ຊົມເຊີີຍ! 58 ປີ ແຫ່ງສາຍພົວພັນການທູດ ລາວ-ຈີນ (25 ເມສາ 1961 – 25 ເມສາ 2019)

ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ປະຊາຊົນຈີນ ເປັນເພື່ອນມິດ ຍຸດທະສາດ ຮອບດ້ານໝັ້ນຄົງຍາວນານ ທີ່ມີອຸດົມການ ແລະ ລະບອບການເມືອງຄືກັນ.

ນັບແຕ່ມື້ທີ່ ສປປ ລາວ ແລະ ສປ ຈີນ ໄດ້ສ້າງຕັ້ງສາຍພົວພັນ ການທູດນຳກັນ ໃນວັນທີ 25 ເມສາ 1961 ເປັນຕົ້ນມາ, ສາຍພົວພັນ ແລະ ການຮ່ວມມືລະຫວ່າງສອງປະເທດ ນັບມື້ໄດ້ຮັບການພັດທະນາ ທັງໃນຂອບສອງຝ່າຍ ແລະ ຫລາຍຝ່າຍ ກໍຄື ໃນເວທີພາກພື້ນ ແລະ ສາກົນ, ເຖິງວ່າການພົວພັນຂອງສອງປະເທດ ຈະມີຄວາມຫຍຸ້ງຍາກ ໃນທ້າຍຊຸມປີ 70 ເຖິງກາງຊຸມປີ 80, ແຕ່ທັງສອງປະເທດ ກໍໄດ້ຮັກສາສາຍພົວພັນໃຫ້ມີຄວາມ ສະເໝີຕົ້ນສະເໝີປາຍ ດັ່ງຄຳເວົ້າຂອງ ປະທານ ໄກສອນ ພົມວິຫານ, ເລຂາທິການໃຫຍ່ ຄະນະບໍລິຫານງານ ສູນກາງພັກ, ປະທານສະພາລັດຖະມົນຕີ ສປປ ລາວ ໃນເວລານັ້ນໄດ້ກ່າວເນັ້ນໃນບົດລາຍງານການເມືອງ ຕໍ່ກອງປະຊຸມໃຫຍ່ຂອງພັກ ຄັ້ງທີ IV ວ່າ:

“ຕໍ່ຈີນ, ພວກເຮົາມີ ຄວາມຮັກແພງ ຖະໜອມມິດຕະພາບກັບປະຊາຊົນຈີນຕະຫລອດມາ, ພວກເຮົາຢືນຢັນ ຢ່າງສະເໝີຕົ້ນ ສະເໝີປາຍວ່າ ຈະບໍ່ລົດລະໃນຄວາມບາກບັ່ນພະຍາຍາມ ເພື່ອຮັກສາມິດຕະພາບດັ່ງກ່າວນັ້ນ. ຈີນເປັນປະເທດໃຫຍ່ປະເທດໜຶ່ງ ເປັນສະມາຊິກປະຈຳ ຂອງຄະນະມົນຕີຄວາມໝັ້ນຄົງ ຂອງສະຫະປະຊາຊາດ, ມີຄວາມຮັບຜິດຊອບຕໍ່ສັນຕິພາບຢູ່ອາຊີອາຄະເນ, ອາຊີ-ປາຊີຟິກ ແລະ ໃນໂລກ.

ພວກເຮົາຫວັງວ່າ ການພົວພັນລະຫວ່າງ ປະເທດເຮົາກັບ ສປ ຈີນ ຈະເປັນປົກກະຕິບົນພື້ນຖານການເຄົາລົບ ເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນຂອງກັນ, ບໍ່ແຊກແຊງເຂົ້າໃນວຽກງານຂອງກັນ, ບໍ່ຮຸກຮານກັນ, ສະເໝີພາບ ແລະ ຕ່າງຝ່າຍຕ່າງມີຜົນປະໂຫຍດ, ຢູ່ຮ່ວມກັນໂດຍສັນຕິ.

ອັນນັ້ນເປັນສິ່ງສອດຄ່ອງຢ່າງສົມບູນກັບຜົນປະໂຫຍດຂອງສັນຕິພາບ, ສະຖຽນລະພາບໃນອາຊີອາຄະເນ ແລະ ສັນຕິພາບໃນໂລກ”. ເຊິ່ງມັນໄດ້ກາຍເປັນຂີດໝາຍອັນສຳຄັນ ທີ່ເຮັດໃຫ້ສາຍພົວພັນ ລາວ-ຈີນ ກັບມາເບັ່ງບານ ອີກຄັ້ງ ໂດຍເຫັນໄດ້ຈາກທີ່ ລາວ ແລະ ຈີນ ໄດ້ແຕ່ງຕັ້ງເອກອັກຄະລັດຖະທູດ ຂອງຕົນໄປປະຈຳ ຢູ່ນະຄອນຫລວງຂອງກັນ ແລະ ກັນ ໃນກາງປີ 1988.

ທັງສອງປະເທດຍັງໄດ້ສ້າງເງື່ອນໄຂ ໃໝ່ໃຫ້ແກ່ການຮ່ວມມືທາງດ້ານ ເສດຖະກິດ-ການຄ້າ, ພ້ອມກັນນັ້ນ ກໍ່ໄດ້ມີການແລກປ່ຽນການຢ້ຽມຢາມຂອງຄະນະຜູ້ແທນຂັ້ນສູງຢ່າງຕໍ່ເນື່ອງ. ໃນນັ້ນຜົນສຳເລັດຂອງການຢ້ຽມຢາມ ສປ ຈີນ ຂອງປະທານ ໄກສອນ ພົມວິຫານ ໃນໄລຍະແຕ່ ວັນທີ 5-11 ຕຸລາ ປີ 1989 ໄດ້ກາຍເປັນຂີດໝາຍອັນສຳຄັນ ໃຫ້ແກ່ການເສີມ ຂະຫຍາຍ ສາຍພົວພັນຮອບດ້ານ ລະຫວ່າງສອງປະເທດ ທັງສາຍພັກ, ສາຍລັດ ແລະ ອົງການ ຈັດຕັ້ງມະຫາຊົນ ເຊິ່ງໄດ້ມີການ ເຊັນສັນຍາສຳຄັນ ນຳກັນ 4 ສະບັບ ໄດ້ແກ່ ສັນຍາກົງສູນ, ສັນຍາຮ່ວມມື ດ້ານວັດທະນະທຳ, ສັນຍາຊົ່ວຄາວ ວ່າດ້ວຍ ລະບຽບການຊາຍແດນ  ແລະ  ສັນຍາຍົກເວັ້ນວີຊາ.

ປັດຈຸບັນ ສາຍພົວພັນການທູດ ລາວ-ຈີນ ຖືເປັນໄລຍະທີ່ແຕກດອກອອກຜົນຈາກການຈັດຕັ້ງປະຕິບັດ ແລະ ຜັນຂະຫຍາຍການຮ່ວມມືໃນຂົງເຂດຕ່າງໆ. ເຊິ່ງເຫັນໄດ້ຈາກການຍົກສູງທາງດ້ານການທູດ, ເຖິງປັດຈຸບັນ ສປປ ລາວ ໄດ້ສົ່ງເອກອັກຄະລັດຖະທູດ ໄປປະຈໍາຢູ່ ສປ ຈີນ ລວມທັງໝົດຈຳນວນ 08 ທ່ານ ແລະ ຝ່າຍຈີນ ໄດ້ສົ່ງເອກອັກ ຄະລັດຖະທູດ ມາປະຈຳຢູ່ລາວຈຳນວນ 14 ທ່ານ.

ປັດຈຸບັນ ສປປ ລາວ ມີສະຖານ ເອກອັກ ຄະລັດຖະທູດ 01 ແຫ່ງ ທີ່ນະຄອນຫລວງປັກກິ່ງ ແລະ ສະຖານກົງສູນໃຫຍ່ 07 ແຫ່ງ ປະຈໍາຕົວເມືອງ ສໍາຄັນຕ່າງໆ ຂອງຈີນ ຄື: ຄຸນໝິງ, ນານໜິງ, ສິບສອງພັນນາ (ຫ້ອງການ ຂຶ້ນກັບ ສະຖານກົງສູນໃຫຍ່ຄຸນໝິງ), ກວາງໂຈ, ຊຽງໄຮ້, ສາງຊາ ແລະ ຮ່ອງກົງ; ສ່ວນ ສປ ຈີນ ກໍມີສະຖານ ເອກອັກຄະລັດຖະທູດ 01 ແຫ່ງ ຢູ່ນະຄອນຫລວງ ວຽງຈັນ ແລະ ກົງສູນໃຫຍ່ 01 ແຫ່ງ ຢູ່ນະຄອນຫລວງພະບາງ.  

ນອກນັ້ນ, ນັບແຕ່ປີ 1989 ເຖິງຕົ້ນປີ 2019 ໄດ້ມີການຢ້ຽມຢາມ ສປ ຈີນ ຈາກການນຳຂັ້ນສູງຂອງ ສປປ ລາວ ເຖິງ 49 ຄັ້ງ, ນີ້ຖືເປັນການຮັບປະກັນ ເຖິງການພົວພັນ ການທູດທີ່ດີງາມ ລະຫວ່າງ ສອງປະເທດ ຕັ້ງແຕ່ອາດີດຈົນເຖິງປັດຈຸບັນ.

ການພົວພັນ ອັນດີງາມ ດ້ານການທູດ ໄດ້ກາຍເປັນຂົວຕໍ່ ອັນສຳຄັນ ໃນການຂະຫຍາຍການຮ່ວມມືໃນຂົງເຂດຕ່າງໆ ບໍ່ວ່າຈະເປັນ ທາງດ້ານ ການຄ້າ-ການລົງທຶນ, ການທ່ອງທ່ຽວ ແລະ ຂົງເຂດອື່ນໆ ທີ່ນັບມື້ນັບຂະຫຍາຍຕົວ ແລະ ໄດ້ຮັບຜົນສຳເລັດ ເປັນທີ່ໜ້າເພີ່ງພໍໃຈ.

ອີງຕາມຂໍ້ມູນຈາກຄະນະ ກໍາມະທິການ ຮ່ວມມື ລາວ-ຈີນ ຫລື ຄລຈ (2019) ມູນຄ່າການຄ້າ ລະຫວ່າງສອງປະເທດໃນປີ 2018 ສາມາດບັນລຸເຖິງ 3,47 ຕື້ ໂດລາສະຫະລັດ ເມື່ອທຽບໃສ່ປີ 2017 ເພີ່ມຂຶ້ນ 14,9%, ໂດຍທີ່ສິນຄ້າ ຂອງລາວ ສົ່ງໄປຈີນ ມີມູນຄ່າສູງເຖິງ 2,02 ຕື້ ໂດລາສະຫະລັດ ແລະ ນໍາເຂົ້າສິນຄ້າຈາກ ສປ ຈີນ 1,45 ຕື້ ໂດລາສະຫະລັດ.

ມູນຄ່າການຄ້າດັ່ງກ່າວ, ໄດ້ເຮັດໃຫ້ ສປປ ລາວ ກາຍເປັນ ອັນດັບທີ 2 ໃນບັນດາປະເທດ ສະມາຊິກອາຊຽນ ທີ່ມີການເຕີບໂຕ ຢ່າງວ່ອງໄວໃນຂົງເຂດການຄ້າ ກັບ ສປ ຈີນ. ສິນຄ້າຈາກລາວ ທີ່ສົ່ງອອກໄປຈີນ 5 ອັນດັບຕົ້ນ ມີ ແຮ່ທອງ, ໝາກກ້ວຍ, ທອງແດງ ແລະ ເຄື່ອງທີ່ເຮັດດ້ວຍ ທອງແດງ, ຝຸ່ນ (ປຸ໋ຍ), ຢາງພາລາ. ສຳລັບສິນຄ້າທີ່ຝ່າຍລາວ ນຳເຂົ້າຈາກຈີນ ໃນ 5 ອັນດັບຕົ້ນມີ ເຫລັກ ແລະ ເຫລັກກ້າ, ຜະລິດຕະພັນເຫລັກ, ອຸປະກອນກົນຈັກ (ນອກຈາກເຄື່ອງກົນຈັກ ພາຫະນະ), ອຸປະກອນສື່ສານ ແລະ ຊີ້ນສ່ວນອາໄຫລ່, ເຄື່ອງໄຟຟ້າ ແລະ ອຸປະກອນໄຟຟ້າ.

ນອກນັ້ນ, ການລົງທຶນຂອງວິສາຫະກິດຈີນ ຢູ່ ສປປ ລາວ ນັບແຕ່ປີ 1988 ມາຮອດເດືອນກັນຍາ ປີ 2018 ມີທັງໝົດ 777 ໂຄງການ, ລວມມູນຄ່າທັງໝົດ ຫລາຍກວ່າ 11,1 ຕື້ ໂດລາສະຫະລັດ. ໃນນັ້ນການລົງທຶນ ຂອງຝ່າຍຈີນ 100% ມີມູນຄ່າການລົງທຶນ 8,6 ຕື້ ໂດລາສະຫະລັດ. ມູນຄ່າການລົງທຶນ ຂອງວິສາຫະກິດຈີນ ຢູ່ລາວ ໄດ້ເພີ່ມຂຶ້ນຢ່າງວ່ອງໄວໃນແຕ່ລະປີ. ສະເພາະໃນປີ 2018, ການລົງທຶນໂດຍ ກົງຈາກວິສາຫະກິດຈີນ ຢູ່ລາວ ມີມູນຄ່າທັງໝົດ 139.243.201 ໂດລາສະຫະລັດ ຢູ່ໃນ 7 ໂຄງການ, ເຊິ່ງເຮັດໃຫ້ ສປ ຈີນ ກາຍເປັນ ອັນດັບໜຶ່ງໃນຈຳນວນ 53 ປະເທດ ແລະ ເຂດແຄວ້ນ ທີ່ມາລົງທຶນຢູ່ລາວ.

ດ້ານການທ່ອງທ່ຽວ, ສປປ ລາວ ເປັນໜຶ່ງໃນປະເທດ ທີ່ເປັນເປົ້າໝາຍ ຂອງນັກທ່ອງທ່ຽວຈາກ ສປ ຈີນ. ອີງຕາມຂໍ້ມູນ ຈາກກະຊວງ ຖະແຫລງຂ່າວ, ວັດທະນະທໍາ ແລະ ທ່ອງທ່ຽວ, ໃນປີ 2016 ມີນັກທ່ອງຈາກຈີນ ເຂົ້າມາທ່ອງທ່ຽວໃນລາວ 545.496 ເທື່ອຄົນ ແລະ ໃນ 9 ເດືອນ ຕົ້ນປີ 2017 ມີນັກທ່ອງທ່ຽວຈາກຈີນ ສູງເຖິງ 408.748 ເມື່ອທຽບໃສ່ໃນໄລຍະດຽວກັນຂອງປີ 2016 ເຫັນວ່າເພີ່ມຂຶ້ນ 5% ເຊິ່ງຈັດເປັນອັນດັບ 3 ຂອງບັນດານັກທ່ອງທ່ຽວ ຈາກຕ່າງປະເທດ ທີ່ເຂົ້າມາທ່ອງທ່ຽວໃນລາວ.

ໂດຍສ່ວນໃຫຍ່ ແມ່ນຢູ່ໃນນະຄອນຫລວງພະບາງ, ແຂວງວຽງຈັນ ແລະ ນະຄອນຫລວງວຽງຈັນ, ເຊິ່ງຈໍານວນນັກທ່ອງທ່ຽວ ສ່ວນຫລາຍແມ່ນເລີ່ມຈາກ ເດືອນຕຸລາ-ເມສາ ເພາະເປັນໄລຍະ ລະດູໜາວຂອງຈີນ ແລະ ເປັນໄລຍະອາກາດ ທີ່ດີຂອງປະເທດລາວ.

ນອກຈາກຜົນສຳເລັດ ຂອງການຮ່ວມມື ໃນດ້ານຕ່າງໆ ທີ່ກ່າວມາຂ້າງເທິງແລ້ວ, ສປປ ລາວ ໂດຍປະຕິບັດຍຸດທະສາດໃນການຫັນ ຈາກປະ ເທດທີ່ບໍ່ມີຊາຍແດນ ຕິດກັບທະເລ ໃຫ້ເປັນປະເທດ ເຊື່ອມໂຍງເຊື່ອມຈອດໃນພາກພື້ນ (Land Lock country to Land Link Country) ໄດ້ຮ່ວມມືກັບ ສປ ຈີນ ໃນການສ້າງເສັ້ນທາງລົດໄຟຄວາມໄວສູງ ແຕ່ນະຄອນຫລວງວຽງຈັນ, ສປປ ລາວ – ຄຸນໝິງ, ສປ ຈີນ ເຊິ່ງໂຄງການດັ່ງກ່າວ ກໍາລັງຈັດຕັ້ງປະຕິບັດ ແລະ ສຳເລັດໄປແລ້ວ 64,19%, ຕາມແຜນການຈະໃຫ້ສໍາເລັດ ແລະ ເປີດນໍາໃຊ້ໃນທ້າຍປີ 2021 (ກະຊວງໂຍທາທິການ ແລະ ຂົນສົ່ງ, 2019). ເສັ້ນທາງລົດໄຟດັ່ງກ່າວ, ນອກຈາກ ຈະອຳນວຍຄວາມສະດວກ ໃນການໄປມາຫາສູ່ ລະຫວ່າງ ປະຊາຊົນສອງຊາດ ລາວ-ຈີນ ແລ້ວ ຍັງຈະເປັນເສັ້ນທາງ ຂົນສົ່ງສິນຄ້າທີ່ສຳຄັນ ລະຫວ່າງຈີນ ກັບບັນດາປະເທດໃນຂົງເຂດອີກດ້ວຍ.

ສະຫລຸບລວມແລ້ວ ການພົວພັນຂອງ ລາວ-ຈີນ ໃນໄລຍະຊຸມປີຜ່ານມາ ແມ່ນມີຄວາມສະເໜີຕົ້ນສະເໜີປາຍ, ບົນພື້ນຖານ ຕ່າງຝ່າຍຕ່າງຊຸກຍູ້ ແລະ ໃຫ້ການຊ່ວຍເຫລືອ ເຊິ່ງກັນ ແລະ ກັນ ເຊິ່ງສະແດງອອກ ໃຫ້ເຫັນ ໃນຂອດການຮ່ວມມືຕ່າງໆ ທີ່ໄດ້ຈັດຕັ້ງປະຕິບັດ ໃນໄລຍະຜ່ານມາ ຈົນເຖິງປັດຈຸ ບັນ ກໍ່ເປັນໄລຍະ ທີ່ຜັນຂະຫຍາຍ ໃຫ້ເກີດດອກອອກຜົນ ຫລາຍທີ່ສຸດ ເພື່ອໃຫ້ໄດ້ຜົນປະໂຫຍດ ອັນສູງສຸດ ມາສູ່ສອງປະເທດ.

ການເພີ່ມທະວີ ສາຍພົວພັນ ລະຫວ່າງສອງຊາດ ໄດ້ສະແດງອອກໃຫ້ເຫັນ ໃນຕົວເລກການຄ້າ ລະຫວ່າງສອງປະເທດ ທີ່ນັບມື້ນັບສູງຂຶ້ນ, ການແລກປ່ຽນສິນຄ້າ ລະຫວ່າງຊາຍແດນ ຫາຕົວເມືອງ ນັບມື້ນັບມີຄວາມຄຶກຄື້ນ, ການລົງທຶນ ຂອງນັກທຸລະກິດຈີນໃນລາວ ກໍ່ມີຕົວເລກທີ່ກ້າວກະ ໂດດ, ການໄປມາຫາ ສູ່ລະຫວ່າງ ປະຊາຊົນສອງຊາດ ກໍ່ມີຄວາມສະດວກ ສະບາຍ ຂຶ້ນເປັນກ້າວໆ.

ທີ່ມາ: ສຳນັກຂ່າວສານປະທດລາວ

ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ປະຊາຊົນຈີນ ເປັນເພື່ອນມິດ ຍຸດທະສາດ ຮອບດ້ານໝັ້ນຄົງຍາວນານ ທີ່ມີອຸດົມການ ແລະ ລະບອບການເມືອງຄືກັນ.

ນັບແຕ່ມື້ທີ່ ສປປ ລາວ ແລະ ສປ ຈີນ ໄດ້ສ້າງຕັ້ງສາຍພົວພັນ ການທູດນຳກັນ ໃນວັນທີ 25 ເມສາ 1961 ເປັນຕົ້ນມາ, ສາຍພົວພັນ ແລະ ການຮ່ວມມືລະຫວ່າງສອງປະເທດ ນັບມື້ໄດ້ຮັບການພັດທະນາ ທັງໃນຂອບສອງຝ່າຍ ແລະ ຫລາຍຝ່າຍ ກໍຄື ໃນເວທີພາກພື້ນ ແລະ ສາກົນ, ເຖິງວ່າການພົວພັນຂອງສອງປະເທດ ຈະມີຄວາມຫຍຸ້ງຍາກ ໃນທ້າຍຊຸມປີ 70 ເຖິງກາງຊຸມປີ 80, ແຕ່ທັງສອງປະເທດ ກໍໄດ້ຮັກສາສາຍພົວພັນໃຫ້ມີຄວາມ ສະເໝີຕົ້ນສະເໝີປາຍ ດັ່ງຄຳເວົ້າຂອງ ປະທານ ໄກສອນ ພົມວິຫານ, ເລຂາທິການໃຫຍ່ ຄະນະບໍລິຫານງານ ສູນກາງພັກ, ປະທານສະພາລັດຖະມົນຕີ ສປປ ລາວ ໃນເວລານັ້ນໄດ້ກ່າວເນັ້ນໃນບົດລາຍງານການເມືອງ ຕໍ່ກອງປະຊຸມໃຫຍ່ຂອງພັກ ຄັ້ງທີ IV ວ່າ:

“ຕໍ່ຈີນ, ພວກເຮົາມີ ຄວາມຮັກແພງ ຖະໜອມມິດຕະພາບກັບປະຊາຊົນຈີນຕະຫລອດມາ, ພວກເຮົາຢືນຢັນ ຢ່າງສະເໝີຕົ້ນ ສະເໝີປາຍວ່າ ຈະບໍ່ລົດລະໃນຄວາມບາກບັ່ນພະຍາຍາມ ເພື່ອຮັກສາມິດຕະພາບດັ່ງກ່າວນັ້ນ. ຈີນເປັນປະເທດໃຫຍ່ປະເທດໜຶ່ງ ເປັນສະມາຊິກປະຈຳ ຂອງຄະນະມົນຕີຄວາມໝັ້ນຄົງ ຂອງສະຫະປະຊາຊາດ, ມີຄວາມຮັບຜິດຊອບຕໍ່ສັນຕິພາບຢູ່ອາຊີອາຄະເນ, ອາຊີ-ປາຊີຟິກ ແລະ ໃນໂລກ.

ພວກເຮົາຫວັງວ່າ ການພົວພັນລະຫວ່າງ ປະເທດເຮົາກັບ ສປ ຈີນ ຈະເປັນປົກກະຕິບົນພື້ນຖານການເຄົາລົບ ເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນຂອງກັນ, ບໍ່ແຊກແຊງເຂົ້າໃນວຽກງານຂອງກັນ, ບໍ່ຮຸກຮານກັນ, ສະເໝີພາບ ແລະ ຕ່າງຝ່າຍຕ່າງມີຜົນປະໂຫຍດ, ຢູ່ຮ່ວມກັນໂດຍສັນຕິ.

ອັນນັ້ນເປັນສິ່ງສອດຄ່ອງຢ່າງສົມບູນກັບຜົນປະໂຫຍດຂອງສັນຕິພາບ, ສະຖຽນລະພາບໃນອາຊີອາຄະເນ ແລະ ສັນຕິພາບໃນໂລກ”. ເຊິ່ງມັນໄດ້ກາຍເປັນຂີດໝາຍອັນສຳຄັນ ທີ່ເຮັດໃຫ້ສາຍພົວພັນ ລາວ-ຈີນ ກັບມາເບັ່ງບານ ອີກຄັ້ງ ໂດຍເຫັນໄດ້ຈາກທີ່ ລາວ ແລະ ຈີນ ໄດ້ແຕ່ງຕັ້ງເອກອັກຄະລັດຖະທູດ ຂອງຕົນໄປປະຈຳ ຢູ່ນະຄອນຫລວງຂອງກັນ ແລະ ກັນ ໃນກາງປີ 1988.

ທັງສອງປະເທດຍັງໄດ້ສ້າງເງື່ອນໄຂ ໃໝ່ໃຫ້ແກ່ການຮ່ວມມືທາງດ້ານ ເສດຖະກິດ-ການຄ້າ, ພ້ອມກັນນັ້ນ ກໍ່ໄດ້ມີການແລກປ່ຽນການຢ້ຽມຢາມຂອງຄະນະຜູ້ແທນຂັ້ນສູງຢ່າງຕໍ່ເນື່ອງ. ໃນນັ້ນຜົນສຳເລັດຂອງການຢ້ຽມຢາມ ສປ ຈີນ ຂອງປະທານ ໄກສອນ ພົມວິຫານ ໃນໄລຍະແຕ່ ວັນທີ 5-11 ຕຸລາ ປີ 1989 ໄດ້ກາຍເປັນຂີດໝາຍອັນສຳຄັນ ໃຫ້ແກ່ການເສີມ ຂະຫຍາຍ ສາຍພົວພັນຮອບດ້ານ ລະຫວ່າງສອງປະເທດ ທັງສາຍພັກ, ສາຍລັດ ແລະ ອົງການ ຈັດຕັ້ງມະຫາຊົນ ເຊິ່ງໄດ້ມີການ ເຊັນສັນຍາສຳຄັນ ນຳກັນ 4 ສະບັບ ໄດ້ແກ່ ສັນຍາກົງສູນ, ສັນຍາຮ່ວມມື ດ້ານວັດທະນະທຳ, ສັນຍາຊົ່ວຄາວ ວ່າດ້ວຍ ລະບຽບການຊາຍແດນ  ແລະ  ສັນຍາຍົກເວັ້ນວີຊາ.

ປັດຈຸບັນ ສາຍພົວພັນການທູດ ລາວ-ຈີນ ຖືເປັນໄລຍະທີ່ແຕກດອກອອກຜົນຈາກການຈັດຕັ້ງປະຕິບັດ ແລະ ຜັນຂະຫຍາຍການຮ່ວມມືໃນຂົງເຂດຕ່າງໆ. ເຊິ່ງເຫັນໄດ້ຈາກການຍົກສູງທາງດ້ານການທູດ, ເຖິງປັດຈຸບັນ ສປປ ລາວ ໄດ້ສົ່ງເອກອັກຄະລັດຖະທູດ ໄປປະຈໍາຢູ່ ສປ ຈີນ ລວມທັງໝົດຈຳນວນ 08 ທ່ານ ແລະ ຝ່າຍຈີນ ໄດ້ສົ່ງເອກອັກ ຄະລັດຖະທູດ ມາປະຈຳຢູ່ລາວຈຳນວນ 14 ທ່ານ.

ປັດຈຸບັນ ສປປ ລາວ ມີສະຖານ ເອກອັກ ຄະລັດຖະທູດ 01 ແຫ່ງ ທີ່ນະຄອນຫລວງປັກກິ່ງ ແລະ ສະຖານກົງສູນໃຫຍ່ 07 ແຫ່ງ ປະຈໍາຕົວເມືອງ ສໍາຄັນຕ່າງໆ ຂອງຈີນ ຄື: ຄຸນໝິງ, ນານໜິງ, ສິບສອງພັນນາ (ຫ້ອງການ ຂຶ້ນກັບ ສະຖານກົງສູນໃຫຍ່ຄຸນໝິງ), ກວາງໂຈ, ຊຽງໄຮ້, ສາງຊາ ແລະ ຮ່ອງກົງ; ສ່ວນ ສປ ຈີນ ກໍມີສະຖານ ເອກອັກຄະລັດຖະທູດ 01 ແຫ່ງ ຢູ່ນະຄອນຫລວງ ວຽງຈັນ ແລະ ກົງສູນໃຫຍ່ 01 ແຫ່ງ ຢູ່ນະຄອນຫລວງພະບາງ.  

ນອກນັ້ນ, ນັບແຕ່ປີ 1989 ເຖິງຕົ້ນປີ 2019 ໄດ້ມີການຢ້ຽມຢາມ ສປ ຈີນ ຈາກການນຳຂັ້ນສູງຂອງ ສປປ ລາວ ເຖິງ 49 ຄັ້ງ, ນີ້ຖືເປັນການຮັບປະກັນ ເຖິງການພົວພັນ ການທູດທີ່ດີງາມ ລະຫວ່າງ ສອງປະເທດ ຕັ້ງແຕ່ອາດີດຈົນເຖິງປັດຈຸບັນ.

ການພົວພັນ ອັນດີງາມ ດ້ານການທູດ ໄດ້ກາຍເປັນຂົວຕໍ່ ອັນສຳຄັນ ໃນການຂະຫຍາຍການຮ່ວມມືໃນຂົງເຂດຕ່າງໆ ບໍ່ວ່າຈະເປັນ ທາງດ້ານ ການຄ້າ-ການລົງທຶນ, ການທ່ອງທ່ຽວ ແລະ ຂົງເຂດອື່ນໆ ທີ່ນັບມື້ນັບຂະຫຍາຍຕົວ ແລະ ໄດ້ຮັບຜົນສຳເລັດ ເປັນທີ່ໜ້າເພີ່ງພໍໃຈ.

ອີງຕາມຂໍ້ມູນຈາກຄະນະ ກໍາມະທິການ ຮ່ວມມື ລາວ-ຈີນ ຫລື ຄລຈ (2019) ມູນຄ່າການຄ້າ ລະຫວ່າງສອງປະເທດໃນປີ 2018 ສາມາດບັນລຸເຖິງ 3,47 ຕື້ ໂດລາສະຫະລັດ ເມື່ອທຽບໃສ່ປີ 2017 ເພີ່ມຂຶ້ນ 14,9%, ໂດຍທີ່ສິນຄ້າ ຂອງລາວ ສົ່ງໄປຈີນ ມີມູນຄ່າສູງເຖິງ 2,02 ຕື້ ໂດລາສະຫະລັດ ແລະ ນໍາເຂົ້າສິນຄ້າຈາກ ສປ ຈີນ 1,45 ຕື້ ໂດລາສະຫະລັດ.

ມູນຄ່າການຄ້າດັ່ງກ່າວ, ໄດ້ເຮັດໃຫ້ ສປປ ລາວ ກາຍເປັນ ອັນດັບທີ 2 ໃນບັນດາປະເທດ ສະມາຊິກອາຊຽນ ທີ່ມີການເຕີບໂຕ ຢ່າງວ່ອງໄວໃນຂົງເຂດການຄ້າ ກັບ ສປ ຈີນ. ສິນຄ້າຈາກລາວ ທີ່ສົ່ງອອກໄປຈີນ 5 ອັນດັບຕົ້ນ ມີ ແຮ່ທອງ, ໝາກກ້ວຍ, ທອງແດງ ແລະ ເຄື່ອງທີ່ເຮັດດ້ວຍ ທອງແດງ, ຝຸ່ນ (ປຸ໋ຍ), ຢາງພາລາ. ສຳລັບສິນຄ້າທີ່ຝ່າຍລາວ ນຳເຂົ້າຈາກຈີນ ໃນ 5 ອັນດັບຕົ້ນມີ ເຫລັກ ແລະ ເຫລັກກ້າ, ຜະລິດຕະພັນເຫລັກ, ອຸປະກອນກົນຈັກ (ນອກຈາກເຄື່ອງກົນຈັກ ພາຫະນະ), ອຸປະກອນສື່ສານ ແລະ ຊີ້ນສ່ວນອາໄຫລ່, ເຄື່ອງໄຟຟ້າ ແລະ ອຸປະກອນໄຟຟ້າ.

ນອກນັ້ນ, ການລົງທຶນຂອງວິສາຫະກິດຈີນ ຢູ່ ສປປ ລາວ ນັບແຕ່ປີ 1988 ມາຮອດເດືອນກັນຍາ ປີ 2018 ມີທັງໝົດ 777 ໂຄງການ, ລວມມູນຄ່າທັງໝົດ ຫລາຍກວ່າ 11,1 ຕື້ ໂດລາສະຫະລັດ. ໃນນັ້ນການລົງທຶນ ຂອງຝ່າຍຈີນ 100% ມີມູນຄ່າການລົງທຶນ 8,6 ຕື້ ໂດລາສະຫະລັດ. ມູນຄ່າການລົງທຶນ ຂອງວິສາຫະກິດຈີນ ຢູ່ລາວ ໄດ້ເພີ່ມຂຶ້ນຢ່າງວ່ອງໄວໃນແຕ່ລະປີ. ສະເພາະໃນປີ 2018, ການລົງທຶນໂດຍ ກົງຈາກວິສາຫະກິດຈີນ ຢູ່ລາວ ມີມູນຄ່າທັງໝົດ 139.243.201 ໂດລາສະຫະລັດ ຢູ່ໃນ 7 ໂຄງການ, ເຊິ່ງເຮັດໃຫ້ ສປ ຈີນ ກາຍເປັນ ອັນດັບໜຶ່ງໃນຈຳນວນ 53 ປະເທດ ແລະ ເຂດແຄວ້ນ ທີ່ມາລົງທຶນຢູ່ລາວ.

ດ້ານການທ່ອງທ່ຽວ, ສປປ ລາວ ເປັນໜຶ່ງໃນປະເທດ ທີ່ເປັນເປົ້າໝາຍ ຂອງນັກທ່ອງທ່ຽວຈາກ ສປ ຈີນ. ອີງຕາມຂໍ້ມູນ ຈາກກະຊວງ ຖະແຫລງຂ່າວ, ວັດທະນະທໍາ ແລະ ທ່ອງທ່ຽວ, ໃນປີ 2016 ມີນັກທ່ອງຈາກຈີນ ເຂົ້າມາທ່ອງທ່ຽວໃນລາວ 545.496 ເທື່ອຄົນ ແລະ ໃນ 9 ເດືອນ ຕົ້ນປີ 2017 ມີນັກທ່ອງທ່ຽວຈາກຈີນ ສູງເຖິງ 408.748 ເມື່ອທຽບໃສ່ໃນໄລຍະດຽວກັນຂອງປີ 2016 ເຫັນວ່າເພີ່ມຂຶ້ນ 5% ເຊິ່ງຈັດເປັນອັນດັບ 3 ຂອງບັນດານັກທ່ອງທ່ຽວ ຈາກຕ່າງປະເທດ ທີ່ເຂົ້າມາທ່ອງທ່ຽວໃນລາວ.

ໂດຍສ່ວນໃຫຍ່ ແມ່ນຢູ່ໃນນະຄອນຫລວງພະບາງ, ແຂວງວຽງຈັນ ແລະ ນະຄອນຫລວງວຽງຈັນ, ເຊິ່ງຈໍານວນນັກທ່ອງທ່ຽວ ສ່ວນຫລາຍແມ່ນເລີ່ມຈາກ ເດືອນຕຸລາ-ເມສາ ເພາະເປັນໄລຍະ ລະດູໜາວຂອງຈີນ ແລະ ເປັນໄລຍະອາກາດ ທີ່ດີຂອງປະເທດລາວ.

ນອກຈາກຜົນສຳເລັດ ຂອງການຮ່ວມມື ໃນດ້ານຕ່າງໆ ທີ່ກ່າວມາຂ້າງເທິງແລ້ວ, ສປປ ລາວ ໂດຍປະຕິບັດຍຸດທະສາດໃນການຫັນ ຈາກປະ ເທດທີ່ບໍ່ມີຊາຍແດນ ຕິດກັບທະເລ ໃຫ້ເປັນປະເທດ ເຊື່ອມໂຍງເຊື່ອມຈອດໃນພາກພື້ນ (Land Lock country to Land Link Country) ໄດ້ຮ່ວມມືກັບ ສປ ຈີນ ໃນການສ້າງເສັ້ນທາງລົດໄຟຄວາມໄວສູງ ແຕ່ນະຄອນຫລວງວຽງຈັນ, ສປປ ລາວ – ຄຸນໝິງ, ສປ ຈີນ ເຊິ່ງໂຄງການດັ່ງກ່າວ ກໍາລັງຈັດຕັ້ງປະຕິບັດ ແລະ ສຳເລັດໄປແລ້ວ 64,19%, ຕາມແຜນການຈະໃຫ້ສໍາເລັດ ແລະ ເປີດນໍາໃຊ້ໃນທ້າຍປີ 2021 (ກະຊວງໂຍທາທິການ ແລະ ຂົນສົ່ງ, 2019). ເສັ້ນທາງລົດໄຟດັ່ງກ່າວ, ນອກຈາກ ຈະອຳນວຍຄວາມສະດວກ ໃນການໄປມາຫາສູ່ ລະຫວ່າງ ປະຊາຊົນສອງຊາດ ລາວ-ຈີນ ແລ້ວ ຍັງຈະເປັນເສັ້ນທາງ ຂົນສົ່ງສິນຄ້າທີ່ສຳຄັນ ລະຫວ່າງຈີນ ກັບບັນດາປະເທດໃນຂົງເຂດອີກດ້ວຍ.

ສະຫລຸບລວມແລ້ວ ການພົວພັນຂອງ ລາວ-ຈີນ ໃນໄລຍະຊຸມປີຜ່ານມາ ແມ່ນມີຄວາມສະເໜີຕົ້ນສະເໜີປາຍ, ບົນພື້ນຖານ ຕ່າງຝ່າຍຕ່າງຊຸກຍູ້ ແລະ ໃຫ້ການຊ່ວຍເຫລືອ ເຊິ່ງກັນ ແລະ ກັນ ເຊິ່ງສະແດງອອກ ໃຫ້ເຫັນ ໃນຂອດການຮ່ວມມືຕ່າງໆ ທີ່ໄດ້ຈັດຕັ້ງປະຕິບັດ ໃນໄລຍະຜ່ານມາ ຈົນເຖິງປັດຈຸ ບັນ ກໍ່ເປັນໄລຍະ ທີ່ຜັນຂະຫຍາຍ ໃຫ້ເກີດດອກອອກຜົນ ຫລາຍທີ່ສຸດ ເພື່ອໃຫ້ໄດ້ຜົນປະໂຫຍດ ອັນສູງສຸດ ມາສູ່ສອງປະເທດ.

ການເພີ່ມທະວີ ສາຍພົວພັນ ລະຫວ່າງສອງຊາດ ໄດ້ສະແດງອອກໃຫ້ເຫັນ ໃນຕົວເລກການຄ້າ ລະຫວ່າງສອງປະເທດ ທີ່ນັບມື້ນັບສູງຂຶ້ນ, ການແລກປ່ຽນສິນຄ້າ ລະຫວ່າງຊາຍແດນ ຫາຕົວເມືອງ ນັບມື້ນັບມີຄວາມຄຶກຄື້ນ, ການລົງທຶນ ຂອງນັກທຸລະກິດຈີນໃນລາວ ກໍ່ມີຕົວເລກທີ່ກ້າວກະ ໂດດ, ການໄປມາຫາ ສູ່ລະຫວ່າງ ປະຊາຊົນສອງຊາດ ກໍ່ມີຄວາມສະດວກ ສະບາຍ ຂຶ້ນເປັນກ້າວໆ.

ທີ່ມາ: ສຳນັກຂ່າວສານປະທດລາວ

Bounsong InsideLaos
Bounsong InsideLaoshttp://insidelaos.com
Online Journalists at insidelaos.com.

More from author

Related posts

Advertismentspot_img

Latest posts

ການໃຊ້ຊີວິດຍຸກໃໝ່ ຮູ້ຈັກຄົນປະເພດ Introvert ແລະ Extrovert

ສັງຄົມເຮົາໃນປັດຈຸບັນ ໄດ້ແບ່ງອອກເປັນຫຼາຍກຸ່ມຄົນ ເຊິ່ງການທຳຄວາມເຂົ້າໃຈໃນການໃຊ້ຊີວິດຂອງແຕ່ລະກຸ່ມນັ້ນ ຈະຊ່ວຍໃຫ້ເຮົາເຂົ້າໃຈຄົນອື່ນໄດ້ຫຼາຍຂຶ້ນ, ເຊິ່ງມື້ນີ້ເຮົາຈະມາທຳຄວາມຮູ້ຈັກກັົບ 2 ປະເພດກຸ່ມຄົນ Introvert ແລະ Extrovert.

ເປີດຫໍພິພິທະພັນ ຊີວະນານາພັນ ນໍ້າກັດຢໍລະປ່າ

ທ່ານ ສົມເພັດ ມ້າວປະເສີດ, ຜູ້ພັດທະນາແຫຼ່ງທ່ອງທ່ຽວທາງທຳມະຊາດ ຢໍລະປາ ແບບອະນຸລັກ ເພື່ອອະນຸລັກສັດປ່າ ແລະ ປ້ອງກັນການລ່າສັດຕ່າງໆ. ຈາກຄວາມພະຍາຍາມຂອງເພິ່ນຈຶ່ງໄດ້ນຳໄປສູ່ຄວາມສຳເລັດອີກບາດກ້າວໜຶ່ງ ໂດຍການເປີດຫໍພິພິທະພັນຊີວະນານາພັນນ້ຳກັດຢໍລາປ່າ, ເຊິ່ງເປັນເຄື່ອງໝາຍທີ່ສຳຄັນແຫ່ງການອະນຸລັກ ແລະ ຄວາມຍືນຍົງຂອງຂອບເຂດຢໍລະປາ.

ວັດໂພນພະເນົາ ວັດສະໄໝພຣະເຈົ້າວໍຣະວົງສາ

ດໂພນພະເນົາ (ວັດດອນພະເນົາ) ຕັ້ງຢູ່ບ້ານ ໂພນພະເນົາ, ເມືອງໄຊເສດຖາ, ນະຄອນຫຼວງວຽງຈັນ. ຕາມປະຫວັດໄດ້ກ່າວໄວ້ວ່າ: ວັດນີ້ສ້າງຂຶ້ນໃນຊຸມປີ ຄ.ສ 1599 ສະໄໝ ພຣະເຈົ້າວໍຣະວົງສາ ທັມມິກະຣາດ ເປັນວັດປະຈຳພຣະອົງ.

Want to stay up to date with the latest news?

We would love to hear from you! Please fill in your details and we will stay in touch. It's that simple!