ​ປັດ­ຈຸ­ບັນ​ຍັງ​ເຫລືອ​ຄອບ­ຄົວທຸກ​ຍາກ 6 ຄອບ​ຄົວ.

ທີ່ມາ: ຂປລ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.