ປິໃໝ່ລາວໃຜຢາກໄປສັກກະລະສິ່ງສັກສິດທັງສອງແຜ່ນດີນ, ເຮັດບຸນຈາກຝັ່ງທາງປະເທດລາວເຮົາແລ້ວ, ຊິໄປຕໍ່ທີ່ ວັດໂພ ຢູ່ອຸດອນກະໄດ້
ວັດໂພທິສົມພອນນີ້ກໍ່ເປັນວັດໜຶ່ງທີ່ຕັ້ງຢູ່ເມືອງໝາກແຂ້ງ,ຈັງຫວັດອຸດອນທານີ ການເດີນທາງຈາກນະຄອນຫຼວງໄປກະບໍ່ໄກ ເປັນວັດອາຣາມຫຼວງປະຈຳເມືອງອຸດອນທານີ
ວັດນີ້ເປັນວັດກຳມະຖານເໝາະສຳລັບຄົນທີ່ຢາກມາປະຕິບັດທຳ ເຊີ່ງພາຍໃນວັດປະກອບດ້ວຍ ພະທາດເຈດີ ເຊິ່ງເປັນພະທາດທີ່ສັກສິດໄດ້ຮັບຄວາມເຄົາລົບ ແລະ ສັດທາຈາກຊາວອຸດອນ ຈັດສ້າງຂື້ນເພື່ອໄວ້ບັນຈຸຄໍາສັ່ງສອນຂອງພຸດທະເຈົ້າ ເປັນບູລິສະຖານສຳຄັນ ສູນລວມຈິດໃຈ ແລະ ເປັນທີ່ເຄົາລົບບູຊາຂອງພຸດທະສານິກະຊົນທັງຫຼາຍ.
ພາຍໃນຊັ້ນທີ່ 2 ຂອງພະເຈດີເປັນພິພິດຕະພັນບູລະພາຈານຝ່າຍກຳມະຖານ ຈັດສະແດງຮູບພາບຈິດຕະກອນຕາມຝາທີ່ອະທິບາຍເລື່ອງລາວສະທ້ອນຮູບປະຫວັດສາດພະສົງຂອງວັດ ມຸ່ງສຶກສາກຳມະຖານ ແລະ ປະຕິບັດທຳສຶບຕໍ່ຕາມຄູອາຈານ
ນອກຈາກນີ້ ທາງດ້ານຫຼັງພະເຈດີຍັງມີ ພະພຸດທະຮູບສີລາແລງ ເປັນພະພຸດທະຮູບປາງປະທານພອນ ຫຼື ເຂົາເອີ້ນອີກຊື່ໜື່ງວ່າ “ພະຂໍ” ເຊິ່ງເຊື່ອວ່າ ຂໍພອນສິ່ງໃດກໍສົມປາດຖະໜາ ສ້າງຂື້ນໃນສະໄໜລົົບບູລີມີອາຍຸ 1300 ປີ ເປັນອີກໜື່ງສະຖານທີ່ ທີ່ໄດ້ມາອຸດອນແລ້ວຕ້ອງມາໄຫ້ວພະຂໍພອນສັກເທື່ອໜຶ່ງ.
ຂໍຂອບໃຈໂຮງແຮມ ເດີ ພຣີ້ນເຊສ ທີ່ພາມາເດີ
Hits: 13
