Featured

ບໍ່ແມ່ນເລື່ອງງ່າຍທີ່ຄົນໆ ໜຶ່ງຈະກ້າວຂ້າມຜ່ານຈຸດທີ່ຕົກຕ່ຳໃນຊີວິດມາໄດ້ ທ່ານ ຜິວພອນ ພົມວິໄຊ ຫຼື ເປັນທີ່ຮູ້ຈັກກັນດີໃນນາມ ອາຈານແຕ໋ນ ຜູ້ຢູ່ເບື້ອງຫຼັງຜົນງານ  ຂອງນັກຮ້ອງຫຼາຍໆຄົນ ຢູ່ຄ້າຍເພງ ລາວອາດທ໌ມີເດຍ ແລະ ລາວລ້ານຊ້າງ, ຫຼັງຈາກເພິ່ນໄດ້ຫ່າງຫາຍຈາກວົງການໄປໄລຍະໜຶ່ງ ກໍໄດ້ຫັນຕົວເອງມາເຮັດທຸລະກິດ ແລະ ກໍໄດ້ຜ່ານຜ່າອຸປະສັກຕ່າງໆ ໃນຊີວິດ

“ການທີ່ຈະເປັນນັກຊົງກາເຟ ຫຼື BARISTA ໄດ້ນັ້ນ ບໍ່ແມ່ນເລື່ອງຍາກ ແຕ່ການທີ່ຈະເປັນ BARISTA ທີ່ເຂົ້າໃຈເຖິງຣົດຊາດກາເຟໄດ້ນັ້ນ ຍາກກວ່າ ຖ້າບໍ່ມີໃຈຮັກແທ້ໆ” ນີ້ແມ່ນຄຳເວົ້າຂອງ ທ້າວ ໄຊປັນຍາ ຜາຍພະກົມມາ ຫຼື ໜຸ່ມສະກາຍ BARISTA ລາວ ໄວ 25 ປີ ເຈົ້າຂອງຮ້ານ Grace Café ນະຄອນຫຼວງ ວຽງຈັນ ທີ່ຫຼົງຮັກໃນການເຮັດກາເຟ ຈົນກາຍເປັນອາຊີບທີ່ສ້າງລາຍຮັບໃຫ້ກັບເຂົາເປັນຢ່າງດີ.

ຄວາມພະຍາຍາມທີ່ຈະສຶກສາຮ່ຳຮຽນ ສາມາດເກີດຂຶ້ນໄດ້ກັບທຸກຄົນ ເຖິງວ່າບຸກຄົນນັ້ນຈະເຄີຍຮຽນອ່ອນມາກໍຕາມ ຖ້າມີຄວາມຕັ້ງໃຈແລ້ວ ຄວາມສຳເລັດກໍຈະຕາມມາ ເຊັ່ນດຽວກັນກັບ ທ້າວ ຈັນທະຈອນ ວົງຂັນທອງ, ອາຍຸ 18 ປີ ເປັນຄົນ ຊົນເຜົ່າລື້ ອາໄສຢູ່ ເມືອງ ຊຽງຮ່ອນ, ແຂວງ ໄຊຍະບູລີ ເປັນນັກຮຽນທຶນ ຂອງໂຄງການ Children’s dream Scholarship, ປັດຈຸບັນ ເຂົາ ສຶກສາຢູ່ປີ 1 ຄະນະພາສາສາດ, ພາກວິຊາພາສາອັງກິດ, ມະຫາວິທະຍາໄລ ສຸພານຸວົງ, ແຂວງ ຫຼວງພຣະບາງ.

ຣາຊະອານາຈັກໄທ ບັນລຸ 53 ໂຄງການຮ່ວມມືເພື່ອການພັດທະນາ ໃນ ສປປ ລາວ ໄລຍະ 3 ປີ (2020-2022) ໂດຍຄວບຄຸມ 7 ໝວດໝູ່ ເຊິ່ງໄດ້ແກ່ ກະສິກຳ, ການສຶກສາ, ສາທາລະນະສຸກ, ການຄ້າ, ສິ່ງແວດລ້ອມ, ການພັດທະ ນາສັງຄົມ, ແລະ ການພັດທະນາຊັບພະຍາກອນມະນຸດ ພ້ອມວາງແຜນສືບຕໍ່ໂຄງການຕໍ່ເນື່ອງ ໂດຍຍັງຄົງນັ້ນ  ໜັກໃນດ້ານ ການພັດທະນາບຸກຄະລະກອນລາວ ເປັນສ່ວນຫຼາຍ.

“ຈະພັດທະນາຄົນອື່ນໄດ້ ຕ້ອງພັດທະນາໂຕເອງກ່ອນ” ນີ້ແມ່ນຄຳເວົ້າຂອງ ພຣະອາຈານ ປອ. ດາວສະເດັດ ເລີດມະນີ, ເຈົ້າອະທິການ ວັດໃໝ່ໂຊກຄຳ, ເມືອງ ໄຊເສດຖາ, ນະຄອນຫຼວງວຽງຈັນ.

ຍິງສາວທີ່ຕົກ​ເປັນ​ເຫຍື່ອ​ຂອງ​ການ​ຄ້າ​ມະນຸດ ປຽບກັບວ່າ ພວກເຂົາໄດ້ຕົກນະຮົກໄປແລ້ວ ແລະ ເມື່ອໄດ້ຮັບການຊ່ວຍເຫຼືອ ກໍປຽບກັບວ່າ ພວກນາງໄດ້ຮັບຊີວິດໃໝ່ຄືນມາອີກຄັ້ງ. ການຄ້າມະນຸດ ໃນທີ່ນີ້ສ່ວນໃຫຍ່ກໍແມ່ນການຄ້າປະເວນີ ນັ້ນລະ.

ປຶ້ມ “ພິທີກອນໜ້າເວທີ MC by ME” ທີ່ຫາກໍເປີດໂຕໄປໃນວັນທີ 24 ມີນາ 2022 ຖືວ່າເປັນຜົນງານເຫຼັ້ມທີ 2 ຂອງ ສຸນິຕ້າ ພິມມະສອນ ຫຼື ຕາຕ້າ ຜູ້ປະກາດຂ່າວ, ພິທີກອນ ຈາກໂທລະພາບແຫ່ງຊາດລາວ, ພາຍຫຼັງທີ່ປະສົບຜົນສຳເລັດໃນການຂຽນປຶ້ມເຫຼັ້ມທຳອິດ “ອາຊີບຂອງຂ້ອຍ” ໃນປີ 2019 ທີ່ຜ່ານມາ.

ຜະລິດຕະພັນເຄື່ອງປະດັບ ແລະ ຂອງຕ້ອນຂອງຝາກ ທີ່ເປັນເອກະລັກຂອງຊົນເຜົ່າລາວ ເຊິ່ງທ່ານເຫັນຢູ່ນີ້ ແມ່ນລ້ວນແລ້ວແຕ່ເປັນງານສີມືຂອງເອື້ອຍນ້ອງແມ່ນຍິງຄົນພິການ ຢູ່ທີ່ ສູນຫັດຖະກຳ ຄົນພິການ ແລະ ຊົນເຜົ່າ ທີ່ໄດ້ໃຊ້ຫົວຄິດປະດິດແຕ່ງ ແລະ ຜະລິດຂຶ້ນມາ ຈົນເປັນທີ່ຍອມຮັບຈາກກຸ່ມລູກຄ້ານັກທ່ອງທ່ຽວຊາວຕ່າງປະເທດເປັນຢ່າງດີ.