Thursday, July 18, 2024
Lenovo

ເອກະຊົນລົງທຶນ​ສ້າງຂົວຂ້າມນ້ຳເຊໂດນ​ແຫ່ງ​ໃໝ່ ພ້ອມເກັບຄ່າບໍລິການ 30 ປີ

ເມືອງຄົງເຊໂດນ ແຂວງສາລະວັນ ໄດ້ຈັດພິທີເປີດນຳໃຊ້ຂົວນ້ຳຜ່ານຂ້າມນ້ຳເຊໂດນ ໂດຍແມ່ນບໍລິສັດຕິ່ງ ວິໄລ ກໍ່ສ້າງ ແລະສ້ອມແປງຂົວ-ທາງ ຈຳກັດຜູ້ດຽວ, ລົງທຶນ 100% ໃນມູນຄ່າເກືອບ 10 ຕື້ກີບ. ຊຶ່ງໄດ້ຈັດຂຶ້ນໃນວັນທີ 5 ເມສາ 2019 ຢູ່ບ້ານທ່າເມືອງ, ໂດຍການເຂົ້າຮ່ວມຂອງ ທ່ານ ພົນຈັດຕະວາ ພູວຽງ ຫຼ່ຽມມະວົງສາ ຫົວໜ້າກອງບັນຊາການທະຫານແຂວງສາລະວັນ, ມີທ່ານ ບຸນປອນ ອາສາພິພັກ ເຈົ້າເມືອງຄົງເຊໂດນ, ທ່ານ ຕິ່ງ ວິໄລ ປະທານບໍລິສັດຕິ່ງ ວິໄລ ກໍ່ສ້າງ ແລະສ້ອມແປງຂົວ-ທາງ ຈຳກັດຜູ້ດຽວ, ມີບັນດາພະແນກການທີ່ກ່ຽວຂ້ອງອ້ອມຂ້າງແຂວງ, ຫ້ອງການອ້ອມຂ້າງເມືອງ ແລະ ອຳນາດການປົກຄອງບ້ານເຂົ້າຮ່ວມ.

ທ່ານ ຕິ່ງ ວິໄລ ໄດ້ລາຍງານການຈັດຕັ້ງປະຕິບັດໂຄງການກໍ່ສ້າງຂົວແຫ່ງນີ້: ໂດຍໄດ້ເລີ່ມລົງມືດຳເນີນການກໍ່ສ້າງ ມາແຕ່ຕົ້ນປີ 2016 ຈົນມາເຖິງທ້າຍປີ 2018 ຈິ່ງສຳເລັດ, ເປັນຂົວປະເພດເບຕົງເສີມເຫຼັກ, ມີຂະໜາດຄວາມກວ້າງ 7 ແມັດ,ຍາວ 70 ແມັດ,ທາງເຂົ້າຂົວປູດ້ວຍຄອນກຣີດເບື້ອງລະ 60 ແມັດ ມູນຄ່າການກໍ່ສ້າງ 9 ຕື້ກວ່າກີບ, ໂດຍແມ່ນການລົງທຶນຂອງບໍລິສັດ 100% ສາມາດທຽວໄດ້ແຕ່ລະດູແລ້ງ ແລະໄດ້ເກັບຄ່າບໍລິການໃນໄລຍະ 30 ປີ ເລີ່ມແຕ່ປີ 2019 ເປັນຕົ້ນໄປ ແລະໄດ້ນະໂຍບາຍບໍ່ເກັບຄ່າຜ່ານຂົວເປັນຕົ້ນ: ລົດຂົນສົ່ງຄົນເຈັບໄປກັບໂຮງໝໍ, ການໄປມາຂອງນັກຮຽນ, ພະນັກງານໄປເຮັດວຽກທາງການ, ຄົນຍ່າງ ແລະ ລົດຖີບ. ສຳລັບລະດູຝົນບໍລິສັດໄດ້ກຽມບັກ, ເຮືອແພໄວ້ບໍລິການປະຊາຊົນໃນ ເຂດນັ້ນເປັນປົກກະຕິ.

ນອກນັ້ນ, ບໍລິສັດໄດ້ສ້າງຂົວເປັນປະຕູປ່ອງນ້ຳກັກນ້ຳໄວ້ເພື່ອສະໜອງໃຫ້ແກ່ການຜະລິດພືດລະດູແລ້ງຂອງພໍ່ແມ່ປະຊາຊົນໃນຂອບເຂດນັ້ນ ແລະມີແຜນຈະສ້າງເປັນສະຖານທີ່ທ່ຽວຊົມ, ພັກເຊົາ, ຫຼິ້ນນ້ຳ ແລະ ກິດຈະກຳຕ່າງໆອີກ. ໂຄງການກໍ່ສ້າງດັ່ງກ່າວແມ່ນຕົກລົງເຫັນດີຈາກອົງການປົກຄອງແຂວງ, ເມືອງ ແລະບ້ານ, ໂດຍສະເພາະແມ່ນໄດ້ຮັບໃຊ້ພໍ່ແມ່ປະຊາຊົນເກືອບ 10 ບ້ານເຊັ່ນ: ບ້ານໂນນສຳລານ, ທ່າເມືອງ, ໂອກາດ ໃຫຍ່,ໂອກາດນ້ອຍ,ເມືອງເກົ່າ, ໜອງ ບົວ, ນາໂຄກ ແລະບ້ານອື່ນໆອີກ ຊຶ່ງ ນອນໃນເສັ້ນທາງຊົນນະບົດເຊື່ອມຕໍ່ບ້ານ ຕໍ່ບ້ານ ແລະເມືອງ, ສ້າງເງື່ອນໄຂອຳ ນວຍຄວາມສະດວກໃນການໄປມາຫາສູ່, ແລກປ່ຽນຊື້ຂາຍ, ຜະລິດສິນຄ້າຂອງປະຊາຊົນ ແລະການທ່ອງທ່ຽວຂອງເມືອງຊຶ່ງເປັນເສັ້ນທີ່ຂ້າມຜ່ານໄປທ່ຽວຊົມແຫຼ່ງທ່ອງທ່ຽວທາດກະເດົາທຶກບ້ານນາໂຄກ ແລະພະໃຫຍ່ອົງຕື້ບ້ານໂອກາດທີ່ເປັນແຫຼ່ງທ່ອງທ່ຽວຂອງເມືອງອີກດ້ວຍ.

ຮຽບ​ຮຽງ​ຈາກ: ​ໜັງ​ສື​ພິມເສດ​ຖະ​ກິດ-ສັງ​ຄົ​ມ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.