Tuesday, July 23, 2024
Lenovo

ເອກອັກຄະຣາຊະທູດໄທ ປະ​ຈຳ​ລາວ ເຂົ້າ​ຮ່ວມ​ງານ Mini Thailand Week 2019

ທ່ານ ກຽດຕິຄຸນ ຊາດປະເສີດ ເອກອັກຄະຣາຊະທູດ ທີ່ ນະຄອນຫຼວງວຽງຈັນເປັນປະທານຮ່ວມໃນພິທີເປີດງານສະແດງສິນຄ້າ Mini Thailand Week 2019 ຮ່ວມກັບທ່ານ ຄຳພັນ ເຜີຍຍະວົງ ເຈົ້າແຂວງອຸດົມໄຊ, ທ່ານ ຄຳເພົ້າ ສີລິສຸກ ຫົວໜ້າພະແນກອຸດສາຫະກຳແລະ ການຄ້າແຂວງອຸດົມໄຊ ແລະ ທ່ານນາງ ຍານີ ສີມີໄຊ ເອກອັກຄະຣາຊະທູດທີ່ປຶກສາ(ຝ່າຍການພານິດ) ທີ່ ສະໜາມກິລາ ແຂວງອຸດົມໄຊ ສປປ ລາວ.

ງານວາງສະແດງສິນຄ້າ Mini Thailand Week 2019 ຈັດຂຶ້ນໂດຍກົມສົ່ງເສີມການຄ້າລະຫວ່າງປະເທດ ໂດຍສຳນັກງານສົ່ງເສີມການໃນຕ່າງປະເທດ ທີ່ ນະຄອນຫຼວງວຽງຈັນ, ກະຊວງພານິດແຫ່ງຣາຊະອານາຈັກໄທ ແລະ ພະແນກອຸດສາຫະກຳ ແລະ ການຄ້າ ແຂວງອຸດົມໄຊ, ກະຊວງອຸດສາຫະກຳ ແລະ ການຄ້າແຫ່ງ ສປປ ລາວ.

ໂດຍມີວັດຖຸປະສົງເພື່ອ

(1) ຂະຫຍາຍຕະຫຼາດໃຫ້ກັບສິນຄ້າ ແລະ ການບໍລິການຂອງໄທໃນເມືອງຮອງທີ່ມີສັກກະຍະພາບ

(2) ປະຊາສຳພັນສິນຄ້າແລະ ການບໍລິການຂອງໄທໃຫ້ເປັນທີ່ຮູ້ຈັກ ແລະ ເຊື່ອໝັ້ນ ພ້ອມທັງ ມີທັດສະນະຄະຕິທີ່ດີຕໍ່ສິນຄ້າທີ່ຜະລິດໂດຍຜູ້ປະກອບການໄທ

(3) ສ້າງເຄືອຂ່າຍລະຫວ່າງຜູ້ປະກອບການໄທ ແລະ ຜູ້ປະກອບການ ໃນ ສປປ ລາວ ພ້ອມທັງ ເປັນການເພີ່ມຊ່ອງທາງການຈັດຈຳໜ່າຍສິນຄ້າໃນ ສປປ ລາວ ໃຫ້ແກ່ຜູ້ປະກອບການໄທ ເຊິ່ງເປັນສ່ວນຊ່ວຍໃນການຊຸກຍູ້ໃຫ້ມູນຄ່າທາງການຄ້າຂອງສອງປະເທດຂະຫຍາຍຕົວ.

ພາຍໃນງານມີກິດຈະກຳຫຼາກຫຼາຍ ເຊັ່ນ: ການສະແດງເທິງເວທີ, ການແຈກຂອງລາງວັນ ໂດຍໃນປີນີ້ມີຈຳນວນຄູຫາຂອງບໍລິສັດໄທເຂົ້າຮ່ວມ 25 ບໍລິສັດ, 26 ຄູຫາ, ຕົວແທນຈຳໜ່າຍສິນຄ້າໄທໃນ ສປປ ລາວ ຈຳນວນ 17, ບໍລິສັດ 30 ຄູຫາ. ລວມທັ້ງໝົດ 42 ບໍລິສັດ, 56 ຄູຫາ ສ່ວນຄູຫາຜູ້ປະກອບການ ODOP ຂອງແຂວງອຸດົມໄຊ ມີ 10 ຄູຫາ ລວມທັ້ງໝົດເປັນ 66 ຄູຫາ ສິນຄ້າຫຼັກໆທີ່ຈຳໜ່າຍພາຍໃນງານປະກອບດ້ວຍ ອາຫານ/ເຄື່ອງດື່ມ, ຜະລິດຕະພັນສຸຂະພາບ ແລະ ຄວາມງາມ, ເຄື່ອງໃຊ້ພາຍໃນເຮືອນ ແລະ ເຄື່ອງໃຊ້ໄຟຟ້າ.

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.