ເພື່ອເນັ້ນໃສ່ພັດທະນາທັກສະຂອງນັກຂ່າວ ໃນການເຮັດວຽກງານຂ່າວໂດຍນຳໃຊ້ສື່ແບບໃໝ່ ກໍຄື ສື່ອອນລາຍ ໂດຍການຮ່ວມມືລະຫວ່າງສະມາຄົມນັກຂ່າວ ແຫ່ງ ສປປ ລາວ ແລະ ສະມາຄົມນັກຂ່າວວິທະຍຸ ແລະ ໂທລະ ພາບແຂວງເພັດສະບູນປະເທດໄທ ໄດ້ຈັດຊຸດອົບຮົມພາຍໃຕ້ຫົວຂໍ້ “ທັກສະການຜະລິດລາຍການວິທະຍຸ-ໂທລະພາບອອນລາຍ” ທີ່ວິທະຍຸກະຈາຍສຽງແຫ່ງຊາດ .
ໂດຍການເຂົ້າຮ່ວມຂອງທ່ານ ສີພາ ນົງລາດ ຮອງປະທານສະມາຄົມນັກຂ່າວແຫ່ງປະເທດລາວ ມີວິທະຍາກອນຈາກສະມາຄົມນັກຂ່າວວິທະຍຸ ແລະ ໂທລະພາບ ແຂວງເພັດສະບູນ ພ້ອມດ້ວຍນັກຂ່າວ 45 ຄົນ ຈາກຫຼາຍສຳນັກໃນນະຄອນຫຼວງວຽງຈັນ ແລະ ຕ່າງແຂວງພາກສ່ວນກ່ຽວຂ້ອງ.
ເພື່ອເນັ້ນໃສ່ພັດທະນາທັກສະຂອງນັກຂ່າວ ໃນການເຮັດວຽກງານຂ່າວໂດຍນຳໃຊ້ສື່ແບບໃໝ່ ກໍຄື ສື່ອອນລາຍ ໂດຍການຮ່ວມມືລະຫວ່າງສະມາຄົມນັກຂ່າວ ແຫ່ງ ສປປ ລາວ ແລະ ສະມາຄົມນັກຂ່າວວິທະຍຸ ແລະ ໂທລະພາບແຂວງເພັດສະບູນປະເທດໄທ ໄດ້ຈັດຊຸດອົບຮົມພາຍໃຕ້ຫົວຂໍ້ “ທັກສະການຜະລິດລາຍການວິທະຍຸ-ໂທລະພາບອອນລາຍ” ໃນລະຫວ່າງວັນທີ 2-4 ກໍລະກົດ 2019 ທີ່ວິທະຍຸກະຈາຍສຽງແຫ່ງຊາດ ໂດຍການເຂົ້າຮ່ວມຂອງທ່ານ ສີພາ ນົງລາດ ຮອງປະທານສະມາຄົມນັກຂ່າວແຫ່ງປະເທດລາວ ມີວິທະຍາກອນຈາກສະມາຄົມນັກຂ່າວວິທະຍຸ ແລະ ໂທລະພາບ ແຂວງເພັດສະບູນ ພ້ອມດ້ວຍນັກຂ່າວ 45 ຄົນ ຈາກຫຼາຍສຳນັກໃນນະຄອນຫຼວງວຽງຈັນ ແລະ ຕ່າງແຂວງພາກສ່ວນກ່ຽວຂ້ອງ.
ທ່ານ ສີພາ ນົງລາດ ກ່າວວ່າ: ການປະຕິບັດວຽກງານສື່ມວນຊົນຢູ່ປະເທດເຮົາໃນໄລຍະຜ່ານມາ ເຖິງແມ່ນວ່າຈະພົບກັບຄວາມຫຍຸ້ງຍາກ ທ້າທາຍ ແລະ ທົດສອບຫຼາຍປະການ ແຕ່ພັກ ແລະ ລັດເຮົາ ກໍມີຄວາມຮັບຮູ້ດີເຖິງຄວາມສຳຄັນຂອງວຽກງານເຕັກໂນໂລຊີແຫ່ງການສື່ສານ ແລະ ຂໍ້ມູນຂ່າວສານທີ່ມີຄວາມຈຳເປັນອັນຮີບດ່ວນ ໃນການພັດທະນາບຸຄະລາກອນໃນຂົງເຂດດັ່ງກ່າວ ໃຫ້ກ້າວໜ້າທັນກັບຍຸກສະໄໝ ແລະ ຄວາມຕ້ອງການຂອງສັງຄົມໃນປັດຈຸບັນ ສຳລັບຊຸດອົບຮົມໃນຄັ້ງນີ້ ກໍແມ່ນມີເປົ້າໝາຍເພື່ອເນັ້ນໃສ່ພັດທະນາທັກສະຂອງນັກຂ່າວໃນການເຮັດໜ້າທີ່ວິຊາສະເພາະຂອງຕົນ ໂດຍນຳໃຊ້ສື່ແບບໃໝ່ ຫຼື ພາສາອັງກິດເອີ້ນວ່າ “mobile journalism” ຫຼື ເອີ້ນຫຍໍ້ວ່າ “mojo” ນັ້ນເອງ ບັນດານັກຂ່າວ “mojo” ທີ່ວ່ານີ້ ແມ່ນນຳໃຊ້ໂທລະສັບມືຖື ເພື່ອເກັບກຳຂໍ້ມູນຂ່າວສານ ແລະ ລາຍງານຂ່າວໂດຍມີທັງພາບນິ້ງ ພາບວີດີໂອ ແລະ ສຽງໄປພ້ອມກັນໃນເວລາດຽວກັນ.
ໍທ່ານ ວໍລະສັກ ປຣະວົງວຽງຄຳ ຮອງຜູ້ອຳນວຍການວິທະຍຸກະຈາຍສຽງແຫ່ງຊາດ ໄດ້ກ່າວວ່າ: ສະມາຄົມນັກຂ່າວແຫ່ງ ສປປ ລາວ ມະຫາວິທະຍາໄລການພະລະສຶກສາວິທະຍາເຂດເພັດສະບູນ ແລະ ສະມາຄົມນັກຂ່າວວິທະຍຸ ແລະ ໂທລະພາບ ແຂວງເພັດສະບູນ ປະເທດໄທ ມີການພົວພັນຮ່ວມມືລະຫວ່າງກັນມາແຕ່ດົນນານ ແລະ ໄດ້ເຊັນບົດບັນທຶກຄວາມເຂົ້າໃຈໃນການຮ່ວມມືດ້ານວິຊາການ ເພື່ອພັດທະນາບຸຄະລາກອນຮ່ວມກັນຕັ້ງແຕ່ປີ 2015 ເປັນຕົ້ນມາ.
ທີ່ວິທະຍຸກະຈາຍສຽງແຫ່ງຊາດ ໂດຍການເຂົ້າຮ່ວມຂອງທ່ານ ສີພາ ນົງລາດ ຮອງປະທານສະມາຄົມນັກຂ່າວແຫ່ງປະເທດລາວ ມີວິທະຍາກອນຈາກສະມາຄົມນັກຂ່າວວິທະຍຸ ແລະ ໂທລະພາບ ແຂວງເພັດສະບູນ ພ້ອມດ້ວຍນັກຂ່າວ 45 ຄົນ ຈາກຫຼາຍສຳນັກໃນນະຄອນຫຼວງວຽງຈັນ ແລະ ຕ່າງແຂວງພາກສ່ວນກ່ຽວຂ້ອງ.
ແຫຼ່ງຂໍ້ມູນ: ໜັງສືພິມວຽງຈັນໃໝ່
Hits: 16
