ອົງການພຸດທະສາສະໜາສຳພັນ (ອພສ) 4 ແຂວງພາກໃຕ້ ເຊັ່ນ: ອພສ ແຂວງຈຳປາສັກ, ອພສ ແຂວງສາລະວັນ, ອພສ ແຂວງເຊກອງ ແລະ ອພສ ແຂວງອັດຕະປື ເຊື່ອມຊຶມລັດຖະທຳມະນູນສະບັບປັບປຸງ ເຊິ່ງກອງປະຊຸມດັ່ງກ່າວ ຈັດຂຶ້ນທີ່ ແຂວງ ອັດຕະປື.
ພຣະອາຈານ ພູຄຳ ແກ້ວປະທຸມ ຮອງບໍລິຫານງານ ສູນກາງອົງການພຣະພຸດທະສາສະໜາສຳພັນແຫ່ງ ສະປປ ລາວ ໄດ້ຍົກໃຫ້ເຫັນວ່າ:
ລັດຖະທໍາມະນູນ ສະບັບປັບປຸງນີ້ ລວມມີ 13 ໝວດ, 76 ມາດຕາ ເປັນການປະກອບສ່ວນອັນສຳຄັນເຂົ້າໃນໄລ ຍະສ້າງສາພັດທະນາປະເທດຊາດ, ສ້າງບ້ານແປງເມືອງ, ສ້າງໂຄງການຕ່າງໆ ຊ່ວຍພັກ ແລະ ປະຊາຊົນ, ພັກເຮົາຍາມໃດແມ່ນຢາກໃຫ້ບັນດາສາສະໜາມີຄວາມສາມັກຄີປອງດອງ ເປັນຈິດຫນຶ່ງໃຈດຽວກັນ, ບໍ່ຂັດແຍ່ງແບ່ງສອງ ພ້ອມກັນປະກອບສ່ວນເພື່ອຄວາມຢູ່ດີກິນດີ ຂອງປະຊາຊົນທັງຊາດ.
ພຣະອາຈານ ພູຄຳ ແກ້ວປະທຸມ ໃຫ້ຮູ້ຕື່ມອີກວ່າ: ລັດຖະທຳມະນູນສົງລາວອົງການພຸດທະສາສະໜາສຳພັນແຫ່ງ ສະປປ ລາວ ທີ່ຖືກສ້າງຂຶ້ນນີ້ ແມ່ນກຳນົດຫລັກການ, ລະບຽບການ ກ່ຽວກັບການຈັດຕັ້ງ ແລະ ການເຄື່ອນໄຫວຂອງພຣະສົງລາວເພຶ່ອຮັບປະກັນປະຕິບັດພາລະບົດບາດ, ສິດ ແລະ ໜ້າທີ່ຂອງຕົນໃຫ້ມີປະສິດທິຜົນສູງ ໃນການຈັດຕັ້ງປະຕິບັດໃຫ້ເໝາະສົມກັບກາລະໂອກາດ ແລະ ຄວາມເປັນຈິງຢູ່ ສປປ ລາວ
ແຫຼ່ງຂໍ້ມູນ: Midia Laos
Hits: 37
